અમદાવાદમાં મધરાતે લૂંટ, કેબ ડ્રાઈવરને બંધક બનાવી ગળા પર છરી મૂકી, કાર અને પૈસા લૂંટી ચાર શખ્સો ફરાર | ahmedabad crime rapido cab driver robbed at knifepoint in prahladnagar anandnagar police

Ahmedabad Crime News: અમદાવાદમાં રાત્રિ દરમિયાન કેબ ચલાવતા એક ડ્રાઈવરને બંધક બનાવીને લૂંટ ચલાવવામાં આવી હોવાની ચોંકાવનારી ઘટના સામે આવી છે. રામોલ વિસ્તારમાં રહેતા રજનીકાંત રાવળ નામના કેબ ડ્રાઈવર રાત્રિના સમયે પેસેન્જરને ડ્રોપ કર્યા બાદ પ્રહલાદનગર વિસ્તારમાં ઊભા હતા. રાત્રે લગભગ બે વાગ્યાની આસપાસ તેમને રેપિડો એપ્લિકેશન પર મકરબા ફાટક નજીકથી એક બુકિંગ મળ્યું હતું. રાતનો સમય હોવાથી સારી કમાણીની આશામાં રજનીકાંત ત્યાં પહોંચ્યા હતા, જ્યાં ઔડાના મકાનો પાસે જવાના લોકેશન માટે ચાર અજાણ્યા યુવકો તેમની કારમાં સવાર થયા હતા.

લઘુશંકાના બહાને કાર ઉભી રખાવી

Also Read

પંચમહાલ: ફુલેકું બાબતે બોલાચાલી, કાકાના દીકરાઓએ ત્રણ બાળકના પિતાને ‘જાન’થી મારી નાખ્યો!, લગ્નના ગીતો રૂદનમાં ફેરવાયા | panchmahal news shamera wedding dispute youth murdered by cousins demli village

કાર જ્યારે શહેરની ભીડભાડથી દૂર એક અવાવરું અને અંધારાવાળા રસ્તા પર પહોંચી, ત્યારે એક પેસેન્જરે લઘુશંકાના બહાને કાર સાઈડમાં ઊભી રખાવી હતી. કાર રોકાતાની સાથે જ ડ્રાઈવરની પાછળ બેઠેલા યુવકે અચાનક રજનીકાંતના ગળા પર છરી મૂકી દીધી હતી અને બાજુમાં બેઠેલા શખ્સે તેને માર મારવાનું શરૂ કર્યું હતું. આયોજનબદ્ધ રીતે લૂંટારૂઓએ રજનીકાંતને ડ્રાઈવર સીટ પરથી ખેંચીને પાછળની સીટમાં બે આરોપીઓની વચ્ચે બંધક બનાવી દીધા હતા અને એક શખ્સે પોતે કાર હંકારવાનું શરૂ કરી દીધું હતું.

Also Read

‘નવી ખુરશી આવી જશે, દેશ બીજો ક્યાંથી લાવશો..’, ફિલ્મ ‘ગવર્નર’નું ટ્રેલર રિલીઝ, મનોજ બાજપેયીનો દમદાર રોલ | Governor Film Trailer Manoj Bajpayee Reserve Bank of India Governor S Venkataraman

ઓનલાઈન 2,000 રૂપિયા ટ્રાન્સફર કર્યા

કાર પર કબજો જમાવ્યા બાદ આરોપીઓએ ડ્રાઈવરનો મોબાઈલ ફોન છીનવી લીધો હતો અને બેંક એકાઉન્ટમાંથી ઓનલાઈન 2,000 રૂપિયા ટ્રાન્સફર કરી લીધા હતા. આ ઉપરાંત તેમણે રજનીકાંતના ગળામાંથી ચાંદીની ચેઈન પણ લૂંટી લીધી હતી. લૂંટારૂઓએ તેમને જાનથી મારી નાખવાની ધમકી આપીને તેમના મિત્ર પાસેથી એક લાખ રૂપિયા મંગાવવા દબાણ કર્યું હતું. ડરના માર્યા ડ્રાઈવરે મિત્રને ફોન કર્યો હતો, પરંતુ અડધી રાતનો સમય હોવાથી મિત્રએ આ વાતને મજાક સમજીને પૈસા મોકલ્યા ન હતા. આથી રોષે ભરાયેલા આરોપીઓએ રજનીકાંતને કારમાં જ ઢોર માર માર્યો હતો.

આ પણ વાંચો: સુરત મહાનગરપાલિકાની શિક્ષણ સમિતિમાં સભ્ય બનવા દાવેદારોનો રાફડો ફાટ્યો, ગાંધીનગર સુધી લોબિંગ

અંતે કોઈ મોટી રકમ ન મળતા ચારેય શખ્સો કારને કેનાલ તરફ લઈ ગયા હતા અને રજનીકાંતને ત્યાં રસ્તા પર જ ફેંકી દીધા હતા. જો પોલીસમાં ફરિયાદ કરશે તો આખા પરિવારને જાનથી મારી નાખવાની ધમકી આપીને આરોપીઓ 5 લાખથી વધુની કિંમતની કાર, રોકડ અને અગત્યના દસ્તાવેજો લઈને નાસી છૂટ્યા હતા. ગભરાયેલા અને ઈજાગ્રસ્ત ડ્રાઈવરે કોઈક રીતે નજીકના સર્વિસ રોડ પર પહોંચીને એક ગેરેજ માલિકને જગાડ્યો હતો અને તેના ફોનથી પોલીસ કંટ્રોલ રૂમમાં જાણ કરી હતી. આ ગંભીર ઘટનાને પગલે આનંદનગર પોલીસે અજાણ્યા ચાર શખ્સો વિરુદ્ધ લૂંટ અને ધાડનો ગુનો નોંધીને સીસીટીવી ફૂટેજના આધારે તેમને ઝડપી પાડવા તપાસના ચક્રો ગતિમાન કર્યા છે.