ભારત અને ઝિમ્બાબ્વે વચ્ચે શરૂ થનારી T20 સીરીઝ પહેલા ટીમ ઇન્ડિયાના કેપ્ટન શ્રેયસ અય્યરે ખેલાડીઓને મહત્વપૂર્ણ સંદેશ આપ્યો છે. આયર્લેન્ડ અને ઇંગ્લેન્ડ સામેની નિરાશાજનક સીરીઝ બાદ અય્યરે સ્પષ્ટ શબ્દોમાં કહ્યું છે, કે ખેલાડીઓએ નિષ્ફળતાનો ડર મનમાંથી કાઢી નાખવો જોઈએ અને સંપૂર્ણ આત્મવિશ્વાસ સાથે પોતાની સ્વાભાવિક રમત રમવી જોઈએ.
‘ડર છોડશો તો જ શ્રેષ્ઠ પ્રદર્શન કરી શકશો’
હરારેમાં યોજાયેલી પ્રેસ કોન્ફરન્સ દરમિયાન શ્રેયસ અય્યરે કહ્યું, કે કોઈ પણ ખેલાડીના મનમાં નિષ્ફળ જવાનો ભય ન હોવો જોઈએ. જો ખેલાડીઓ માત્ર ભૂલ થવાના ડરથી રમશે તો તેઓ પોતાની કુદરતી રમત બતાવી શકશે નહીં. પરંતુ જ્યારે ખેલાડી નિર્ભય બનીને મેદાનમાં ઉતરે છે, ત્યારે જ તે પોતાની સંપૂર્ણ ક્ષમતા સાથે ટીમ માટે યોગદાન આપી શકે છે.
બહારની ચર્ચાઓથી કોઈ ફરક પડતો નથી: અય્યર
અય્યરે વધુમાં જણાવ્યું કે ટીમ ડ્રેસિંગ રૂમની બહાર શું ચર્ચા ચાલી રહી છે અથવા લોકો શું કહી રહ્યા છે, તેનાથી તેમને કોઈ ફરક પડતો નથી. તેમના માટે સૌથી મહત્વની બાબત એ છે, કે સમગ્ર ટીમ એકજૂથ બનીને મેદાન પર શ્રેષ્ઠ ક્રિકેટ રમે અને જીત માટે સંપૂર્ણ પ્રયાસ કરે.
કપ્તાન તરીકે હજુ જીતની શોધમાં શ્રેયસ
શ્રેયસ અય્યરની કપ્તાની હેઠળ ભારતે અત્યાર સુધી 7 T20 આંતરરાષ્ટ્રીય મેચ રમી છે, પરંતુ હજુ સુધી જીતનું ખાતું ખોલી શક્યું નથી. આયર્લેન્ડ સામે ભારતને સીરીઝમાં ક્લીન સ્વીપનો સામનો કરવો પડ્યો હતો, જ્યારે ઇંગ્લેન્ડ સામે પાંચ મેચોની સીરીઝમાં 0-4થી હાર મળી હતી. આવી સ્થિતિમાં ઝિમ્બાબ્વે સામેની સીરીઝ અય્યર માટે પણ અગ્નિપરીક્ષા સમાન માનવામાં આવી રહી છે.
ઝિમ્બાબ્વે સામે ભારતનો શાનદાર રેકોર્ડ
ઝિમ્બાબ્વેની ધરતી પર ભારતનો T20 રેકોર્ડ અત્યાર સુધી શાનદાર રહ્યો છે. ભારતીય ટીમે અગાઉના ચારેય ઝિમ્બાબ્વે પ્રવાસ દરમિયાન T20 સીરીઝ પોતાના નામે કરી છે. હવે પાંચમા પ્રવાસમાં પણ ટીમ ઇન્ડિયા આ પરંપરા જાળવી રાખવા અને શ્રેયસ અય્યરની કપ્તાનીમાં પ્રથમ જીત નોંધાવવા માટે આતુર છે.
Follow Us On Google News
Follow Us On WhatsApp
Follow Us On facebook
Leave a Comment