છોટા ઉદેપુર: ઓરસંગ નદીમાં ‘સફેદ રેતીના કાળા કારોબાર’ પર તંત્રનો સપાટો, 3 મોટા માથા સામે કાર્યવાહી, રૂ. 13.32 કરોડનો દંડ | chhota udepur orasang river illegal sand mining raid rs 13 crore fine

Illegal Sand Mining Chhota Udepur: છોટાઉદેપુર જિલ્લામાં લાંબા સમયથી ઓરસંગ નદીના પટમાં ગેરકાયદેસર રીતે ચાલતા રેતી ખનન સામે જિલ્લા વહીવટી તંત્રએ લાલ આંખ કરી છે. જિલ્લા કલેક્ટરના નેતૃત્વમાં તંત્ર દ્વારા એક બહુ મોટી ગુપ્ત રેડ પાડીને રેતી ચોરીના મસમોટા નેટવર્કનો પર્દાફાશ કરવામાં આવ્યો છે. દાવો છે કે જિલ્લાના ઈતિહાસમાં પહેલીવાર આટલી મોટી રકમનો દંડ ફટકારવાની કડક કાર્યવાહી કરવામાં આવી છે, જેને પગલે ભૂમાફિયાઓમાં ભારે ફફડાટ વ્યાપી ગયો છે.

રતનપુર ગામે તંત્ર ત્રાટક્યું: 3.94 લાખ મેટ્રિક ટન રેતી ચોરી ઝડપાઈ

Also Read

સ્માર્ટ સિટી વડોદરાનો વરવો ચહેરો: દંતેશ્વર તળાવની ગંદકીથી સ્થાનિકો ત્રાહિમામ, VMCની કામગીરી માત્ર ‘દેખાડો’? | vadodara danteshwar lake pollution vmc smart city local residents protest

મળતી માહિતી મુજબ, સંખેડા તાલુકાના રતનપુર ગામે ઓરસંગ નદીના પટમાં મોટા પાયે ગેરકાયદેસર ખનન ચાલી રહ્યું હોવાની પાકી બાતમી તંત્રને મળી હતી. વહીવટી તંત્રની ટીમે ઓચિંતી રેડ પાડતા ત્યાંથી આશરે 3.94 લાખ મેટ્રિક ટન બિનઅધિકૃત રેતીનો જથ્થો અને ખનન ઝડપી પાડ્યું હતું. ઘટનાસ્થળેથી ગેરકાયદેસર ખોદકામ માટે વપરાતા 3 મહાકાય હિટાચી મશીનો પણ સીઝ કરવામાં આવ્યા છે.

Also Read

સિગ્નલ બંધ, સીધા ક્રોસિંગ પર નો-એન્ટ્રી…: અમદાવાદના SG હાઈવે પર તંત્રનો નવતર પ્રયોગ, ડ્રમ-બેરિયર મૂકાયા | sg highway palladium mall junction signal free pilot project

3 મોટા માથાઓ સામે થશે કાયદેસરની કાર્યવાહી

નદીના પટને વેરવિખેર કરી સરકારી તિજોરીને નુકસાન પહોંચાડનારા મુખ્ય સૂત્રધારો સામે તંત્રએ સકંજો કસ્યો છે. આ કાળા કારોબારમાં સંડોવાયેલા 3 વ્યક્તિઓ સામે કડક કાયદાકીય પગલાં ભરવાની કવાયત હાથ ધરાઈ છે, જેમાં ગોવિંદ ઓડ, સંજય ઠાકોર અને ઉર્વશી વાઢેરનો સમાવેશ થાય છે.

આ પણ વાંચો : એર ઈન્ડિયાનું પ્લેન ક્રેશ થતાં બચ્યું, રનવે પર અથડાઈ ‘ટેલ-સ્ટ્રાઈક’, 181 મુસાફરો સુરક્ષિત

આંકડાની નજરે તંત્રની મેગા સ્ટ્રાઈક

આ સમગ્ર ઓપરેશનમાં તંત્ર દ્વારા કરવામાં આવેલા દંડના આંકડા પણ ચોંકાવનારા છે. સંખેડા તાલુકાના રતનપુર ગામે ઓરસંગ નદીના પટમાંથી આશરે 3.94 લાખ મેટ્રિક ટન જેટલો બિનઅધિકૃત રેતીનો જથ્થો ઝડપાતા તંત્રએ રેત માફિયાઓ સામે લાલ આંખ કરી રૂ. 13.32 કરોડનો ઐતિહાસિક અને રેકોર્ડતોડ દંડ ફટકાર્યો છે, તેમજ ઘટનાસ્થળેથી ખોદકામ માટે વપરાતા 3 કિંમતી હિટાચી મશીનો પણ સીઝ કર્યા છે.

સ્ટોકની આકસ્મિક માપણીમાં સામે આવ્યું કૌભાંડ

આ ઉપરાંત, તંત્રની ત્રીજી આંખ છોટાઉદેપુર તાલુકાના તેજગઢ સ્ટોક યાર્ડ પર પણ ફરી હતી, જ્યાં સ્ટોકની આકસ્મિક માપણી દરમિયાન મોટી ગેરરીતિઓ સામે આવતા વધુ રૂ. 31 લાખનો દંડ ફટકારી કાયદેસરની કાર્યવાહી હાથ ધરવામાં આવી છે. જિલ્લા કલેક્ટરે જાતે એક મહત્ત્વની પ્રેસ કોન્ફરન્સ યોજીને આ સમગ્ર ઓપરેશન અને ઐતિહાસિક દંડની વિગતવાર માહિતી મીડિયા સમક્ષ જાહેર કરી હતી અને ગેરકાયદેસર ખનન કરનારાઓને છેલ્લી ચીમકી આપી દીધી છે.