કોકરોચ જનતા પાર્ટીએ ફોલોઅર્સમાં ભાજપ બાદ કોંગ્રેસને પણ પછાડી, હવે ટ્રેડમાર્ક માટે લોકોના ધમપછાડા | Cockroach Janata Party overtakes Congress after BJP in followers

COCKROACH JANTA PARTY TRADE MARK REGISTRATION: સોશિયલ મીડિયા પર સટાયર તરીકે ઉભી થયેલી કોકરોચ જનતા પાર્ટીને સમગ્ર દેશ સહિત વિશ્વમાં પણ જોરદાર પ્રતિસાદ મળી રહ્યો છે. કોકરોચ જનતા પાર્ટીએ ઈન્સ્ટાગ્રામ પર ફોલોઅર્સના મામલામાં ભાજપને પછાડ્યા બાદ કોંગ્રેસના હેંડલને પણ ઓવરટેક કરી લીધુ છે. પાંચ દિવસની અંદર ઓછામાં ઓછા 1.5 કરોડ ફોલોવર્સ થઈ ચુક્યા છે. જોકે બીજી બાજુ કોકરોચ જનતા પાર્ટીના x એકાઉન્ટને ભારતમાં બ્લોક કરી દેવાયું છે. સોશિયલ મીડિયા પર વાયરલ થયેલી કોકરોચ જનતા પાર્ટી હવે નવા વિવાદોમાં ફસાઈ ચુકી છે. પહેલા આ નામથી કેટલાય સોશિયલ મીડિયા એકાઉન્ટ ઉભરીને સામે આવ્યા, તો કેટલાક એકાઉન્ટ બ્લોક અને રિસ્ટોરની પણ ચર્ચાઓ ચાલી. હવે આ સમગ્ર મામલો ટ્રેડમાર્કની લડાઈ સુધી પહોંચી ગયો છે. અહેવાલો અનુસાર કોકરોચ જનતા પાર્ટીના નામે બે અલગ અલગ લોકોએ ટ્રેડમાર્ક માટે આવેદન કર્યા છે. જેમાં કંટ્રોલર જનરલ ઓફ પેટન્ટ્સ, ડિઝાઈન એન્ડ ટ્રેડમાર્ક ( Controller General of Patents, Designs and Trade Marks)ની વેબસાઈટ પ્રમાણે આ બે આવેદન ક્લાસ 45 હેઠળ દાખલ કરવામાં આવ્યા છે. જેમાં શરૂઆતની પ્રક્રિયા પણ પૂર્ણ કરી દેવાઈ છે

Also Read

CJP બનાવી પણ ‘કોકરોચ’ ચૂંટણી ચિહ્ન મળવું મુશ્કેલ, જાણો ચૂંટણી પંચના નિયમો | Cockroach Janata Party Virtual Party Face Voting Symbol Hurdles Under Election Commission Rules

ટ્રેડમાર્ક રજિસ્ટ્રી માટે 2 લોકોએ કર્યા આવેદન!

Also Read

પેસેન્જર ટ્રેનો અને માલગાડીઓના રૃટ તથા સમયપત્રકમાં ફેરફાર થશે | There will be changes in the routes and timetables of passenger trains and freight trains

પાર્ટીના ટ્રેડમાર્કને લઈને અજીમ અદમભાઈ જમ દ્વારા કોકરોચ જનતા પાર્ટી   (“COCKROACH JANTA PARTY”)ના નામથી અરજી દાખલ કરવામાં આવી છે. જેનો એપ્લિકેશન નંબર 7737937 છે, તો બીજી તરફ અખંડ સ્વરૂપ નામના વ્યક્તિએ કોકરોચ જનતા પાર્ટી (“Cockroach Janta Party”)ના નામથી અરજી દાખલ કરી છે, જેનો એપ્લિકેશન નંબર 7741481 હોવાનું જાણવા મળે છે.

રસપ્રદ વાત એ છે કે કોકરોચ જનતા પાર્ટીને બોસ્ટન યુનિવર્સિટીના વિદ્યાર્થી અને પોલિટીકલ કમ્યુનિકેશન સ્ટ્રેટર્જિસ્ટ અભિજીત દિપકેએ બનાવી હતી. તેમનું કહેવું હતુ કે, શરૂઆતના તબક્કે આ એક રાજકીય મજાકના ભાગરૂપે સોશિયલ મીડિયા પર શરૂઆત થઈ હતી. જોકે બાદમાં ઈન્ટરનેટ પર આ સટાયર ખુબ જ વાયરલ થઈ ગયુ, પાર્ટીએ ખુદને “Voice of the Lazy & Unemployed”   એટલે કે આળસી અને બેરોજગારોનો અવાજ પણ ગણાવી હતી.

