કેટરિના કૈફ અને વિકી કૌશલે પેપરાઝીને બતાવી પોતાના 6 મહિનાના પુત્રની પહેલી ઝલક, કરી આ ખાસ વિનંતી | Vicky Kaushal and Katrina Kaif what requested photographers

Vicky and Katrina Request: બોલિવૂડનું સૌથી લોકપ્રિય કપલ્સમાનું એક કેટરિના કૈફ અને વિકી કૌશલ છેલ્લા ઘણા સમયથી લાઈમલાઈટમાં છે. આ સ્ટાર કપલ હાલમાં પોતાના જીવનના સૌથી સુંદર તબક્કા એટલે કે ‘પેરેન્ટહુડ’ને માણી રહ્યું છે. કેટરિના કૈફ 2025માં માતા બની હતી અને તેણે પુત્રને જન્મ આપ્યો હતો, જેનું નામ આ કપલે ‘વિહાન કૌશલ’ રાખ્યું છે. હાલમાં જ વિકી કૌશલના જન્મદિવસ પર કેટરિનાએ સોશિયલ મીડિયા પર પુત્રની એક ઝલક શેર કરી હતી, પરંતુ તેમાં બાળકનો ચહેરો છુપાવેલો હતો. આ દરમિયાન હવે એક મોટા સમાચાર સામે આવ્યા છે કે વિકી અને કેટરિનાએ મુંબઈના સેલિબ્રિટી ફોટોગ્રાફર્સને બોલાવીને પોતાના 6 મહિનાના વ્હાલસોયા પુત્રની પહેલી ઝલક બતાવી દીધી છે.

કેમેરાથી બચવાને બદલે કપલે અપનાવ્યો સ્માર્ટ રસ્તો, કરી ખાસ અપીલ

Also Read

વરુણ ધવન ક્યારેય સલમાન ખાન જેવો નહીં બની શકે: ‘ચુનરી ચુનરી’ રીમિક્સ પર ભડક્યો સિંગર અભિજીત | Abhijeet Bhattacharya Slams Chunnari Chunnari Remake Varun Dhawan Can t Be Salman Khan

એક ન્યૂઝ રિપોર્ટ અનુસાર, કેટરિના અને વિકી સારી રીતે જાણે છે કે સોશિયલ મીડિયાના આ યુગમાં મીડિયાના કેમેરાથી લાંબો સમય બચવું મુશ્કેલ છે. આથી, તેમણે પોતે જ પેપરાઝી મીટિંગનું આયોજન કર્યું હતું. આ મુલાકાત દરમિયાન વિકી અને કેટરિના બંને સાથે હતા અને તેમણે ખૂબ જ પ્રેમપૂર્વક વિહાનની ઝલક ફોટોગ્રાફર્સને બતાવી હતી. જોકે, આ સાથે જ કપલે મીડિયાકર્મીઓને એક ખાસ વિનંતી પણ કરી છે કે તેઓ વિહાનની પ્રાઇવસીનું સન્માન કરે અને અત્યારે સહેજ પણ તેના ફોટા કે વીડિયો ક્લિક ન કરે.

Also Read

Explainer: ‘ફળોના રાજા’ને ઝટકો, 20 વર્ષ બાદ ભારતીય કેરી પર જાપાનનો ફરી પ્રતિબંધ, નિકાસકારો સંકટમાં | Japan Imposes Total Ban On Indian Mango Imports After 20 Years Over Quarantine Issues

અન્ય બોલિવૂડ સેલેબ્સે પણ અપનાવી છે આ જ રીત

બોલિવૂડમાં પોતાના નવજાત બાળકોને કેમેરાની લાઈમલાઈટથી દૂર રાખવાનો આ ટ્રેન્ડ નવો નથી. આ પહેલા પણ ઘણા મોટા સ્ટાર્સે આ જ રસ્તો અપનાવ્યો છે:

• આલિયા ભટ્ટ અને રણબીર કપૂર: તેમણે પણ પોતાની પુત્રી રાહાને મીડિયા સામે લાવતા પહેલા પેપરાઝી સાથે પર્સનલ મીટિંગ કરી હતી અને ફોટા ન પાડવા વિનંતી કરી હતી (જો કે, બાદમાં રાહાનો ચહેરો સત્તાવાર રીતે રિલીઝ કરાયો હતો).

• દીપિકા પાદુકોણ અને રણવીર સિંહ: આ કપલે પણ ફોટોગ્રાફર્સને બોલાવીને પોતાની પુત્રી દુઆની તસવીર બતાવી હતી અને બાદમાં દિવાળીના તહેવાર પર સોશિયલ મીડિયા દ્વારા ફેન્સ સાથે ફોટો શેર કર્યો હતો.

આ પણ વાંચો: “બધું પહેલેથી પ્લાન હતું…” કો-સ્ટાર આકાંક્ષા ચમોલાએ લગાવેલા અસહજતાના આરોપો પર કુંવર અમરનો વળતો પ્રહાર

વર્ક ફ્રન્ટ: કેટરિના બ્રેક પર, વિકી શૂટિંગમાં વ્યસ્ત

પુત્ર વિહાન 6 મહિનાનો થઈ ચૂક્યો હોવાથી કેટરિના કૈફ હાલમાં પોતાના પરિવારને પૂરો સમય આપી રહી છે અને એક્ટિંગમાંથી બ્રેક લીધો છે. બીજી તરફ, વિકી કૌશલ સતત પોતાના આગામી પ્રોજેક્ટ્સમાં વ્યસ્ત છે. તે હાલમાં દિગ્દર્શક સંજય લીલા ભણસાલીની ફિલ્મ ‘લવ એન્ડ વોર’નું શૂટિંગ કરી રહ્યો છે. આ ઉપરાંત તેની પાસે આગામી ભવ્ય ફિલ્મ ‘મહાવતાર’ પણ છે, જેનું શૂટિંગ ટૂંક સમયમાં શરૂ થશે અને તે આવતા વર્ષે સિનેમાઘરોમાં રિલીઝ થવાની સંભાવના છે.

ઉલ્લેખનીય છે કે, કેટરિના કૈફ અને વિકી કૌશલના લગ્ન વર્ષ 2021માં રાજસ્થાનના સવાઈ માધોપુર સ્થિત ‘સિક્સ સેન્સ ફોર્ટ બરવાડા’માં અત્યંત શાહી અંદાજમાં થયા હતા, જેમાં માત્ર પરિવારના સભ્યો અને અંગત મિત્રો જ સામેલ થયા હતા.