લદાખમાં આર્મીનું ‘ચિતા’ હેલિકોપ્ટર ક્રેશ, ચમત્કારિક બચાવ બાદ અધિકારીઓની સેલ્ફી વાઇરલ | Army Cheetah Helicopter Crashes in Ladakh: Major General and Officers Safe

Army Cheetah Helicopter Crashes in Ladakh: લદાખના તાંગત્સે (લેહના દક્ષિણ-પૂર્વ) વિસ્તારમાં ભારતીય સેનાનું એક ‘ચિતા’ હેલિકોપ્ટર દુર્ઘટનાગ્રસ્ત થયું હોવાના આઘાતજનક સમાચાર સામે આવ્યા છે. આ મોટા અકસ્માતમાં સેનાના 3જી ડિવિઝન (જે ત્રિશૂલ ડિવિઝન તરીકે ઓળખાય છે) ના જનરલ ઓફિસર કમાન્ડિંગ (GOC) મેજર જનરલ સહિત ત્રણેય અધિકારીઓનો આબાદ બચાવ થયો છે. આ ઘટના બુધવારે ઘટી હતી, પરંતુ તેની સત્તાવાર માહિતી શનિવારે સામે આવી છે. રાહતની વાત એ છે કે હેલિકોપ્ટરમાં સવાર તમામ અધિકારીઓને માત્ર નજીવી ઈજાઓ જ થઈ છે.

Also Read

સ્ટેટ લેવલના બેડમિન્ટન ખેલાડીની હત્યા, પ્રેમ પ્રકરણમાં છોકરીના પરિજનોએ 3 દિવસ ટોર્ચર કર્યાનો દાવો | Haryana State Level Badminton Player Kidnapped and Murdered Over Love Affair 2 Arrested

કાટમાળ પાસે ઉભા રહીને લીધેલી સેલ્ફી વાઈરલ

Also Read

વધતી કિંમતો વચ્ચે શું દેશમાં પેટ્રોલ-ડીઝલની અછત છે? ઓઈલ કંપનીઓએ આપી લેટેસ્ટ અપડેટ | No Fuel Shortage in India: IOCL Issues Statement After Petrol Diesel Price Hike

અહેવાલો અનુસાર, આ સિંગલ-એન્જિન ધરાવતા ચિતા હેલિકોપ્ટરને એક લેફ્ટનન્ટ કર્નલ અને એક મેજર રેન્કના અધિકારી ઉડાવી રહ્યા હતા. જ્યારે થર્ડ ઇન્ફન્ટ્રી ડિવિઝનના મેજર જનરલ સચિન મહેતા તેમાં પેસેન્જર તરીકે સવાર હતા. અકસ્માત બાદ મેજર જનરલ મહેતાની અન્ય બે અધિકારીઓ સાથેની એક સેલ્ફી સોશિયલ મીડિયા પર ભારે વાઈરલ થઈ રહી છે, જેમાં તેઓ સંપૂર્ણપણે ક્ષતિગ્રસ્ત થયેલા ચોપર પાસે પથ્થરો પર બેઠેલા જોવા મળે છે. સેના દ્વારા અકસ્માતના ચોક્કસ કારણોની તપાસ માટે ‘કોર્ટ ઓફ ઈન્ક્વાયરી’ (CoI) ના આદેશ આપી દેવામાં આવ્યા છે.

1971 થી હિમાલયમાં સેનાની કરોડરજ્જુ છે ‘ચિતા’

વર્ષ 1971માં ભારતીય સેનામાં સામેલ કરાયેલું ચિતા હેલિકોપ્ટર ઊંચા હિમાલયના વિસ્તારોમાં લશ્કરી કામગીરી માટે કરોડરજ્જુ સમાન રહ્યું છે. આ હેલિકોપ્ટર ફ્લાઈંગ જીપ, રિકોનિસન્સ મિશન (જાસુસી), આર્ટિલરી સ્પોટર અને એર એમ્બ્યુલન્સ તરીકે ખૂબ જ મહત્વપૂર્ણ ભૂમિકા ભજવે છે. સિયાચીન ગ્લેશિયર જેવા 18000 ફૂટથી વધુ ઊંચાઈવાળા વિસ્તારોમાં ઉડાન ભરવી એ ચિતા હેલિકોપ્ટરની ડિઝાઇન મર્યાદાની બહાર હોવા છતાં, તે 19600 થી 21000 ફૂટની ઊંચાઈએ આવેલી સૈન્ય ચોકીઓ માટે આજે પણ લાઈફલાઈન બનેલું છે.

જૂના થઈ ચૂકેલા કાફલાને હટાવી ટૂંક સમયમાં HAL નું ‘LUH’ જોડાશે

આ દુર્ઘટનાએ ભારતીય સેનાના જૂના થઈ ગયેલા ચિતા અને ચેતક હેલિકોપ્ટરના જોખમોને ફરી એકવાર સપાટી પર લાવી દીધા છે. સેના આગામી દાયકામાં એવિએશન કોરના આધુનિકીકરણ અભિયાન અંતર્ગત આ હેલિકોપ્ટર્સને તબક્કાવાર રીતે હટાવવાની યોજના બનાવી રહી છે. ચિતાના સ્થાને હવે હિન્દુસ્તાન એરોનોટિક્સ લિમિટેડ (HAL) નું શક્તિ-1યુ ટર્બોશાફ્ટ એન્જિન ધરાવતું આધુનિક ‘લાઈટ યુટિલિટી હેલિકોપ્ટર’ (LUH) લેશે. આ નવું હેલિકોપ્ટર 21300 ફૂટની ઊંચાઈ સુધી પહોંચી શકે છે અને નાઈટ-વિઝન સુવિધા સાથે ૬ સૈનિકોને લઈ જવાની ક્ષમતા ધરાવે છે.