આ પણ વાંચો : CJP બનાવી પણ ‘કોકરોચ’ ચૂંટણી ચિહ્ન મળવું મુશ્કેલ, જાણો ચૂંટણી પંચના નિયમો

સોશિયલ મીડિયા પર તેજીથી વાયરલ થયું નામ!

કોકરોચ જનતા પાર્ટીનો આ રાજનીતિક વ્યંગ અને મીમ્સ સોશિયલ મીડિયામાં ખુબજ તેજીથી વાયરલ થયો. કેટલાક યુઝર્સે આ નામથી અલગ અલગ એકાઉન્ટ અને પેજ બનાવીને કન્ટેન્ટ પોસ્ટ કરવાનું પણ શરૂ કરી દીધુ. હવે ટ્રેડમાર્કના વિવાદને પગલે એ પણ સવાલ ઉઠી રહ્યા છે કે, શું ઈન્ટરનેટ મીમ અને વાયરલ નામો પર પણ માલિકીના હક નક્કી કરવા જરૂરી છે?. સોશિયલ મીડિયા યુઝર્સ તેને મીમ બ્રાન્ડિંગ અને ડિજીટલ કબ્જાની નવી લડાઈ પણ ગણાવી રહ્યા છે. ટ્રેડમાર્ક વિવાદ સામે આવતા હવે આ મામલો માત્ર મીમ કે મજાક સુધી સિમિત નથી રહ્યો. હવે જો કોઈ એક પક્ષને ટ્રેડમાર્ક મળી જશે તો ભવિષ્યમાં આ નામના ઉપયોગને લઈને કાયદાકીય અધિકારો પણ નક્કી થઈ શકે છે.

જોકે હાલ તો એ વાત સ્પષ્ટ નથી કે આખરે આ નામનો અધિકાર કોને મળશે?. પરંતુ ઈંટરનેટ પર મજાકના સ્વરૂપે શરૂ થયેલી કોકરોચ પાર્ટીએ હવે કાયદાકીય લડાઈને નવો જન્મ આપી દીધો છે. હવે સવાલ એ પણ છે કે જે પાર્ટી મજાકમાં શરૂ થઈ હતી, તે સાચેજ ડિજીટલ રાજનીતિ અને ટ્રેડમાર્કની લડાઈનો હિસ્સો બની ચુકી છે?

શું હતો સમગ્ર વિવાદ અને CJIનું નિવેદન?

આ વિવાદની શરૂઆત ગયા અઠવાડિયે સુપ્રીમ કોર્ટમાં એક અરજી પર સુનાવણી દરમિયાન થઈ હતી. સુનાવણી દરમિયાન સીજેઆઇ(CJI) સૂર્યકાંતે કથિત રીતે કહ્યું હતું કે, “કેટલાક યુવાનો કોકરોચ જેવા હોય છે, જેમને ન તો કોઈ રોજગાર મળે છે કે ન તો કોઈ વ્યવસાયમાં સ્થાન મળે છે. તેમાંથી કેટલાક મીડિયા ક્ષેત્રે જાય છે, સોશિયલ મીડિયા એક્ટિવિસ્ટ બને છે કે આરટીઆઇ (RTI) એક્ટિવિસ્ટ બને છે અને પછી દરેક સિસ્ટમ પર હુમલો કરવાનું શરૂ કરી દે છે.”

CJIના આ નિવેદન બાદ સોશિયલ મીડિયા પર યુવાનોમાં ભારે રોષ ફાટી નીકળ્યો હતો. જો કે, વિવાદ વધતાં જસ્ટિસ સૂર્યકાંતે બીજા જ દિવસે સ્પષ્ટતા જારી કરીને કહ્યું હતું કે, તેમનો ઇશારો માત્ર ‘નકલી ડિગ્રી ધારકો’ તરફ હતો અને તેમનો ઇરાદો દેશના સાચા યુવાનોની લાગણી દુભાવવાનો નહોતો. પરંતુ, આ વિરોધના પ્રતીક રૂપે શરૂ થયેલી ‘કોકરોચ જનતા પાર્ટી’ સોશિયલ મીડિયા પર એક મોટું જન-આંદોલન બની ગઈ હતી, જેના પર હવે કાનૂની કે ટેકનિકલ તવાઈ આવી છે.