Instagram પર દોસ્તી, લગ્નની લાલચ અને પછી દુષ્કર્મ! સુરતમાં યુવતી સાથે શરમજનક ઘટના

સુરત શહેરના જહાંગીરપુરા વિસ્તારમાં રહેતી 36 વર્ષીય મહિલા છેલ્લા પાંચેક વર્ષથી ગલ્ફના દેશમાં નોકરી કરી પરિવારને આર્થિક રીતે મદદરૂપ થઈ રહી છે. પોતાના જીવનમાં એક યોગ્ય જીવનસાથીની શોધ કરી રહેલી આ યુવતીનો સોશિયલ મીડિયા પ્લેટફોર્મ ઇન્સ્ટાગ્રામ પર આરોપી યુવક સાથે સંપર્ક થયો હતો.

શરૂઆતમાં બંને વચ્ચે સામાન્ય હાય-હેલોથી વાતચીત શરૂ થઈ હતી. સમય વિતતાં આ પરિચય ગાઢ મિત્રતામાં બદલાયો અને ત્યારબાદ બંને વચ્ચે પ્રેમસંબંધ બાંધ્યો હતો. બંને અવારનવાર એકબીજા સાથે વાતો કરતા અને પોતાના ભવિષ્યના સપનાઓ શેર કરતા હતા.

પ્રેમજાળમાં ફસાવી સુરત અને કચ્છની હોટલોમાં આચર્યું દુષ્કર્મ
ગલ્ફમાં નોકરી કરતી આ મહિલા જ્યારે પણ રજાઓ મેળવીને પોતાના વતન સુરત આવતી, ત્યારે આરોપી યુવક તેને મળવાના બહાને ખાસ સુરત આવતો હતો. આરોપીએ યુવતીને પોતાની મીઠી-મીઠી વાતોમાં ફસાવીને તેની સાથે જલ્દીથી લગ્ન કરી લેવાની ખાતરી આપી હતી.

Also Read

5 ઈંચ વરસાદ અને અમદાવાદ પાણી-પાણી! પોશ વિસ્તારોમાં રસ્તા કે નદી? SBR-બોપલ-આંબલીમાં ભારે હાલાકી

લગ્નની અટલ લાલચ આપીને આરોપીએ મહિલાને પોતાની હવસનો શિકાર બનાવી હતી. આરોપી મહિલાને સુરતના પાલ વિસ્તારમાં આવેલા નિશાલ સર્કલ નજીકની એક હોટલમાં અવારનવાર લઈ જતો હતો,

Also Read

ગાંધીનગરમાં 28 વર્ષીય મહિલા પોલીસ કોન્સ્ટેબલનો આપઘાત! ઘરે જીવન ટૂંકાવ્યું, કારણ અકબંધ

જ્યાં તેણે મહિલા સાથે શારીરિક સંબંધો બાંધ્યા હતા. આ ઉપરાંત, તે મહિલાને કચ્છ-ભુજ ખાતે આવેલી ‘શ્યામ પેલેસ’ નામના હોટલમાં પણ લઈ ગયો હતો અને ત્યાં પણ તેની મરજી વિરુદ્ધ સંબંધ બાંધ્યા હતા.

લગ્નનો પ્રશ્ન આવતાં જ આપ્યા બહાના અને કરી સ્પષ્ટ મનાઈ
છેલ્લા કેટલાક સમયથી ચાલતા આ સંબંધો બાદ જ્યારે મહિલાએ યુવક પર વિધિવત્ લગ્ન કરવા માટે દબાણ લાવવાનું શરૂ કર્યું, ત્યારે આરોપીનો અસલી ચહેરો સામે આવ્યો હતો. શરૂઆતમાં તો આરોપી યુવકે લગ્નની વાત ટાળવા માટે અવનવા બહાના બનાવવાનું શરૂ કર્યું હતું.

પરંતુ જ્યારે પીડિત મહિલા પોતાની લગ્નની માંગ પર મક્કમ રહી અને સવાલો કરવા લાગી, ત્યારે આરોપીએ અચાનક પોતાનો મિજાજ બદલી નાખ્યો હતો અને મહિલા સાથે લગ્ન કરવાની ચોખ્ખી ના પાડી દીધી હતી.

અપશબ્દો કહી તરછોડી દેતાં આખરે પોલીસના દ્વાર ખટખટાવ્યા
જ્યારે મહિલાએ પોતાની સાથે થઈ રહેલા વિશ્વાસઘાતનો વિરોધ કર્યો, ત્યારે આરોપી યુવકે તેની સાથે ગાળાગાળી કરી હતી અને જાતિવિષયક અપશબ્દો કહીને તેને અત્યંત અપમાનિત કરી હતી.

પ્રેમ અને લગ્નના નામે પોતાનું શારીરિક અને માનસિક શોષણ થયું હોવાનું સ્પષ્ટ ભાન થતાં જ પીડિત મહિલા ભાંગી પડી હતી. આખરે હિંમત ભેગી કરીને તેણે સુરતના પાલ પોલીસ મથકે પહોંચીને સમગ્ર આપવીતી જણાવી હતી અને આરોપી વિરુદ્ધ લેખિત ફરિયાદ નોંધાવી હતી.