ગાંધીનગર: રાણાસણ ગામે જમીનમાં દાટેલો 5,200 લિટર દેશી દારૂનો આથો ઝડપાયો, FIR દાખલ | Major Crackdown in Gandhinagar: 5 200 Litres of Country Liquor Mash Unearthed

Illicit Liquor Manufacturing in Gandhinagar: ગુજરાતમાં દારૂબંધીના કડક અમલ વચ્ચે ગાંધીનગર લોકલ ક્રાઈમ બ્રાન્ચ-IIએ ગેરકાયદે રીતે થતા દેશી દારૂના ઉત્પાદન અને હેરાફેરી સામે મોટી કાર્યવાહી કરી છે. એલસીબી ટીમે ડભોડા પોલીસ સ્ટેશનની હદમાં આવેલા રાણાસણ ગામની સીમમાંથી જમીનમાં દાટીને છુપાવેલા 26 લોખંડ અને પ્લાસ્ટિકના બેરલ ઝડપ્યા છે, જેમાં દેશી દારૂ બનાવવાનો 5,200 લિટર આથો ભરેલો હતો.

ગુપ્ત માહિતીના આધારે દરોડા પાડ્યા

Also Read

ગુજરાતમાં વસ્તી ગણતરીની કામગીરી વચ્ચે શિક્ષકોના પગાર અટવાતા રોષ, ગ્રાન્ટ મંજૂર નહીં થતી હોવાનું મુખ્ય કારણ | Salary Crisis for 2 Lakh Gujarat Teachers Amid Delay in Education Grant Approval

મળતી માહિતી અનુસાર, એલસીબી II ના પોલીસ ઇન્સ્પેક્ટર અને તેમની ટીમ પ્રોહિબિશન ડ્રાઇવ અંતર્ગત ડભોડામાં પેટ્રોલિંગમાં હતી. આ દરમિયાન બાતમીદારો અને ટેકનિકલ સર્વેલન્સના આધારે ચોક્કસ માહિતી મળી હતી કે, રાણાસણ ગામનો એક રહીશ ઘરની નજીક જમીનમાં આથો ભરેલા બેરલ છુપાવીને મોટા પાયે દેશી દારૂ બનાવવાનું ગેરકાયદે નેટવર્ક ચલાવી રહ્યો છે. ચોક્કસ માહિતીના આધારે પોલીસ ટીમે રાણાસણ ગામના પાદરે આવેલા સંભવિત સ્થળે દરોડો પાડ્યો હતો. આ દરમિયાન આરોપી ઘરે હાજર ન હતો, પરંતુ પોલીસે આસપાસના વિસ્તારમાં સઘન સર્ચ ઓપરેશન હાથ ધરતા જમીનમાં દાટેલા બેરલ મળી આવ્યા હતા.

Also Read

કોહલીની જગ્યાએ ટીમ ઈન્ડિયામાં ‘સેન્ચુરી કિંગ’ની એન્ટ્રી! રોહિત-હાર્દિકની ફિટનેસ પર સસ્પેન્સ | jaiswal replaces kohli india vs afghanistan odi rohit hardik fitness test

આ પણ વાંચો: અમદાવાદ: મોટેરા જૂના ગામમાં AMCનું બુલડોઝર ફર્યું, ભારે વિરોધ વચ્ચે 17 મકાનોના ગેરકાયદે ભાગ તોડી પડાયા

1.3 લાખ રૂપિયાનો મુદ્દામાલ ઝડપાયો અને નાશ કરાયો

આ દરમિયાન પોલીસે આસપાસની જમીન ખોદવાનું શરૂ કર્યું હતું, ત્યારે લોખંડ અને પ્લાસ્ટિકના કુલ 26 બેરલ બહાર કાઢ્યા હતા. તેમાં આશરે 5,200 લિટર દેશી દારૂ બનાવવાનો રસાયણયુક્ત આથો મળી આવ્યો હતો. જપ્ત કરાયેલા આ મુદામાલની કિંમત અંદાજે 1.3 લાખ રૂપિયા હોવાનું આંકવામાં આવ્યું છે. પોલીસે પ્રોહિબિશનના નિયમોનુસાર આ તમામ ગેરકાયદે જથ્થાનો સ્થળ પર જ નાશ કર્યો હતો.

આરોપી બુટલેગર ફરાર, FIR દાખલ 

આ મામલે રાણાસણ ગામના બળિયાદેવ મંદિર નજીક રહેતા જસવંત ઝાલા નામના શખસ સામે ડભોડા પોલીસ મથકમાં ‘ગુજરાત પ્રોહિબિશન એક્ટ’ હેઠળ ગુનો નોંધી કાયદેસરની કાર્યવાહી હાથ ધરી છે. હાલ આરોપી પોલીસ પકડથી દૂર હોવાથી તેને ઝડપી પાડવા માટે ચક્રો ગતિમાન કરવામાં આવ્યા છે.