ગુજરાત સરકારનો મોટો નિર્ણય: જમીન દફતર નિરીક્ષક વર્ગ-2ની 138 જગ્યાઓનું કરાયું વિકેન્દ્રીકરણ, હવે તાલુકા કક્ષાએ જ મળશે સેવાઓ | Land record inspector posts moved to taluka level

Land Record Inspector Posts Moved To Taluka Level: ગુજરાત સરકારના મહેસૂલ વિભાગ દ્વારા પ્રજાહિતમાં એક મહત્ત્વપૂર્ણ વહીવટી નિર્ણય લેવામાં આવ્યો છે. જમીન દફતર ખાતાના સેટલમેન્ટ કમિશનર અને જમીન દફતર નિયામકની કચેરી હેઠળની ‘જમીન દફતર નિરીક્ષક, વર્ગ-2’ (Inspector of Land Records) સંવર્ગની જગ્યાઓને જિલ્લા કક્ષાએથી વિકેન્દ્રીકૃત કરીને તાલુકા કક્ષાએ કાર્યરત કરવાનો સત્તાવાર ઠરાવ બહાર પાડવામાં આવ્યો છે. સરકારના આ પગલાથી જમીન સંબંધિત કામગીરી માટે ગ્રામ્ય અને તાલુકાના લોકોને હવે જિલ્લા મથકો સુધી લાંબા થવું નહીં પડે.

જમીન દફતર નિરીક્ષક વર્ગ-2ની 138 જગ્યાઓનું કરાયું વિકેન્દ્રીકરણ

Also Read

પંચમહાલ: શહેરાના બાહી ગામમાં દીપડાની એન્ટ્રીથી ખેડૂતોમાં ભારે ફફડાટ | Breaking Panchmahal Leopard Spotted In Fields Of Bahi Village Shehra Farmers In Panic

મહેસૂલ વિભાગના ઠરાવ મુજબ, અત્યાર સુધી જમીન દફતર ખાતાની જિલ્લા કક્ષાની કામગીરી માટે સામાન્ય જનતાએ જિલ્લા મથકોએ જવું પડતું હતું. પ્રજાને તેમના રહેઠાણની નજીક જ તાલુકા કક્ષાએથી ઝડપી અને ત્વરિત સેવાઓ મળી રહે તે હેતુથી આ મહત્ત્વનો નિર્ણય લેવાયો છે. 

Also Read

મુંબઈમાં ISI અને અંડરવર્લ્ડના આતંકી મોડ્યુલનો પર્દાફાશ: દાઉદના ઘર પાસે જ બની રહી હતી ‘જીહાદી બ્રિગેડ’ | mumbai isi underworld terror module busted dawood aide linked

હવે તાલુકા કક્ષાએ જ મળશે સેવાઓ

સરકારની સક્રિય વિચારણાના અંતે, આ સંવર્ગની કુલ 138 જગ્યાઓને વિકેન્દ્રીકૃત કરી તાલુકા કક્ષાએ કાર્યરત કરવાની મંજૂરી આપવામાં આવી છે. અગાઉના એક ઠરાવ અન્વયે ‘જિલ્લા નિરીક્ષક જમીન દફતર, વર્ગ-2’ (DILR)ના નામાભિધાનમાં સુધારો કરીને તેને ‘જમીન દફતર નિરીક્ષક, વર્ગ-2’ (Inspector of Land Records) કરવામાં આવ્યું છે.

આ ઉપરાંત જમીન દફતર ખાતાના સેટલમેન્ટ કમિશનર અને જમીન દફતર નિયામક ગાંધીનગરની કચેરી હેઠળની જમીન દફતર નિરીક્ષક, વર્ગ-2 સંવર્ગની નવી ઉભી કરેલ 177 જગ્યાઓને રાજ્ય કક્ષા/ઝોન કક્ષા/તાલુકા કક્ષાએ કાર્યરત કરવા બાબત પણ ઠરાવ કરવામાં આવ્યો છે.