અમદાવાદ સહિત ગુજરાતના અનેક જિલ્લાઓમાં ભારે વરસાદનું એલર્ટ! હવામાન વિભાગે જાહેર કર્યું ઓરેન્જ એલર્ટ, જાણો ક્યાં પડશે ધોધમાર વરસાદ

હવામાન વિભાગે અમદાવાદ સહિત ગુજરાતના અનેક વિસ્તારોમાં વરસાદની આગાહી કરી છે. અમદાવાદમાં આગામી દિવસોમાં પણ વરસાદી માહોલ યથાવત રહેવાની શક્યતા છે. સવારથી શહેરના કેટલાક વિસ્તારોમાં ધીમીધારે વરસાદ શરૂ થતાં વાહનચાલકોને પણ મુશ્કેલીનો સામનો કરવો પડી રહ્યો છે.

આ જિલ્લાઓમાં યલો એલર્ટ

અમદાવાદ, ખેડા અને મહીસાગર સિવાય રાજ્યના અનેક જિલ્લાઓ માટે યલો એલર્ટ જાહેર કરવામાં આવ્યું છે. જેમાં સાબરકાંઠા, બનાસકાંઠા, મહેસાણા, પાટણ, વડોદરા, આણંદ, ભરૂચ, સુરત, નવસારી, વલસાડ, ડાંગ, અરવલ્લી, ભાવનગર, બોટાદ, સુરેન્દ્રનગર, પંચમહાલ, દાહોદ, ગાંધીનગર, છોટાઉદેપુર અને નર્મદા સહિતના જિલ્લાઓનો સમાવેશ થાય છે.

Also Read

Groundwater : ગુજરાતમાં ભૂગર્ભજળનું સંકટ ઘેરાયું! 22થી વધુ તાલુકામાં બેફામ ઉપયોગ, કયા વિસ્તારો સૌથી વધુ જોખમમાં?

ગુજરાતમાં આગામી 3 દિવસ વરસાદની આગાહી

Also Read

ઝારખંડમાં બિહાર જેવા દૃશ્યો! વોટર કેનનનો મારો થતાં ડર્યા નહીં, વિદ્યાર્થીઓ રસ્તા પર જ નાચવા લાગ્યા

હવામાન વિભાગે ગુજરાતમાં આગામી 3 દિવસ વરસાદ પડવાની આગાહી કરી છે. રાજ્યના વિવિધ ભાગોમાં હળવાથી મધ્યમ અને કેટલાક વિસ્તારોમાં ભારે વરસાદ વરસી શકે છે. અમદાવાદમાં પણ વરસાદી માહોલ આગામી દિવસોમાં યથાવત રહેવાની શક્યતા છે.

30થી 40 કિમીની ઝડપે પવન ફૂંકાશે

વરસાદી સિસ્ટમની અસર વચ્ચે રાજ્યના કેટલાક વિસ્તારોમાં 30થી 40 કિમી પ્રતિ કલાકની ઝડપે પવન ફૂંકાવાની શક્યતા છે. ભારે વરસાદ અને પવનને પગલે લોકોને સાવચેતી રાખવા તંત્ર દ્વારા અપીલ કરવામાં આવી શકે છે.

12થી 16 ઓગસ્ટ દરમિયાન પણ વરસાદની શક્યતા

હવામાન વિભાગની આગાહી મુજબ 12થી 16 ઓગસ્ટ 2026 દરમિયાન અરવલ્લી, ખેડા, પંચમહાલ, દાહોદ, વડોદરા, છોટાઉદેપુર અને નર્મદા જિલ્લામાં અનેક સ્થળોએ હળવાથી મધ્યમ વરસાદ પડી શકે છે. આગામી દિવસોમાં વરસાદી સિસ્ટમ સક્રિય રહેવાની શક્યતાને પગલે તંત્ર પણ સ્થિતિ પર નજર રાખી રહ્યું છે.