મેઘાણીનગરમાં અકસ્માત: સ્પીડમાં બાઈક પરથી પટકાયા બે યુવક, એકનું મોત | Emon a mano emon a feiengau mwirin an a turutiw seni ewe pasiken

અમદાવાદ, સોમવાર

અમદાવાદના નરોડા વિસ્તારમાં રહેતા બે મિત્રો ગઇકાલે મધરાતે બાઇક લઇને રિવરફ્રન્ટ તરફ ફરવા જઇ રહ્યા હતા, ત્યારે મેઘાણીનગર વિસ્તારમાં નડેલા એક ગમખ્વાર અકસ્માતમાં બાઇક ચાલક યુવકનું કરૂણ મોત નીપજ્યું છે, જ્યારે તેનો મિત્ર ગંભીર રીતે ઇજાગ્રસ્ત થયો છે.

Also Read

વડોદરા ચકચારી ગોરવા મર્ડર કેસ: CCTV ફૂટેજ અને સાક્ષીઓને કારણે હત્યારાની જામીન અરજી નામંજૂર | Court rejects bail application of accused in murder case in Vadodara Gorwa area

પડોશમાં રહેતા મિત્રો રિવરફ્રન્ટ ફરવા નીકળ્યા હતા

Also Read

બે મહિનામાં જ પ્રેમનો કરુણ અંત! અમદાવાદમાં નેપાળી યુવતીને આપઘાત માટે મજબૂર કરનાર પ્રેમી ઝડપાયો | Ahmedabad News Krishnanagar Nepalese girl last step case Nepal lover arrested

નવા નરોડામાં ફ્રૂટ માર્કેટ પાસે આવેલી ચાલીમાં રહેતા એક યુવકે ટ્રાફિક જી ડિવિઝન પોલીસ સ્ટેશનમાં અકસ્માત અંગેની ફરિયાદ નોંધાવી છે. ફરિયાદમાં જણાવ્યા અનુસાર, ગઇકાલે મોડીરાતે ફરિયાદી યુવક જ્યારે ચાલીની બહાર ચા પીવા નીકળ્યો ત્યારે તેને પડોશમાં રહેતો તેનો મિત્ર મળ્યો હતો. ત્યારબાદ આ બંને મિત્રો બાઇક લઇને રિવરફ્રન્ટ પર આંટો મારવા માટે નીકળ્યા હતા.

સ્પીડમાં બાઇક હોવાથી બમ્પ પર બેલેન્સ ગુમાવ્યું

બાઇક ફરિયાદીનો મિત્ર ચલાવી રહ્યો હતો. તેઓ જ્યારે મેઘાણીનગર વિસ્તારમાં આવેલી રત્ના સાગર સોસાયટી પાસેથી પસાર થઇ રહ્યા હતા, ત્યારે બાઇકની સ્પીડ વધારે હતી. આ દરમિયાન અચાનક રોડ પર બમ્પ આવી જતા, બાઇક ચાલક મિત્રએ સ્ટેયરીંગ પરથી કાબૂ ગુમાવી દીધો હતો. બમ્પ પર બાઇક કૂદતાની સાથે જ બંને મિત્રો જોરદાર સ્લીપ ખાઇને રોડ પર પટકાયા હતા.

સિવિલ હોસ્પિટલમાં સારવાર દરમિયાન દમ તોડ્યો

આ અકસ્માતમાં બાઇક ચાલક યુવકને માથાના ભાગે તેમજ શરીરે ગંભીર ઇજાઓ પહોંચતા તે લોહીલુહાણ હાલતમાં બેભાન થઇ ગયો હતો, જ્યારે પાછળ બેઠેલા ફરિયાદી યુવકને પણ નાની-મોટી ઇજાઓ થઇ હતી. અકસ્માત સર્જાતા જ આસપાસના સ્થાનિક લોકો તાત્કાલિક મદદ માટે દોડી આવ્યા હતા અને બંને ઇજાગ્રસ્તોને સારવાર માટે સિવિલ હોસ્પિટલ ખસેડ્યા હતા. જ્યાં ટૂંકી સારવાર દરમિયાન બેભાન હાલતમાં જ બાઇક ચાલક યુવકનું મોત નીપજ્યું હતું, જ્યારે તેનો મિત્ર હાલ હોસ્પિટલમાં સારવાર હેઠળ છે. આ સમગ્ર બનાવ અંગે અમદાવાદ ટ્રાફિક પોલીસે ગુનો નોંધીને કાયદેસરની વધુ તપાસ હાથ ધરી છે.