સલમાન ખાનનો નવો લુક જોઈ સેલેબ્સથી લઈને ફેન્સ પણ ચોંકયા! લોકોને યાદ આવ્યો ‘તેરે નામ’નો ‘રાધે ભૈયા’ | salman khan new buzz cut look viral at laagan anniversary party

Salman Khan New Look Viral: તાજેતરમાં ફિલ્મ ‘લગાન’ની 25મી વર્ષગાંઠની ઉજવણી માટે એક ભવ્ય પાર્ટીનું આયોજન કરવામાં આવ્યું હતું. બોલિવૂડના ‘ભાઈજાન’ સલમાન ખાન આ કાર્યક્રમમાં પ્રવેશતા જ બધાનું ધ્યાન તેમના પર કેન્દ્રિત થયું હતું. જેમાં સલમાન ખાન અને આમિર ખાન એકસાથે જોવા મળ્યા હતા. કાર્યક્રમમાં સલમાન ખાનનો નવો લુક જોઈ સેલેબ્સથી લઈને ફેન્સ પણ ચોંકયા હતા! આમ, સલમાનને જોઈને લોકોને યાદ આવ્યો ‘તેરે નામ’નો ‘રાધે ભૈયા’.

Also Read

ફરહાન અખ્તર આરડી બર્મનની બાયોપિકમાં મુખ્ય ભૂમિકા ભજવશે | Farhan Akhtar play lead role in RD Burman biopic

સલમાન ખાનનો નવો લુક જોઈ સેલેબ્સથી લઈને ફેન્સ પણ ચોંકયા!

Also Read

છોટાઉદેપુર: આંબાડુંગર ગામમાં પાણી માટે જીવનો સટ્ટો ખેલતી મહિલાઓ, પાણીની ટાંકી શોભાના ગાંઠિયા સમાન | Chhota Udaipur News Major drinking water problem in Ambadungar village of Kwant

સલમાન આ ઇવેન્ટમાં બઝ-કટ હેરસ્ટાઇલમાં જોવા મળ્યો હતો. તેમજ તેની હળવી દાઢી સાથેનો લુક વધુ દમદાર દેખાતો હતો. સલમાનના નવા લુકને માત્ર ચાહકો જ નહીં પરંતુ હાજર સેલિબ્રિટીઓને પણ આશ્ચર્યચકિત કરી દીધા હતા. સલમાન પહેલા કરતાં વધુ ફિટ જોવા મળ્યો હતો. સોશિયલ મીડિયા પર લોકોએ તરત જ અનુમાન લગાવવાનું શરૂ કરી દીધું કે તેનો નવો અવતાર દિગ્દર્શક વામશી પૈડીપલ્લીની આગામી ફિલ્મ ‘SVC63’ માટે બનાવવામાં આવી રહ્યો છે.

સોશિયલ મીડિયા પર ચાહકોનું રીએકશન 

આ ઇવેન્ટના ફોટા અને વીડિયો સોશિયલ મીડિયા પર વાઇરલ થતાની સાથે જ ચાહકોનું રીએકશન સામે આવી રહ્યા છે. સલમાન ખાનના બદલાયેલા લુકથી લોકો આશ્ચર્યચકિત થઈ એક યુઝરે લખ્યું, ‘સલમાન અને આમિર એક જ ફ્રેમમાં. રાહ જુઓ, શું ખરેખર સલમાન છે? આ પરિવર્તન ખરેખર આશ્ચર્યજનક છે. જો આ ફિલ્મ ‘SVC63’નો લુક છે, તો તે બોક્સ ઓફિસ પર ધમાલ મચાવશે તે ચોક્કસ છે.’

આમિર અને કરીના પણ ચોકી ગયા

આ ઇવેન્ટના વીડિયોમાં બીજી એક રસપ્રદ વાત જોવા મળી કે, ‘મિસ્ટર પરફેક્શનિસ્ટ’ આમિર ખાન પણ સલમાન ખાનની ફિટનેસ પરથી નજર હટાવી શક્યા નહોતો. એક યુઝરે મજાકમાં ટિપ્પણી કરી, ‘સલમાનની ફિટનેસે આમિરને પણ ચોંકાવી નાખ્યો.” બીજા વીડિયોમાં કરીના કપૂર ખાન પણ સલમાનના લુકથી આશ્ચર્યચકિત થઈ ગઈ હતી.

સલમાન ખાનનો નવો પ્રોજેક્ટ

સુપરસ્ટાર સલમાન ખાનના આ લુકની ચર્ચા આગામી ફિલ્મને લઈને થઈ રહી છે. આ વર્ષના માર્ચમાં તેમણે રાષ્ટ્રીય પુરસ્કાર વિજેતા દિગ્દર્શક વામશી પૈડીપલ્લી સાથે એક નવા પ્રોજેક્ટની જાહેરાત કરી હતી. ફિલ્મનું શીર્ષક હજુ સુધી નક્કી થયું નથી, તેથી તેને ‘SVC63’ તરીકે ઓળખવામાં આવી રહી છે.વેંકટેશ્વર ક્રિએશન્સ બેનર હેઠળની આ 63મી ફિલ્મ છે. ચાહકો ભાઈજાનના આ નવા અવતારને આ અનટાઈટલ્ડ ફિલ્મ સાથે જોડી રહ્યા છે.

આ ફિલ્મની સૌથી મોટી ખાસ વાત એ છે કે, તેમાં સાઉથની જાણીતી અભિનેત્રી નયનતારા મુખ્ય રોલમાં છે. આ પહેલી વાર હશે જ્યારે સલમાન ખાન અને નયનતારા એકસાથે સ્ક્રીન શેર કરતા જોવા મળશે. ચાહકો આ નવી જોડીને મોટા પડદા પર જોવા માટે ઉત્સાહિત છે. જોકે, એ જોવાનું બાકી છે કે સલમાનનો દમદાર લુક આ ફિલ્મ માટે છે કે તેની પાછળ કોઈ અન્ય ટ્વિસ્ટ છે.