પિન્કવિલાના અહેવાલ મુજબ મેકર્સે ‘હૈવાન’ના ટીઝર લોન્ચિંગની તમામ તૈયારીઓ પૂર્ણ કરી લીધી છે. 12 ઓગસ્ટે આ ફિલ્મનું ધમાકેદાર ટીઝર ગ્લોબલ લેવલે રિલીઝ કરવામાં આવશે. આ ટીઝર દ્વારા ફેન્સને અક્ષય અને સૈફના ખૌફનાક લુક સાથે ફિલ્મની રહસ્યમય વાર્તાની પ્રથમ ઝલક જોવા મળશે.
18 વર્ષ પછી મોટા પડદે પરત ફરી અક્ષય-સૈફની આઈકોનિક જોડી
આ ફિલ્મની સૌથી મોટી ખાસિયત એ છે કે, અક્ષય કુમાર અને સૈફ અલી ખાન આશરે 18 વર્ષના લાંબા વિરામ બાદ ફરી એકસાથે કમબેક કરી રહ્યા છે. આ પહેલા આ જોડી વર્ષ 2008માં આવેલી ફિલ્મ ‘ટશન’માં છેલ્લે જોવા મળી હતી. આ સિવાય ‘મેં ખિલાડી તૂ અનાડી’ અને ‘આરઝૂ’ જેવી હિટ ફિલ્મોમાં તેમની કેમેસ્ટ્રી પ્રેક્ષકોને ખૂબ પસંદ આવી હતી.
11 સપ્ટેમ્બર, 2026ના રોજ થિયેટર્સમાં આપશે દસ્તક
દિગ્ગજ ડાયરેક્ટર પ્રિયદર્શન દ્વારા નિર્દેશિત આ ફિલ્મની રિલીઝ ડેટમાં કોઈ ફેરફાર કરવામાં આવ્યો નથી. આ સાયકો-થ્રિલર મુવી 11 સપ્ટેમ્બર, 2026ના રોજ વિશ્વભરના સિનેમાઘરોમાં રિલીઝ થશે. ‘ભૂત બંગલા’ અને ‘વેલકમ ટુ ધ જંગલ’ પછી 2026ના વર્ષમાં રિલીઝ થનારી અક્ષય કુમારની આ ત્રીજી મોટી ફિલ્મ છે.
Follow Us On Google News
Follow Us On WhatsApp
Follow Us On facebook
Leave a Comment