Bhuvneshwar Kumar RCB Podcast : ટીમ ઈન્ડિયામાં વાપસીની અટકળો વચ્ચે ભુવનેશ્વર કુમારનો જવાબ, કહ્યું- ‘હવે મારા પર કોઈ પ્રેશર નથી…’

ભારતીય ક્રિકેટ ટીમના અનુભવી ફાસ્ટ બોલર ભુવનેશ્વર કુમારે પોતાની આંતરરાષ્ટ્રીય કારકિર્દી અને ટીમ ઈન્ડિયામાં વાપસીની સંભાવનાઓને લઈને મોટું નિવેદન આપ્યું છે. ભુવનેશ્વરે સ્પષ્ટ કહ્યું કે હવે રાષ્ટ્રીય ટીમમાં પરત ફરવું તેમની પ્રાથમિકતા નથી. તેઓ હાલ ક્રિકેટને માત્ર રમત પ્રત્યેના પ્રેમ અને આનંદ માટે રમી રહ્યા છે.

36 વર્ષીય ભુવનેશ્વર કુમારે ભારત માટે છેલ્લી વખત વર્ષ 2022માં મેચ રમી હતી. અત્યાર સુધીમાં તેમણે ટીમ ઈન્ડિયા માટે 21 ટેસ્ટ, 121 વનડે અને 87 T20 આંતરરાષ્ટ્રીય મેચ રમી છે. રોયલ ચેલેન્જર્સ બેંગલુરુ (RCB) સાથે જોડાયેલા રહેલા આ અનુભવી બોલરે કહ્યું કે ભારત માટે રમવાનું તેમનું સપનું પહેલેથી જ પૂરું થઈ ચૂક્યું છે, તેથી હવે પોતાને સાબિત કરવાનો કોઈ ભાર નથી.

‘ભારત માટે રમી ચૂક્યો છું, હવે માત્ર ક્રિકેટના પ્રેમ માટે રમું છું’
RCBના પોડકાસ્ટમાં ભુવનેશ્વર કુમારે પોતાના મનની વાત કરતા કહ્યું કે, “હું IPL અને ઘરેલુ ક્રિકેટ રમી રહ્યો છું કારણ કે મને આ રમત ખૂબ ગમે છે. જ્યારે તમે યુવાન હોવ અને ભારત માટે રમવાનું લક્ષ્ય હોય ત્યારે અલગ દબાણ હોય છે, પરંતુ હવે હું જે મારા હાથમાં છે તેના પર ધ્યાન આપું છું.” તેમણે વધુમાં કહ્યું કે, “હું ભારત માટે રમી ચૂક્યો છું. હવે એવું કંઈ નથી જે મારે હાંસલ કરવાનું બાકી હોય. જો મને ફરી તક મળે તો તે મારા માટે ખુશીની વાત હશે, પરંતુ અત્યારે હું માત્ર રમત પ્રત્યેના પ્રેમ માટે ક્રિકેટ રમી રહ્યો છું.”

Also Read

Hardik Pandya Tirupati Balaji Visit : હાર્દિક પંડ્યાનો નવો લુક વાયરલ: ગર્લફ્રેન્ડ મહિમા સાથે પહોંચ્યો તિરુપતિ બાલાજી, કમબેક પહેલાં કરાવ્યું મુંડન

પરિવારને આપ્યો શાંતિનો શ્રેય
આંતરરાષ્ટ્રીય ક્રિકેટથી દૂર પોતાની જિંદગી વિશે વાત કરતા ભુવનેશ્વરે પોતાના પરિવારનો આભાર માન્યો હતો. તેમણે કહ્યું કે પરિવારના કારણે જ તેઓ કોઈ અફસોસ કે નકારાત્મકતા વગર આગળ વધી શક્યા છે. ભુવનેશ્વરે કહ્યું, “મારા પરિવારનો મોટો ફાળો છે. ઘરે અમે ક્યારેય ક્રિકેટ વિશે વાત કરતા નથી. હું ટીમ ઈન્ડિયામાં પાછો આવીશ કે નહીં, મારી પસંદગી કેમ ન થઈ કે શું ખોટું થયું, આ બાબતો પર ચર્ચા કરતા નથી.”

Also Read

Surat Kinnar Gang Attack : ‘મારી કેમ વાતો કરો છો’ કહીને રસોઈઘર કર્યું રક્તરંજિત, સુરતમાં કિન્નરને મારવા 5 શખસોનું ટોળુ ઘરમાં ઘૂસ્યું

‘બદલાવ રમતનો એક ભાગ છે’
ટીમમાંથી બહાર થવા અંગે ભુવનેશ્વરે કહ્યું કે ક્રિકેટમાં બદલાવ સ્વાભાવિક છે. દરેક ખેલાડીની કારકિર્દીમાં એવો સમય આવે છે જ્યારે નવી પેઢીને તક મળે છે. તેમણે કહ્યું, “જ્યારે તમે ટીમનો ભાગ હોવ ત્યારે ટીમ પ્રથમ આવે છે, પરંતુ જ્યારે તમે બહાર હોવ ત્યારે લાગે છે કે કદાચ તમારે હજુ ત્યાં હોવું જોઈએ. જોકે, પેઢીઓ બદલાય છે અને આ રમતનો એક ભાગ છે.”

IPL અને ભારતીય ફાસ્ટ બોલિંગના વિકાસની કરી પ્રશંસા
ભુવનેશ્વર કુમારે IPLને ભારતીય ફાસ્ટ બોલરોના વિકાસ માટે મહત્વપૂર્ણ ગણાવ્યું હતું. તેમણે કહ્યું કે IPLના કારણે ઘણા યુવા ઝડપી બોલરોને ઉચ્ચ સ્તરે રમવાની તક મળી છે. તેમણે પૂર્વ ભારતીય કેપ્ટન વિરાટ કોહલી અને પૂર્વ કોચ રવિ શાસ્ત્રીના વિઝનની પણ પ્રશંસા કરી હતી. તેમના અનુસાર, ભારતીય ક્રિકેટમાં ફાસ્ટ બોલિંગને મજબૂત બનાવવામાં બંનેની ભૂમિકા મહત્વપૂર્ણ રહી છે.

મેરઠના દિવસો અને પ્રવીણ કુમારને કર્યા યાદ
ભુવનેશ્વરે પોતાના શરૂઆતના દિવસોને યાદ કરતા પૂર્વ ભારતીય ફાસ્ટ બોલર પ્રવીણ કુમારનો પણ ઉલ્લેખ કર્યો હતો. બંને એક જ એકેડેમીમાંથી આવ્યા હતા અને પ્રવીણ કુમારની બોલિંગ શૈલીનો તેમના પર મોટો પ્રભાવ પડ્યો હતો. તેમણે કહ્યું કે શરૂઆતના સમયમાં તેઓ પ્રવીણ કુમારને નજીકથી જોતા અને તેમની પાસેથી ઘણું શીખ્યા હતા. કોચ અને સિનિયર ખેલાડીઓના માર્ગદર્શનથી તેમની બોલિંગ કારકિર્દીનો પાયો મજબૂત બન્યો હતો.