43°C પાર જશે તાપમાન! Ahmedabad સહિત Gujaratમાં ગરમીનો તાંડવ

Ahmedabad temperature 43 degree heatwave alert : તાજેતરમાં નોંધાયેલા આંકડા મુજબ રાજકોટમાં સૌથી વધુ 42.7 ડિગ્રી સેલ્સિયસ તાપમાન નોંધાયું હતું, જે સામાન્ય કરતાં લગભગ 2.8 ડિગ્રી વધારે છે. અમદાવાદમાં તાપમાન 41.5 ડિગ્રી સુધી પહોંચ્યું છે, જ્યારે ગાંધીનગરમાં 40 ડિગ્રી નોંધાયું છે.

હવામાન વિભાગના અધિકારીઓએ જણાવ્યું છે કે, 24 એપ્રિલથી 30 એપ્રિલ દરમિયાન વાતાવરણ મુખ્યત્વે શુષ્ક રહેશે. આ સમયગાળા દરમિયાન પવનની દિશા પશ્ચિમથી ઉત્તર-પશ્ચિમ તરફ રહેશે અને તેની ઝડપ આશરે 15થી 20 કિમી પ્રતિ કલાક વચ્ચે રહેવાની સંભાવના છે.

દરિયાકાંઠાના વિસ્તારો માટે યલો એલર્ટ જાહેર
આગામી ત્રણ દિવસમાં વધતા તાપમાન પછી થોડો ઘટાડો પણ જોવા મળી શકે છે, પરંતુ કુલ મળીને ગરમીનું પ્રભુત્વ યથાવત્ રહેશે. આંતરિક વિસ્તારોમાં તાપમાન 41 થી 43 ડિગ્રી વચ્ચે રહેવાની શક્યતા છે, જ્યારે દરિયાકાંઠાના વિસ્તારોમાં તાપમાન થોડું ઓછું રહીને 35થી 40 ડિગ્રી વચ્ચે રહેવાનું અનુમાન છે.

Also Read

Chhota Udepurમાં ચોંકાવનારી ઘટના! લગ્નમાં ગયેલા યુવાનનો કોતરમાંથી મૃતદેહ મળ્યો

જોકે, દરિયાકાંઠે ભેજનું પ્રમાણ વધુ હોવાથી ગરમી સાથે ભેજનું સંયોજન “હોટ એન્ડ હ્યુમિડ” સ્થિતિ સર્જશે, જે લોકોને વધુ અકળામણ અનુભવાવી શકે છે. ખાસ કરીને 24 અને 25 એપ્રિલ દરમિયાન આ અસર વધુ તીવ્ર રહી શકે છે. આ પરિસ્થિતિને ધ્યાનમાં રાખીને દરિયાકાંઠાના વિસ્તારો માટે યલો એલર્ટ જાહેર કરવામાં આવ્યું છે.

Also Read

દર્દનાક ઘટના! મર્ચન્ટ નર્સિંગ કોલેજમાં પરીક્ષા બાદ વિદ્યાર્થિનીએ જીવન ટૂંકાવ્યું

અમદાવાદમાં તાપમાન સતત ઊંચું રહેવાનું અનુમાન
અમદાવાદ શહેર માટે હાલ કોઈ ખાસ ચેતવણી જાહેર કરવામાં આવી નથી, છતાં અહીં તાપમાન સતત ઊંચું રહેવાનું અનુમાન છે. આજનો દિવસ મોટાભાગે સ્વચ્છ આકાશ સાથે પસાર થશે અને તાપમાન આશરે 42 ડિગ્રી સુધી રહી શકે છે.

આગામી ત્રણ દિવસ સુધી પણ તાપમાન 41 થી 43 ડિગ્રી વચ્ચે જ રહેવાની સંભાવના છે. આ સાથે જ હવામાન વિભાગે નાગરિકોની સુવિધા માટે નવી વ્યવસ્થા પણ શરૂ કરી છે. હવે અમદાવાદના રહેવાસીઓ પોતાના વિસ્તારનું તાપમાન સરળતાથી જાણી શકશે.

શહેરના વિવિધ વિસ્તારો માટે સાત દિવસની આગાહી
શહેરના વિવિધ વિસ્તારો માટે આગામી સાત દિવસની આગાહી તૈયાર કરવામાં આવી છે અને ખાસ કરીને બપોરે 12 થી 5 વાગ્યા દરમિયાન કયા વિસ્તારોમાં વધુ ગરમી અનુભવાશે તેની માહિતી પણ ઉપલબ્ધ કરાવવામાં આવી છે.

લોકો QR કોડ સ્કેન કરીને આ વિગત મેળવી શકે છે. આ માહિતી દર ત્રણ દિવસે અપડેટ કરવામાં આવશે, જેથી લોકોને તાજેતરની સ્થિતિ વિશે જાણકારી મળી રહે અને તેઓ તે મુજબ પોતાની દૈનિક કામગીરીનું આયોજન કરી શકે.