Gujarat Rain Alert : આગામી 3 કલાક ગુજરાત માટે ભારે! હવામાન વિભાગનું રેડ એલર્ટ, સમગ્ર તંત્ર હાઈ એલર્ટ પર

ગુજરાતમાં વરસાદી સિસ્ટમ વધુ સક્રિય બનતા હવામાન વિભાગે આજે (1 ઓગસ્ટ) સવારે 7:00થી 10:00 વાગ્યા સુધી માટે નાઉકાસ્ટ જાહેર કર્યું છે. રાજ્યના અનેક જિલ્લાઓમાં ભારેથી અતિભારે વરસાદની આગાહી સાથે રેડ, ઓરેન્જ અને યલો એલર્ટ જાહેર કરવામાં આવ્યા છે. ભારે વરસાદની સંભાવનાને ધ્યાનમાં રાખીને રાજ્યભરમાં તંત્રને એલર્ટ પર રાખવામાં આવ્યું છે.

આ જિલ્લાઓમાં રેડ એલર્ટ
હવામાન વિભાગ મુજબ સૌરાષ્ટ્ર અને મધ્ય ગુજરાતના કેટલાક વિસ્તારોમાં આગામી ત્રણ કલાક દરમિયાન અતિભારે વરસાદ પડી શકે છે. જેના પગલે નીચેના જિલ્લાઓમાં રેડ એલર્ટ જાહેર કરવામાં આવ્યું છે:

• રાજકોટ
• પોરબંદર
• જૂનાગઢ
• સુરેન્દ્રનગર
• બોટાદ

ઓરેન્જ અને યલો એલર્ટવાળા જિલ્લાઓ
ઓરેન્જ એલર્ટ હેઠળ કચ્છ, દેવભૂમિ દ્વારકા, જામનગર, અમરેલી, ભાવનગર, અમદાવાદ, વડોદરા, ભરૂચ તેમજ ઉત્તર અને મધ્ય ગુજરાતના બનાસકાંઠા, પાટણ, મહેસાણા, સાબરકાંઠા, ગાંધીનગર અને અરવલ્લી જિલ્લાઓમાં ભારેથી ભારે વરસાદની શક્યતા વ્યક્ત કરવામાં આવી છે.

Also Read

Navsari News : નવસારીમાં કરુણ અકસ્માત! ટેમ્પો વીજ વાયરને અડકતાં 3 લોકોના મોત

જ્યારે યલો એલર્ટ હેઠળ વલસાડ, ડાંગ, સુરત, નવસારી, ખેડા, પંચમહાલ, દાહોદ સહિતના જિલ્લાઓમાં ભારે વરસાદી ઝાપટાં પડવાની આગાહી કરવામાં આવી છે.

Also Read

Spain Refugee Crisis : સ્પેનમાં શરણાર્થી સંકટ! 60 હજારથી વધુની ઘૂસણખોરી, 57થી વધુના મોત; અનેક ડૂબ્યાં, ઘણાં ભીડમાં કચડાયા