મોરબી મનપાની લાલપર ડમ્પિંગ સાઇટ પર કચરો સળગાવાતા ભારે પ્રદુષણ | Heavy pollution due to burning of waste at Morbi Municipality’s Lalpar dumping site

મૃત પશુઓના નિકાલથી ભારે દુર્ગંધઃ રહીશો હેરાન-પરેશાન : કચરાનો વૈજ્ઞાનિક ઢબે નિકાલ કરવાના બદલે સળગાવી દેવાતો હોવાનો આક્ષેપ : તંત્ર દ્વારા જવાબદારી ખંખેરવા પ્રયાસ

મોરબી, : મોરબી મહાનગરપાલિકાની લાલપર ગામ નજીક આવેલ ડમ્પિંગ સાઈટ પર કચરાનો આડેધડ નિકાલ કરવામાં આવી રહ્યો છે. કચરાનો વૈજ્ઞાાનિક ઢબે નિકાલ કરવાને બદલે આગ લગાવી દેવામાં આવતી હોવાનો આક્ષેપ કરાયો છે. કચરો સળગતા બેફામ પ્રદુષણ ફેલાઈ રહ્યું છે. પરિણામે રહીશો હેરાન થઇ રહ્યા છે.

Also Read

વડોદરા ચકચારી ગોરવા મર્ડર કેસ: CCTV ફૂટેજ અને સાક્ષીઓને કારણે હત્યારાની જામીન અરજી નામંજૂર | Court rejects bail application of accused in murder case in Vadodara Gorwa area

મોરબીના લાલપર ગામ નજીક આવેલ ડમ્પિંગ સાઈટ પર અનેક દિવસોથી કચરો સળગી રહ્યો છે. સાઇટ પર વૈજ્ઞાાનિક ઢબે કચરાનો નિકાલ કરવામાં આવતો નથી, અને સળગાવી દેવામાં આવે છે. તેમજ મૃત પશુઓના નિકાલ અહી કરવામાં આવતા હોવાથી બેફામ દુર્ગંધ ફેલાય છે. કચરો સળગાવતા હવામાં પ્રદુષણ ફેલાય છે. જેથી આસપાસમાં આવેલ રહેણાંક વિસ્તારોના રહીશો હેરાનગતિ ભોગવી રહ્યા છે. કોઇ ફેક્ટરી દ્વારા પ્રદુષણ ફેલાવવામાં આવે તો જીપીસીબી ટીમ તુરંત દોડી જઈને દંડ અને ક્લોઝર નોટિસ જેવી કામગીરી કરતી હોય છે. પરંતુ અહી મહાપાલિકા તંત્રની જવાબદારી આવે છે, ત્યારે જીપીસીબી ટીમ પણ પ્રદુષણ સામે આંખ આડા કાન કરી રહ્યું હોય તેવો ઘાટ સર્જાઈ રહ્યો છે. 

Also Read

બે મહિનામાં જ પ્રેમનો કરુણ અંત! અમદાવાદમાં નેપાળી યુવતીને આપઘાત માટે મજબૂર કરનાર પ્રેમી ઝડપાયો | Ahmedabad News Krishnanagar Nepalese girl last step case Nepal lover arrested

ડેપ્યુટી કમિશ્નર સંજય સોનીને લાલપર ડમ્પિંગ સાઇટ પર કચરામાં આગ બાબતે પૂછતા જણાવ્યું હતું કે નાગરિકો કચરો ફેકે ત્યારે આગ લાગેલી હોય અને એ કચરો ટ્રેક્ટરમાં સળગતો રહે છે, તેનો સાઈટ પર નિકાલ થતા આગ લાગી જતી હોય છે. ફાયર ટીમને આગ પર કાબુ મેળવવા સુચના આપી છે,અને બે દિવસથી કામગીરી ચાલુ છે. આગ પર સંપૂર્ણ કાબુ મેળવાય ત્યાં સુધી કામગીરી ચાલુ રહેશે.