મોદીની રેકોર્ડ તોડવામાં બોલબાલા : નહેરુને પાછળ રાખ્યા | Modi’s record breaking feat: Nehru left behind

– એક ચૂંટાયેલા વડાપ્રધાન તરીકે સળંગ 4399 દિવસ સત્તાનો મોદીનો માઈલસ્ટોન

– નેહરુના ‘ચૂંટાયેલા પીએમ’ તરીકેના સળંગ 12 વર્ષના કાર્યકાળને મોદીએ પાછળ રાખી દીધો, ઇન્દિરા ગાંધીનો રેકોર્ડ પણ તૂટયો 

Also Read

ચીનનો એકાધિકાર તોડવા ભારત-અમેરિકાનો મોટો પ્લાન : કિંમતી ખનીજો માટે કર્યો ઐતિહાસિક કરાર | India US Sign 20 Billion Rare Earth Minerals Deal To Reduce Economic Reliance On China

– એક નવી ચર્ચા : ચૂંટાયેલા અને બિનચૂંટાયેલા વડાપ્રધાન !! 

Also Read

છોટા ઉદેપુર: નસવાડીમાં પીવાના શુદ્ધ પાણીના અભાવે સ્થાનિકો પરેશાન, કરોડોની યોજના છતાં શાળાના બાળકો તરસ્યા! | chhota udepur water crisis naswadi villagers school children face shortage

નવી દિલ્હી : ચૂંટાયેલા પીએમ તરીકે સળંગ ૪૩૯૯ દિવસો સુધી વડાપ્રધાન પદ પર રહીને નરેન્દ્ર મોદીએ અનોખો રેકોર્ડ સ્થાપિત કર્યો છે. આટલા દિવસો સુધી ચૂંટાયેલા વડાપ્રધાન તરીકે સળંગ આ પદ પર અગાઉ કોઇ વડાપ્રધાન રહ્યા નથી. જવાહરલાલ નેહરુ અને ઇંદિરા ગાંધી સૌથી વધુ વર્ષો સુધી વડાપ્રધાન રહ્યા પરંતુ તેમની સરખામણીમાં મોદીનો એ રેકોર્ડ ઘણે અંશે અનોખો માનવામાં આવે છે.  

૧૦ જૂનના રોજ વડાપ્રધાન નરેન્દ્ર મોદીએ એક ચૂંટાયેલા વડાપ્રધાન તરીકે સળંગ સૌથી વધુ ૧૨ વર્ષનો કે ૪૩૯૯ દિવસોનો રેકોર્ડ સ્થાપિત કર્યો છે. દેશના પ્રથમ વડાપ્રધાન જવાહરલાલ નેહરુનો પ્રથમ કાર્યકાળ ૧૯૪૭થી ૧૯૫૨ સુધી રહ્યો જોકે આ કાર્યકાળ લોકશાહી ઢબે યોજાયેલી ચૂંટણી તરીકે નહોતો. દેશની પ્રથમ ચૂંટણી ૧૯૫૧-૫૨ દરમિયાનમાં યોજવામાં આવી હતી તે સમયે પણ વડાપ્રધાન જવાહરલાલ નેહરુ બન્યા હતા. જે બાદ તેઓ સતત આ પદ પર જેટલા વર્ષ રહ્યા તે રેકોર્ડને નરેન્દ્ર મોદીએ ૧૦મી જૂનના રોજ તોડયો હતો. નેહરુ એક ચૂંટાયેલા વડાપ્રધાન તરીકે ૧૯૫૨થી તેમના મૃત્યુ સુધી એટલે કે મે ૧૯૬૪ સુધી વડાપ્રધાન રહ્યા.  

 જવાહરલાલ નેહરુનો વડાપ્રધાન તરીકેનો કુલ કાર્યકાળ આશરે ૧૬થી ૧૭ વર્ષ સુધીનો છે. જ્યારે ઇંદિરા ગાંધીનો વડાપ્રધાન તરીકેનો કુલ કાર્યકાળ પણ ૧૬ વર્ષ જેટલો જ માનવામાં આવે છે. જોકે ઇંદિરા ગાંધીનો આ કાર્યકાળ સળંગ નથી ચાલ્યો કેમ કે વચ્ચે કટોકટી લાદવામાં આવી તે સમયગાળો પણ સામેલ થાય છે.  ઇંદિરા ગાંધીનો પ્રથમ કાર્યકાળ આશરે ૧૧ વર્ષનો રહ્યો છે જે જાન્યુઆરી ૧૯૬૬થી માર્ચ ૧૯૭૭ સુધી માનવામાં આવે છે. પછી તેઓ ફરી જાન્યુઆરી ૧૯૮૦માં પીએમ બન્યા હતા અને તેમની હત્યા કરવામાં આવી ત્યાં સુધી એટલે કે ચાર વર્ષ ૧૦ મહિના સુધી આ પદ પર રહ્યા હતા.  નરેન્દ્ર મોદીની આગેવાનીમાં એનડીએ સરકાર પોતાના ૧૨ વર્ષના કાર્યકાળની ઉજવણી કરી રહી છે. એવા સમયે નરેન્દ્ર મોદીએ ૪૩૯૯ દિવસો સુધી ચૂંટાયેલા વડાપ્રધાન તરીકે સળંગ આ પદ પર રહીને નવો માઇલસ્ટોન સ્થાપિત કર્યો છે.