રાંધણ ગેસના ભાવ હજુ વધશે, મોંઘવારી વકરશે | Cooking gas prices will increase further inflation will increase

– ઘરેલુ એલપીજી સિલિન્ડરના વેચાણમાં સરકારને હજુ પણ રૂ. 700ની ખોટ…

– એલપીજીના આંતરરાષ્ટ્રીય ભાવ ઉછળ્યા હોવા છતાં ભારતીયો અન્ય દેશો કરતા ઓછી કિંમત ચૂકવી રહ્યા છે : કેન્દ્ર

Also Read

ઓડિશામાં સરકારી એન્જિનિયર પાસેથી રૂ. બે કરોડ રોકડા મળ્યા | Rs 2 crore cash found from government engineer in Odisha

– એક ઘરેલુ એલપીજી સિલિન્ડરનો સપ્લાય ખર્ચ રૂ. 1600એ પહોંચ્યો, કંપનીઓ માટે રૂ. 30,000 કરોડનું વળતર જાહેર

Also Read

રિલાયન્સ ઈન્ફ્રાએ ટ્રેડિંગ પ્રતિબંધો હટાવવા સેબીના દરવાજા ખખડાવ્યા | Reliance Infra knocks on SEBI’s doors to lift trading restrictions

– ગત નાણાકીય વર્ષના અંતે ઘરેલુ એલપીજી પાછળ નુકસાન રૂ. 41,338 કરોડેથી વધીને 60,000 કરોડે પહોંચ્યું 

નવી દિલ્હી: ભારતમાં દિવસે ને દિવસે એલપીજી, પેટ્રોલ, ડીઝલ વગેરે ઇંધણ મોંઘા થઇ રહ્યા છે. ગમે ત્યારે ઘરેલુ એલપીજી સિલિન્ડરનો ભાવ ૧૦૦૦ રૂપિયાએ પહોંચી શકે છે એવામાં કેન્દ્ર સરકારે બચાવમાં કહ્યું છે કે આંતરરાષ્ટ્રીય સ્તરે એલપીજીના ભાવમાં જે વધારો થઇ રહ્યો છે તેની સરખામણીમાં ભારતીયો બહુ જ ઓછો ભાવ 

ચૂકવી રહ્યા છે. હાલમાં ૧૪ કિલોના ઘરેલુ એલપીજી સિલિન્ડર પાછળનો મૂળ ખર્ચ ૧૬૦૦ રૂપિયાએ પહોંચી ગયો છે. કંપનીઓને દર સિલિન્ડર પર લગભગ ૭૦૦ રૂપિયાનું નુકસાન થઇ રહ્યું છે તેમ સરકારે સ્પષ્ટતા કરી છે.   

પેટ્રોલિયમ અને કુદરતી ગેસ મંત્રાલયના જણાવ્યા મુજબ હાલ એલપીજીનો ભાવ અન્ય દેશોની સરખામણીમાં ભારતમાં બહુ જ ઓછો છે, કંપનીઓને ૭૦૦ રૂપિયાનું નુકસાન થઇ રહ્યું છે જે સરકાર ભોગવી રહી છે. એપ્રીલથી જૂન મહિના દરમિયાન એલપીજી કમ્પોનન્ટના ભાવમાં આંતરરાષ્ટ્રીય સ્તરે મોટો ઉછાળો થયો. જેમ કે બ્લેન્ડેડ સાઉદી સીપીનો ભાવ ફેબુ્રઆરીમાં પ્રતિ ટન ૫૪૨ ડોલર હતો જે જૂનમાં વધીને ૭૯૦ ટને પહોંચ્યો હતો. એવી જ રીતે પ્રોપેનના ભાવમાં આ સમયગાળા દરમિયાન ૩૯ ટકાનો વધારો થયો હતો. બ્યૂટેનના ભાવ પણ ૫૨ ટકા ઉછળ્યા, આમ ભાવમાં વધારાને પગલે સપ્લાય ખર્ચ પ્રતિ સિલિન્ડર ૧૬૦૦ રૂપિયાએ પહોંચી ગયો છે. 

જેને પગલે હજુ પણ ભાવ વધારો થવાની ભીતિ છે. હાલમાં ઓઇલ માર્કેટિંગ કંપનીઓને મદદ કરવા માટે કેબિનેટ દ્વારા ૩૦,૦૦૦ કરોડ રૂપિયાનું વળતર મંજૂર કરવામાં આવ્યું હતું.  નોંધનીય છે કે એક દિવસ પહેલા જ ઘરેલુ એલપીજી સિલિન્ડરનો ભાવ ૨૯ રૂપિયા વધારી દેવાયો હતો જેને પગલે દિલ્હીમાં સિલિન્ડરનો ભાવ રૂ.  ૯૧૩થી વધીને રૂ. ૯૪૨એ પહોંચી ગયો હતો. આ ભાવ વધારો ઇરાન અને અમેરિકા-ઇઝરાયેલ વચ્ચે ઘર્ષણને પગલે જે હોર્મુઝ ખાડી બંધ કરી દેવામાં આવી છે તેને કારણે થઇ રહ્યો છે. હોર્મુઝમાં અનેક અવરોધો વચ્ચે પણ ભારતને એલપીજી સિલિન્ડર મળી રહ્યા છે જેને પગલે હાલ ભારતમાં અન્ય દેશોની સરખામણીએ ભાવ વધારો ઘણો જ ઓછો છે તેવો દાવો સરકાર દ્વારા કરવામાં આવ્યો હતો. 

કેન્દ્ર સરકારે દાવો કર્યો છે કે આંતરરાષ્ટ્રીય સ્તરે ભાવ વધારો થઇ રહ્યો હોવા છતા ભારતમાં એલપીજી તેના પાડોશી દેશો જેમ કે પાકિસ્તાન, નેપાળ, શ્રીલંકા, બાંગ્લાદેશ વગેરેની સરખામણીમાં ઘણો જ સસ્તો મળી રહ્યો છે. હોર્મુઝ ખાડીએથી સરળતાથી એલપીજી લઇ આવનારા દેશોમાં ભારતનો પણ સમાવેશ થાય છે. ગત નાણાકીય વર્ષના અંત સુધીમાં એલપીજી સેલ્સમાં નુકસાન રૂ. ૬૦,૦૦૦ કરોડને પાર પહોંચી ગયો હતો, જે તે પહેલાના નાણાકીય વર્ષ દરમિયાન રૂ. ૪૧,૩૩૮ કરોડ હતું. ભારત પોતાની જરૂરિયાતનો ૬૦ ટકા એલપીજી આયાત કરે છે. જેને પગલે હાલ હોર્મુઝ ખાડીના સંકટને પગલે ભારતે કેટલીક મુશ્કેલીઓનો સામનો કરવો પડી શકે છે. કેમ કે હોર્મુઝ ખાડીના માર્ગેથી જ મોટાભાગનો એલપીજી ભારત આવે છે.