ઈંધણની અછત વચ્ચે હાઈવે પર ગેરકાયદે બાયો ડીઝલનું ધૂમ વેચાણ, તંત્રએ આંખો મીચી લીધી! | Illegal Biodiesel Trade Booms on Gujarat Highways Amid Fuel Shortage Allegations

Gujarat Biodiesel Scam: મિડલ ઈસ્ટમાં યુદ્ધને પગલે ઈંધણની અછત સર્જાતા ડીઝલ-પેટ્રોલના ભાવ વધવાની સાથે ડીઝલનો પુરવઠો અપુરતો મળી રહ્યો છે. ત્યારે ગેરકાયદે બાયો ડીઝલનું વેચાણ કરતા તત્વો વધુ પ્રમાણમાં સક્રિય થયા છે. અમદાવાદ અને સુરતથી સૌરાષ્ટ્ર-કચ્છ તરફ જતી ખાનગી લક્ઝરી બસ અને ટ્રક ચાલકોએ પણ ડીઝલનો ભાવ વધતા હવે બાયો ડીઝલનો ઉપયોગ વધારી દીધો છે. સૌથી નવાઈની વાત એ છે કે હાઈવે પર સ્થાનિક પોલીસ અને પુરવઠા વિભાગના અધિકારીઓ દ્વારા બાયો ડીઝલના ગેરકાયદે વેચાણની ખુલ્લી છુટ આપવામાં આવી છે.

ખનીજ માફિયાઓ હવે બાયો ડીઝલના કારોબારમાં જોડાયા

Also Read

ભાવનગર રેલવે ટર્મિનસથી મુસાફર ટ્રેનો મોડી ઉપડતા યાત્રિકો અટવાયા | Passenger trains from Bhavnagar Railway Terminus depart late passengers stranded

ઈરાન-અમેરિકાના યુદ્ધને ભારતમાં ઈંધણના ભાવમાં સતત વધારો થઇ રહ્યો છે અને પેટ્રોલ પંપ પર ડીઝલનો જથ્થો મર્યાદિત આવી રહ્યો છે. ત્યારે ગુજરાતમાં ટ્રાન્સપોર્ટના સંચાલકોએ તેમના ટ્રકમાં ડીઝલના બદલે બાયો ડીઝલનો વપરાશ શરૂ કરી દીધો છે. વાત માત્ર ટ્રાન્સપોર્ટ સંચાલકોની સાથે સૌરાષ્ટ્ર અને કચ્છમાં જતી મોટાભઆગની ટ્રાવેલ્સ બસના સંચાલકોએ પણ હવે બાયો ડીઝલ તરફ વળ્યા છે.

Also Read

ત્રણ વાગ્યા બાદ મંદીનું વાવાઝોડું, સેન્સેક્સમાં 1092 પોઈન્ટનું ગાબડું | A storm of recession after 3 pm Sensex crash by 1092 points

સૌરાષ્ટ્ર અને કચ્છમાં એક સમયે ખુબ મોટાપ્રમાણમાં બાયો ડીઝલના ગેરકાયદે પંપ શરૂ થયા હતા. ત્યારબાદ દરોડાની કાર્યવાહી થતા બાયો ડીઝલના માફિયાઓનું નેટવર્ક કાબુમાં આવ્યું હતું. પરંતુ ડીઝલમાં ભાવ વધારો અને અછતનો ફાયદો લઈને જુના તત્વો ફરીથી સક્રિય થઈ ગયા છે. જેમાં હવે હાઈવે પર હોટલ પર નહીં પણ કોઈ ખેતરમાં પ્લોટ રાખીને બાયો ડીઝલનો કારોબાર કરવામાં આવી રહ્યો છે. અમદાવાદથી પોરબંદર મોટાભાગની ટ્રાવેલ્સ ગોંડલ, જેતપુર વચ્ચે આવેલા બાર્યો ડીઝલના પંપ પર જઈને ટાંકી ફુલ કરાવે છે. જ્યારે જામનગર રૂટમાં ધ્રોલ બાદ કેટલાંક સ્થળોએ બાયો ડીઝલ પંપ ખાનગીમાં શરૂ થઈ ગયા છે. જૂનાગઢ, કચ્છ જતા ધ્રાંગધ્રા બાદ કેટલાંક સ્થળોએ બાયો ડીઝલનું નેટવર્ક સક્રિય થયું છે. જ્યારે અમદાવાદ રાજકોટ હાઇવે પર કેટલાંક ખનીજ માફિયાઓ હવે બાયો ડીઝલના કારોબારમાં જોડાયા છે.

એક ટ્રાન્સપોર્ટના સંચાલકના જણાવ્યાનુસાર, બાયો ડીઝલનો ભાવ સામાન્ય ડીઝલ કરતા 20થી 25 રૂપિયા ઓછો છે અને એવરેજ નથી તુટતી. જ્યારે બીએસ 6 પહેલાના વાહનોમાં બાયોડીઝલના ઉપયોગથી એન્જીન પર મોટું નુકશાન નથી. જેથી હવે અમે 80 ટકા બાયો ડીઝલ અને 20 ટકા ડીઝલનો ઉપયોગ કરીએ છીએ. જ્યારે લક્ઝરી બસના સંચાલકો કહે છે. 

લક્ઝરી બસના ભાડા પહેલાથી સામાન્ય કરતા વધારે છે તો પણ ખાસ નફો નથી મળતો. ઉપયોગ કરતા હવે જેથી અમે પહેલાથી ડીઝલની છે. કેટલાંક બાયોડીઝલના કારોબારમાં ખુદ પોલીસ અધિકારીઓ અને રાજકારણીઓએ પણ નાણાં રોક્યા હોવાની સાથે પુરવઠા વિભાગ તેમજ પોલ્યુશન કંટ્રોલ બોર્ડની હપતાખોરી વધારી દેવામાં આવી છે. જેથી ડીઝલની અછત અને ભાવ વધારાને કારણે બાયો ડીઝલનો કાળો ધંધો બેરોકટોક વધી ગયો છે.