Alpha Advance Booking Alia Bhatts first female-lead spy film set to explode at the box office | Gujarat News

યશરાજ ફિલ્મ્સના પ્રખ્યાત સ્પાય યુનિવર્સની પ્રથમ મહિલા-પ્રમુખ ફિલ્મ “આલ્ફા” આ શુક્રવારે થિયેટરોમાં રિલીઝ થવા જઈ રહી છે. આલિયા ભટ્ટ સ્ટારર આ હાઈ-ઓક્ટેન સ્પાય-એક્શન ફિલ્મ માટે એડવાન્સ બુકિંગ શરૂ થઈ ગયું છે, અને શરૂઆતના આંકડાઓ દર્શાવે છે કે દર્શકોમાં આ ફિલ્મને લઈને ભારે ક્રેઝ છે. આલિયા ભટ્ટ ચુલબુલી અને ગ્લેમરસ પાત્રો કર્યો છે. પ્રથમ વખત આલિયા ગ્લેમર છોડી એકશન ફિલ્મ કરી રહી છે. ફિલ્મનું ટિઝર દર્શકોને ખૂબ પસંદ આવ્યું છે. સોશિયલ મીડિયામાં આલિયા અને શરવરી વાઘનો એક વીડિયો ફેન્સને ખૂબ પસંદ આવ્યો. બંનેની કેમેસ્ટ્રી જોયા બાદ દર્શકો આ ફિલ્મ જોવા વધુ આતુર થયા છે.

આલ્ફાનું જબરજસ્ત એડવાન્સ બુકિંગ

ટ્રેડ વેબસાઇટ Sacnilk ના પ્રારંભિક ડેટા અનુસાર, ‘આલ્ફા’ ને પ્રી-ટિકિટ વેચાણમાં દેશભરમાંથી શાનદાર પ્રતિસાદ મળી રહ્યો છે. બ્લોક કરેલી સીટો સહિત, ફિલ્મનું પહેલા દિવસનું એડવાન્સ બુકિંગ હાલમાં ₹૧.૫૨ કરોડ પર પહોંચી ગયું છે. ભારતમાં અત્યાર સુધીમાં ૧૦,૨૯૩ હિન્દી (2D) શો માટે બુકિંગ ઓપન થઈ ચૂક્યું છે. ફિલ્મને સૌથી વધુ ફાયદો મહારાષ્ટ્રમાંથી મળી રહ્યો છે, જ્યાં બ્લોક કરેલી બેઠકો સાથે ₹૩૪.૭૬ લાખનું એડવાન્સ બુકિંગ થઈ ગયું છે. દિલ્હી ₹૩૪.૩૫ લાખના બુકિંગ અને ગુજરાતમાં પણ ફિલ્મની પ્રી-રિલીઝ કમાણીમાં ₹૧૦.૬૬ લાખનું મહત્વનું યોગદાન આપ્યું છે.

Also Read

National Film Awards 2026: કોણ જીતશે પ્રતિષ્ઠિત એવોર્ડ? મામૂટી અને સાઇ પલ્લવી રેસમાં આગળ.. | Gujarat News

‘આલ્ફા’ પહેલા દિવસે કેટલી કમાણી કરી શકે છે?

વર્તમાન ટ્રેન્ડ્સ અને પ્રારંભિક અંદાજો મુજબ, ‘આલ્ફા’ ભારતીય બોક્સ ઓફિસ પર તેના ઓપનિંગ ડે પર ₹૭૦-૮૦ મિલિયન (નેટ) ની કમાણી કરે તેવી અપેક્ષા છે. જોકે, સ્પાય યુનિવર્સની અન્ય ફિલ્મોની સરખામણીએ આ સામાન્ય ઓપનિંગ કહી શકાય, પરંતુ શુક્રવારે થનારા સ્પોટ બુકિંગ (ઓન-ધ-સ્પોટ ટિકિટ ખરીદી) અને પોઝિટિવ માઉથ પબ્લિસિટી (Word of Mouth) ના કારણે આ આંકડો બે આંકડામાં (Double Digit) પહોંચી શકે છે.

Also Read

Monsoon 2026 : ગુજરાતમાં 5 વરસાદી સિસ્ટમ એક્ટિવ, 24 કલાક અતિભારે; માંગરોળમાં 22 ઈંચ સાથે 225 તાલુકા તરબતર..! Video | Gujarat News

YRF સ્પાય યુનિવર્સમાં નવો ઇતિહાસ કરશે

90ના દાયકામાં મનમોહન દેસાઈ એકશન ફિલ્મો માટે ફેમસ હતા. તેમ YRF સ્પાય ફિલ્મ બનાવવામાં ઇન્ડસ્ટ્રીમાં મોખરે છે.  “એક થા ટાઇગર,” “ટાઇગર ઝિંદા હૈ,” “વોર,” અને “પઠાણ” જેવી મેગા બ્લોકબસ્ટર ફિલ્મો આપ્યા બાદ, YRF સ્પાય યુનિવર્સ આ વખતે “આલ્ફા” દ્વારા ઇતિહાસ રચવા જઈ રહ્યું છે. આ ફ્રેન્ચાઇઝીની આ પહેલી એવી ફિલ્મ છે જે સંપૂર્ણપણે મહિલા એજન્ટની એક્શન પર આધારિત છે. હવે જોવાનું એ રહેશે કે આલિયા ભટ્ટની આ એક્શન મુવી બોક્સ ઓફિસ પર કેટલા નવા રેકોર્ડ સર્જે છે.

આ પણ વાંચો : Hit Film : 5 દિવસમાં 25 રેકોર્ડ! બોક્સ ઓફિસ પર વેલકમ 3ની આંધી, વર્લ્ડવાઇડ કરી શાનદાર કમાણી!