Gas Cylinder Flood : ‘પુષ્પા’ ફિલ્મ જેવું દૃશ્ય હકીકતમાં બન્યું! રાયગઢમાં પૂરના પાણીમાં તણાયા 3000 ગેસ સિલિન્ડર

મહારાષ્ટ્રના રાયગઢ જિલ્લામાં ભારે વરસાદ બાદ એક ચોંકાવનારા દ્રશ્ય સામે આવ્યા છે. ખાલાપુર તાલુકાના ચાવણે વિસ્તારમાં આવેલા HPCL ગેસ રિફિલિંગ પ્લાન્ટમાં પૂરના પાણી ઘૂસી જતા આશરે 3000 LPG ગેસ સિલિન્ડર પાણીમાં તણાઈ ગયા હતા.

આ સિલિન્ડરો પાતાળગંગા નદીમાં વહેતા જોવા મળતા તેનો વીડિયો સોશિયલ મીડિયા પર ઝડપથી વાયરલ થયો છે. ઘટનાની ગંભીરતાને જોતા વહીવટી તંત્ર અને HPCLની ટીમે સર્ચ ઓપરેશન શરૂ કર્યું છે.

પ્લાન્ટમાં ઘૂસ્યા પૂરના પાણી

Also Read

Chaos at Mamata Banerjees rally : ‘મહિલાઓ સાથે મારપીટ થઈ…’ કોલકાતામાં રાજકીય ગરમાવો, મમતા બેનર્જીએ જાતે કરવો પડ્યો બચાવ

માહિતી અનુસાર, રાયગઢ જિલ્લામાં મુશળધાર વરસાદને કારણે પહાડી નાળાઓમાં અચાનક પૂર આવ્યું હતું. પૂરના જોરદાર પ્રવાહે ચાવણે વિસ્તારમાં આવેલા HPCLના ગેસ રિફિલિંગ પ્લાન્ટને ઝપેટમાં લીધો હતો.

Also Read

Gujarat Monsoon Update : મેઘરાજાએ લીધો બ્રેક, હવે સપ્તાહ સુધી ભારે વરસાદ નહીં; 5 ડેમ ઓવરફ્લો, 109 ડેમોમાં 25%થી ઓછું પાણી

પાણીનો વેગ એટલો વધુ હતો કે પ્લાન્ટમાં સંગ્રહિત સિલિન્ડરોને સંભાળવાની તક જ મળી નહીં અને હજારો સિલિન્ડર પાણીમાં તણાઈ ગયા.

પાતાળગંગા નદીમાં વહેતા ગયા સિલિન્ડર

પ્લાન્ટમાંથી તણાઈ ગયેલા સિલિન્ડરો આગળ જઈને પાતાળગંગા નદીમાં વહેતા જોવા મળ્યા હતા. રિપોર્ટ મુજબ, આ સિલિન્ડરોમાં કેટલાક ભરેલા હતા તો કેટલાક ખાલી હતા. સદનસીબે મોટી સંખ્યામાં ખાલી સિલિન્ડર હોવાને કારણે મોટી દુર્ઘટના ટળી ગઈ.

જો ભરેલા સિલિન્ડરો મોટી સંખ્યામાં હોત તો ગેસ લીકેજ અથવા વિસ્ફોટનો મોટો ખતરો ઊભો થઈ શક્યો હોત.

કલેક્ટરની ચેતવણી, સિલિન્ડરને અડશો નહીં

મામલો સામે આવ્યા બાદ રાયગઢના જિલ્લા કલેક્ટરે લોકોને સાવચેત રહેવાની અપીલ કરી છે. તંત્રએ સ્પષ્ટ જણાવ્યું છે કે નદીમાં વહેતા આવેલા સિલિન્ડરોને કોઈ પણ વ્યક્તિએ હાથ લગાવવો નહીં, ઘરે લઈ જવાનો પ્રયાસ કરવો નહીં અને ઉત્સુકતામાં તેની નજીક જવું પણ નહીં. સિલિન્ડરોમાં ગેસ છે કે નહીં અને તે કેટલા સુરક્ષિત છે, તે અંગે હજી સ્પષ્ટતા થઈ નથી.

સર્ચ ઓપરેશન શરૂ, નુકસાનનું આકલન ચાલુ

હાલમાં, HPCL અને સ્થાનિક વહીવટી તંત્રની ટીમો સંયુક્ત રીતે સર્ચ ઓપરેશન ચલાવી રહી છે. પાતાળગંગા નદીના આસપાસના વિસ્તારોમાં વહી ગયેલા સિલિન્ડરોને શોધવાનો પ્રયાસ થઈ રહ્યો છે.

કંપની દ્વારા નુકસાનનું આકલન પણ શરૂ કરવામાં આવ્યું છે. ભારે વરસાદને ધ્યાનમાં રાખીને તંત્ર એલર્ટ પર છે અને લોકોને નદીકાંઠે ન જવાની સૂચના આપવામાં આવી છે.