વાયરલ થવાની ઘેલછા પડી ભારે! ગર્લફ્રેન્ડે કાર પર લગાવ્યા 3,400 કિસના નિશાન, VIDEO વાયરલ થતાં પોલીસે ₹5,500નો ચલાન ફટકાર્યો

મધ્ય પ્રદેશના ગ્વાલિયરમાં એક કાર તેના મોડેલ કે કિંમતને કારણે નહીં, પરંતુ તેના અનોખા દેખાવને કારણે સોશિયલ મીડિયા પર ચર્ચામાં આવી છે. કારના સમગ્ર બોડી પર લાલ લિપસ્ટિકના હજારો કિસ માર્ક્સ જોવા મળતા હતા. દાવો કરવામાં આવી રહ્યો છે, કે કાર પર આશરે 3,400 કિસના નિશાન બનાવવામાં આવ્યા હતા.

ગર્લફ્રેન્ડે સાડા ત્રણ કલાકમાં કારને ‘કિસ’થી સજાવી
આ ઘટના ગ્વાલિયરના થાટીપુર વિસ્તારની હોવાનું સામે આવ્યું છે. કારના માલિકનું નામ આદિત્ય સિકરવાર હોવાનું જણાવવામાં આવે છે. અહેવાલો અનુસાર, તેની ગર્લફ્રેન્ડ એક વિદેશી સોશિયલ મીડિયા ટ્રેન્ડથી પ્રેરિત થઈ હતી અને તેણે કારને લિપસ્ટિકના કિસ માર્ક્સથી સજાવવાનો નિર્ણય લીધો હતો. આ સમગ્ર પ્રક્રિયામાં અંદાજે સાડા ત્રણથી ચાર કલાક લાગ્યા હોવાનું કહેવાય છે. કારના બાહ્ય ભાગ પર હજારો લાલ લિપસ્ટિકના નિશાન બનાવવામાં આવ્યા હતા. બાદમાં કાર રસ્તા પર જોવા મળતાં તેના ફોટા અને વીડિયો સોશિયલ મીડિયા પર વાયરલ થયા હતા.

સોશિયલ મીડિયા પરથી પોલીસે શોધી કાઢી કાર
કારની તસવીરો વાયરલ થયા બાદ મામલો ટ્રાફિક પોલીસ સુધી પહોંચ્યો હતો. પોલીસે સોશિયલ મીડિયા પર વાયરલ થયેલા ફોટા અને વીડિયોની તપાસ કરી હતી. તેમાં કારનો નંબર દેખાતા તેના આધારે વાહનની ઓળખ કરવામાં આવી હતી. ત્યારબાદ ટ્રાફિક પોલીસે થાટીપુર વિસ્તારમાંથી કારને જપ્ત કરી હતી અને તેના માલિકને પૂછપરછ માટે બોલાવ્યો હતો.

Also Read

Amravati Hospital Fire : વેન્ટિલેટરમાં વિસ્ફોટ બાદ NICUમાં આગ! અમરાવતીમાં 3 માસૂમનાં મોત, 39 નવજાતમાંથી 6ને બચાવી બીજી હોસ્પિટલમાં ખસેડાયા

3,400 કિસ માર્ક્સ પડ્યા મોંઘા, ₹5,500નું ચલણ
પોલીસે કારના બોડી પર આ પ્રકારના નિશાન સાથે રસ્તા પર વાહન ચલાવવાને ટ્રાફિક નિયમોના ઉલ્લંઘન સાથે જોડ્યું હતું. આ મામલે કાર માલિક સામે ₹5,500નું ચલણ કરવામાં આવ્યું હતું. પોલીસની કાર્યવાહી બાદ આદિત્ય સિકરવારે કાર પરના તમામ લિપસ્ટિકના નિશાન પોતે જ સાફ કર્યા હતા. ત્યારબાદ કારને પાણીથી ધોઈને સામાન્ય સ્થિતિમાં લાવવામાં આવી હતી.

Also Read

હિમાચલના ઉનામાં ભયાનક અકસ્માત! યાત્રાળુઓથી ભરેલું વાહન ખાડામાં ખાબક્યું, 50 જેટલા લોકો ઘાયલ