સેન્સેક્સ 1695 પોઇન્ટ વધ્યો, રોકાણકારો માલામાલ, એક જ દિવસમાં રૂ.10 લાખ કરોડની કમાણી | India Stock Market Rally: Sensex Soars 1695 Points Nifty Jumps As US Iran Peace Hopes Rise

Today India Stock Market : સપ્તાહના અંતિમ ટ્રેડિંગ દિવસે ભારતીય શેરબજારમાં ઐતિહાસિક તેજી જોવા મળી છે. આ મોટી તેજી પાછળ અમેરિકન રાષ્ટ્રપ્રમુખ ડોનાલ્ડ ટ્રમ્પનું નિવેદન તેમજ અમેરિકા-ઈરાન વચ્ચે શાંતિ સમજૂતી થવાના અહેવાલો મુખ્ય કારણ માનવામાં આવી રહ્યા છે. આ સકારાત્મક સમાચાર આવતાંની સાથે જ સેન્સેક્સ 1695 પોઇન્ટ(2.30 ટકા)ના મોટા ઉછાળા સાથે 75,527.95ના સ્તર પર બંધ થયો હતો. તેવી જ રીતે નિફ્ટી પણ 461.30 પોઇન્ટ (1.99 ટકા) વધીને 23,622.90 પર બંધ રહ્યો હતો.

બેંક નિફ્ટીમાં પણ તોફાની તેજી

Also Read

ટ્રમ્પની એક જાહેરાત અને સોના-ચાંદી, સેન્સેક્સ-નિફ્ટીમાં પ્રચંડ ઉછાળો, ક્રૂડમાં ભૂકંપ, રૂપિયો મજબૂત | Market Updates Silver and Gold Price Sensex and Nifty Crude and dollar and Rupees

બીજી તરફ Bank Niftyમાં આનાથી પણ મોટી તેજી જોવા મળી હતી. બેંક નિફ્ટી 1638 પોઇન્ટ(2.97 ટકા)ની તોફાની તેજી સાથે 56,800ની સપાટી વટાવીને બંધ થયો હતો. બજારની આ ચોતરફ તેજીને કારણે તમામ સેક્ટરના ઇન્ડેક્સ ગ્રીન ઝોનમાં રહ્યા હતા અને રોકાણકારોએ મસમોટી કમાણી કરી લીધી હતી. BSEના ટોપ 30 શેરોની વાત કરીએ તો, પાવરગ્રીડ અને ટેક મહિન્દ્રાને બાદ કરતાં તમામ શેર શાનદાર તેજી સાથે બંધ થયા હતા. સૌથી વધુ તેજી બજાજ ફાયનાન્સ(Bajaj Finance)માં 5.62 ટકાની નોંધાઈ હતી. આ ઉપરાંત એલ એન્ડ ટી, ઇન્ડિગો, ટાઇટન અને એટર્નલ જેવા શેરોમાં પણ 5 ટકા સુધીનો ઉછાળો જોવા મળ્યો હતો.

Also Read

Explainer: ‘ચાર્જ ફ્રેમ થયા વિના નોમિનેશન રદ ના કરી શકાય…’ સમજો મીનાક્ષી નટરાજનની રાજ્યસભામાં ઉમેદવારીનો વિવાદ | Meenakshi Natarajan Rajya Sabha Row: Supreme Court Rejects Plea Against Nomination Rejection

એક જ દિવસમાં 10 લાખ કરોડની કમાણી

માત્ર મોટા શેરો જ નહીં, પરંતુ મિડકેપ અને સ્મોલકેપ ઇન્ડેક્સમાં પણ જોરદાર ખરીદી જોવા મળી હતી, જેના કારણે નાના છૂટક રોકાણકારોથી લઈને મોટા ઇન્વેસ્ટર્સ સુધીના તમામ લોકો માલામાલ થયા હતા. બજારમાં આવેલી આ સુનામીના કારણે બીએસઈનું માર્કેટ કેપિટલાઇઝેશન 452.66 લાખ કરોડ રૂપિયાથી આશરે 10 લાખ કરોડ રૂપિયા વધીને 462 લાખ કરોડ રૂપિયાની ઉપર પહોંચી ગયું હતું.

