ગણેશ ચતુર્થી પર ‘રામાયણ’નો ભક્તિમય ધમાકો! અરિજિત-શ્રેયાના અવાજમાં ગૂંજ્યું ‘જય જય રામ’

પાન-ઈન્ડિયા અને પૌરાણિક ફિલ્મ ‘રામાયણ’ને લઈને દર્શકોમાં લાંબા સમયથી ભારે ઉત્સુકતા જોવા મળી રહી છે. નિતેશ તિવારીના નિર્દેશનમાં બની રહેલી આ ભવ્ય ફિલ્મનો મ્યુઝિકલ પ્રમોશનલ કેમ્પેઇન ગણેશ ચતુર્થીના પવિત્ર તહેવાર પર શરૂ કરવામાં આવ્યો છે.

14 સપ્ટેમ્બરના રોજ સવારે 7:30 વાગ્યે ફિલ્મનું પ્રથમ ‘સિયા રામ’ પોસ્ટર જારી કરવામાં આવ્યું હતું. તેના થોડા જ સમય બાદ ફિલ્મનું પ્રથમ ગીત ‘જય જય રામ’ રિલીઝ કરવામાં આવ્યું છે. મેકર્સના જણાવ્યા અનુસાર, કોઈપણ શુભ કાર્યની જેમ આ ફિલ્મનું મ્યૂઝિક કેમ્પેઈન પણ ભગવાન શ્રી ગણેશના આશીર્વાદ સાથે શરૂ કરવામાં આવી છે.

એ.આર. રહેમાનનું સંગીત અને અરિજિત-શ્રેયાની સુરીલી જુગલબંધી
ફિલ્મના આ પ્રથમ ભક્તિ ગીત ‘જય જય રામ’ને સંગીત ક્ષેત્રના દિગ્ગજો દ્વારા તૈયાર કરવામાં આવ્યું છે. ઓસ્કર વિજેતા સંગીતકાર એ.આર. રહેમાને આ ગીતનું કમ્પોઝિશન કર્યું છે, જ્યારે તેના ભક્તિમય શબ્દો જાણીતા કવિ ડૉ. કુમાર વિશ્વાસે લખ્યા છે.

Also Read

યશની ‘ટોક્સિક’ને ડબલ ઝટકો! બોક્સ ઓફિસ પર 16મા દિવસે ₹40 લાખથી પણ ઓછી કમાણી, ડિજિટલ રાઇટ્સની કિંમત ₹30 કરોડ સુધી ઘટી

આ ભાવપૂર્ણ ગીતને દેશના લોકપ્રિય ગાયકો અરિજિત સિંહ અને શ્રેયા ઘોષાલ દ્વારા અવાજ આપવામાં આવ્યો છે. અગાઉ પણ અનેક ભાવનાત્મક અને હિટ ગીતો આપી ચૂકેલી આ જોડીની જુગલબંધીએ આ ગીતમાં એક ખાસ ઊર્જા અને દિવ્યતા ભરી દીધી છે, જેના કારણે સોશિયલ મીડિયા પર ગીતની પ્રશંસા થઈ રહી છે.

Also Read

Rent પર ઘર લેવાનું છે? સાવધાન! એગ્રીમેન્ટ સાઇન કરતા પહેલાં આ 5 મુદ્દા ચેક નહીં કરો તો પડી શકે ભારે

રણબીર કપૂર, સાઈ પલ્લવીથી લઈને યશ સુધીની ભવ્ય સ્ટારકાસ્ટ
નિતેશ તિવારીની આ ફિલ્મને બે પાર્ટમાં રિલીઝ કરવાનું આયોજન કરવામાં આવ્યું છે. ફિલ્મમાં રણબીર કપૂર ભગવાન શ્રી રામની ભૂમિકા ભજવી રહ્યો છે જ્યારે સાઉથ ઈન્ડસ્ટ્રીની એક્ટ્રેસ સાઈ પલ્લવી માતા સીતાના પાત્રમાં નજરે પડશે.

આ સિવાય સાઉથ સુપરસ્ટાર યશ રાવણનું દમદાર પાત્ર ભજવશે. અન્ય કલાકારોમાં રવિ દુબે લક્ષ્મણના રોલમાં અને સની દેઓલ ભગવાન હનુમાનની ભૂમિકામાં જોવા મળશે. આ વિશાળ અને વૈવિધ્યસભર સ્ટારકાસ્ટને કારણે ફિલ્મ અગાઉથી જ દેશભરમાં ભારે ચર્ચામાં છે.

એ.આર. રહેમાન અને હોલીવુડના હંસ ઝિમરનો આંતરરાષ્ટ્રીય સહયોગ
‘રામાયણ’ ફિલ્મને માત્ર ભારતીય દર્શકો પૂરતી મર્યાદિત ન રાખતા ગ્લોબલ ઓડિયન્સને ધ્યાનમાં રાખીને તૈયાર કરવામાં આવી રહી છે. તેના બેકગ્રાઉન્ડ સ્કોર અને સંગીતમાં આંતરરાષ્ટ્રીય સ્તરનું યોગદાન જોવા મળશે.

એ.આર. રહેમાનની સાથે હોલીવુડના સુપ્રસિદ્ધ મ્યુઝિક કમ્પોઝર હંસ ઝિમર પણ આ પ્રોજેક્ટમાં જોડાયા છે. આંતરરાષ્ટ્રીય સ્તરનું આ સંગીત સંયોજન ભારતીય સિનેમાના ઈતિહાસમાં એક નવો માપદંડ સ્થાપિત કરશે એવી અપેક્ષા સેવાઈ રહી છે.