સાબરકાંઠા-અરવલ્લીના પશુપાલકો માટે ખુશખબર, સાબર ડેરીએ દૂધના ભાવમાં કર્યો વધારો | Sabar Dairy Milk Procurement Price Hike Sabarkantha Aravalli dairy farmers happy

Sabar Dairy Milk Procurement Price Hike: સાબરકાંઠા અને અરવલ્લી જિલ્લાના દૂધ ઉત્પાદકો માટે મોટા રાહતના સમાચાર સામે આવ્યા છે. સાબરડેરી દ્વારા દૂધના ખરીદી ભાવમાં વધારો જાહેરકરવામાં આવ્યો છે. આગામી 1 જૂન, 2026થી પ્રતિ કિલો ફેટ દીઠ 15 રૂપિયાનો વધારો અમલમાં આવશે. દૂધ ઉત્પાદકોને પ્રતિ કિલો ફેટના 850 રૂપિયા મળતા હતા, જે હવે વધીને રૂ.865 મળશે.

સાબરડેરી દ્વારા દૂધના ખરીદી ભાવમાં વધારો જાહેર 

Also Read

પ્રજાના પ્રશ્નોથી મંત્રી ઘેરાયા! સુઈગામમાં પીવાના પાણી મુદ્દે ચકમક ઝરતા મંત્રીએ કેમેરા બંધ કરાવ્યા, જનતા દરબારમાં હોબાળો | Swarupji Thakor’s Janta Darbar in Suigam People Ask on Water Crisis

સાબરડેરી દ્વારા દૂધ ખરીદીના ભાવમાં વધારો કરવાની જાહેરાત કરી છે, ત્યારે સાબરકાંઠા અને અરવલ્લી જિલ્લાના લગભગ સાડા ત્રણ લાખ જેટલા નાના-મોટા પશુપાલકોને તેનો સીધો આર્થિક લાભ થશે. સાબરડેરી નિયામક મંડળ દ્વારા પશુપાલકોને આર્થિક સશક્તિકરણ, પશુપાલન વ્યવસાય વધુ પોષણક્ષમ બને અને દૂધ ઉત્પાદકોને યોગ્ય વળતર મળે તે હેતુથી આ નિર્ણય લેવામાં આવ્યો છે.

Also Read

શાહરૂખ ખાન નહીં, હવે રજનીકાંતની ‘જેલર 2’માં હૃતિક રોશનનો કેમિયો જોવા મળશે? | Hrithik Roshan will make a cameo in Jailer 2 replacing Shahrukh Khan

દૂધના ભાવમાં વધારાની જાહેરાત બાદ સાબરકાંઠા અને અરવલ્લી જિલ્લાના દૂધ ઉત્પાદકો અને પશુપાલકોમાં ખુશીની લાગણી જોવા મળી રહી છે, ત્યારે પશુપાલકોનું કહેવું છે કે આ નિર્ણયથી તેમને આર્થિક રીતે મોટી રાહત મળશે.

આ પણ વાંચો: 50 કિ.મી.ની ઝડપે પવન, ભારે વરસાદની આગાહી: ગુજરાતનાં અનેક જિલ્લામાં યલો-ઑરેન્જ ઍલર્ટ

સાબરડેરી નિયામક મંડળની બેઠક બાદ આ નિર્ણય લેવામાં આવ્યો છે. નિયામક મંડળે જણાવ્યું કે, દૂધના ખરીદ ભાવમાં વધારાથી પશુપાલકો અને દૂધ ઉત્પાદકોને સાબરડેરી દ્વારા દર મહિને અંદાજે રૂપિયા 10 કરોડથી વધુ રકમની વધારાની ચૂકવણી કરવામાં આવશે. તેમજ આગામી 30 જૂન પહેલા દૂધના ભાવફેર એટલે કે બોનસની ચૂકવણીને લઈને કરવામાં આવેલી પશુપાલકોની રજૂઆતને ધ્યાનમાં રાખીને ડેરી તંત્ર દ્વારા ગત વર્ષની તુલનાએ આ વર્ષે વધુ ભાવફેર ચૂકવવાની ખાતરી આપી હોવાનું જણાય છે.