શેરબજારમાં કેમ આવી આટલી મોટી તેજી?

ઈરાનની સરકારી ન્યૂઝ એજન્સીના અહેવાલ મુજબ, તેહરાન-વોશિંગ્ટન વચ્ચે પ્રસ્તાવિત સમજૂતીમાં ઈરાન પરના પ્રતિબંધો હટાવવા, હોર્મુઝ આંતરરાષ્ટ્રીય જળમાર્ગમાં અમેરિકાની નૌકાદળ નાકાબંધી ખતમ કરવી અને ઈરાનની આસપાસ તૈનાત અમેરિકન સૈન્ય દળોને પાછા બોલાવવાનો સમાવેશ થાય છે. આ દરમિયાન અમેરિકી રાષ્ટ્રપ્રમુખ ડોનાલ્ડ ટ્રમ્પે પણ મોટું નિવેદન આપતાં જણાવ્યું છે કે, ઈરાન સાથે યુદ્ધ સમાપ્ત કરવાનો કરાર લગભગ પૂરો થઈ ગયો છે અને આ જ અઠવાડિયામાં તેના પર હસ્તાક્ષર કરવામાં આવશે. ટ્રમ્પની આ જાહેરાત ઈરાન દ્વારા ઓઇલ ઇન્ડસ્ટ્રી પર કંટ્રોલ કરવાની ધમકી આપ્યાના ગણત્રીના કલાકોમાં જ આવી હતી. આ વૈશ્વિક ઘટનાક્રમના કારણે અમેરિકન બજારોમાં જબરદસ્ત ઉછાળો આવ્યો હતો, જેની સીધી અસર ભારતીય બજાર અને અન્ય વૈશ્વિક બજારો પર પણ પોઝિટિવ જોવા મળી છે.

આ પણ વાંચો : PM મોદીમાં હિંમત નથી કે અમેરિકા વિરુદ્ધ એક શબ્દ બોલે: 3 ભારતીયોના મોત મુદ્દે રાહુલ ગાંધીનો પ્રહાર

કાચા તેલના ભાવમાં મોટો ઘટાડો

અમેરિકા-ઈરાન વચ્ચે યુદ્ધ ટળવાના સંકેતો મળતા જ બ્રેન્ટ ક્રૂડ ઓઇલ(Brent crude oil)ની કિંમત 5 ટકા ગગડીને 86.4 અમેરિકી ડૉલર પ્રતિ બેરલ થઈ ગઈ હતી, જે છેલ્લા બે મહિનાના સૌથી નીચલા સ્તરની નજીક છે. ક્રૂડ ઓઇલ સસ્તું થવાના કારણે તેના પર નિર્ભર ભારતીય કંપનીઓના શેરોમાં તેજી આવી હતી. એશિયાના અન્ય બજારોમાં પણ ઉત્સાહ હતો, જેમાં દક્ષિણ કોરિયાનો કોસ્પી ઇન્ડેક્સ 8 ટકાથી વધુ અને જાપાનનો નિક્કેઈ 3 ટકાથી વધુ ઉછળ્યો હતો. ચીન અને હોંગકોંગના બજારો પણ ગ્રીન ઝોનમાં બંધ રહ્યા હતા.

રૂપિયો પણ બન્યો મજબૂત

વૈશ્વિક બજારમાં ડૉલર નબળો પડવા અને ક્રૂડ ઓઇલ સસ્તું થવાના કારણે ભારતીય રૂપિયાને મોટો સપોર્ટ મળ્યો છે. અમેરિકી ડોલર સામે રૂપિયો 65 પૈસા મજબૂત થઈને 95.20ના સ્તરે પહોંચી ગયો હતો. ફોરેક્સ ટ્રેડર્સના મતે સ્થાનિક શેરબજારમાં વિદેશી રોકાણકારોના પોઝિટિવ સેન્ટિમેન્ટના કારણે પણ રૂપિયામાં આ સુધારો જોવા મળ્યો છે.

આ પણ વાંચો : NEET રિ-એક્ઝામ માટે NTAની નવી ગાઈડલાઈન, પરીક્ષાના સમયથી લઈને રફ વર્કના 3 નિયમ બદલાયા!