રાજકોટમાં નેહલ શુક્લ અને વડોદરામાં ગીતા મકવાણા મેયર: સુરતમાં છેલ્લી ઘડીએ કોકડું ગૂંચવાયું | Gujarat Civic Bodies Get New Faces as Rajkot and Vadodara Appoint Mayors

Municipal Corporation Mayor: ગુજરાતની મહાનગરપાલિકાઓમાં નવા હોદ્દેદારોની વરણીની પ્રક્રિયા શરૂ કરી દેવામાં આવી છે. ત્યારે વડોદરા અને રાજકોટ મહાનગરપાલિકાના મેયર, ડેપ્યુટી મેયર અને સ્ટેન્ડિંગ કમિટીના ચેરમેન સહિતના મહત્ત્વના પદાધિકારીઓના નામોની જાહેરાત કરી દેવામાં આવી છે. આ સાથે જ વલસાડ-વાપી, સુરેન્દ્રનગર, ભાવનગર અને આણંદ મહાનગરપાલિકાઓમાં પણ નવા હોદ્દેદારોના નામો જાહેર કરવામાં આવ્યા છે. બીજી તરફ, સુરત મહાનગરપાલિકાના નવા પદાધિકારીઓના નામ જાહેર કરવામાં કોકડું ગૂંચવાયું છે, હજુ સુધી નામ ન જાહેર થતાં કોર્પોરેટરોને સભા ગૃહમાં મોકલવામાં આવ્યા છે.

સુરત મનપામાં પદાધિકારીઓની વરણીમાં ભારે ખેંચતાણ

Also Read

ગુજરાતના 12 જિલ્લામાં 4 દિવસ વરસાદ અને વાવાઝોડું: 40થી 50 કિમી પ્રતિકલાકે પવન ફૂંકાશે | gujarat weather alert rain storm prediction may june 2026

સુરત મહાનગરપાલિકાના નવા પદાધિકારીઓની નિમણૂકને લઈને ભાજપ સંગઠનમાં અંતિમ ક્ષણ સુધી ખેંચતાણ જોવા મળી હતી. શિસ્તબદ્ધ અને સમયપાલન માટે ઓળખાતી વિશ્વની સૌથી મોટી રાજકીય પાર્ટી ગણાતી ભાજપમાં આ વખતે નિર્ણયો લેવામાં થયેલા વિલંબને કારણે રાજકીય વર્તુળોમાં ભારે ચર્ચાઓ જાગી છે.  એવી ચર્ચા શરૂ થઈ છે કે, કોંગ્રેસીઓની ભરતી કરતાં-કરતાં ભાજપે હવે નિર્ણય પ્રક્રિયામાં પણ કોંગ્રેસી કલ્ચર અપનાવી લીધું છે.

Also Read

રેકોર્ડ નહીં IPLની ટ્રોફી જીતવી છે…: 15 વર્ષનો વૈભવ સૂર્યવંશી સેન્ચુરી ચૂક્યો પણ લોકોના દિલ જીત્યા | ipl 2026 rr vs srh vaibhav suryavanshi 97 runs qualifier 2 gt

નક્કી થયેલા કાર્યક્રમ મુજબ પદાધિકારીઓના નામ સવારે 10 વાગ્યે જાહેર થવાના હતા. જોકે, આંતરિક વિખવાદ અને ખેંચતાણને કારણે સમયસર નામો નક્કી થઈ શક્યા નહોતા. આશ્ચર્યની બાબત એ રહી કે બપોરે 12 વાગ્યે મહાનગરપાલિકાની સામાન્ય સભા શરૂ થઈ ગઈ, છતાં તેના એક કલાક બાદ સુધી પણ કયા હોદ્દેદારોના નામ પર મહોર વાગી છે તેની સત્તાવાર જાહેરાત કરી શકાઈ નહોતી. સામાન્ય સભા ચાલુ હોય અને મુખ્ય હોદ્દેદારોના નામ જ નક્કી ન હોય તેવી સ્થિતિ ભાજપ માટે અત્યંત અસામાન્ય ગણાઈ રહી છે.

રાજકોટમાં મેયર સહિતના પદાધિકારીઓના નામ જાહેર

રાજકોટ મહાનગરપાલિકા (RMC)ના નવા પદાધિકારીઓના નામ આખરે જાહેર થઈ ચુક્યા છે. 

•મેયર: નેહલ શુક્લ

•ડેપ્યુટી મેયર: દક્ષાબેન વસાણી

•સ્ટેન્ડિંગ કમિટી ચેરમેન: પરેશ પીપળિયા

વડોદરાના નવા મેયર ગીતાબહેન મકવાણા બન્યા

વડોદરા મહાનગરપાલિકામાં પણ ભાજપે સામાજિક સમીકરણો અને સંગઠનની પકડ મજબૂત રાખતા નવા નામો પર મહોર મારી દીધી છે. વડોદરામાં આ વખતે મહિલા ચહેરાને મેયર પદની જવાબદારી સોંપાઈ છે.

•મેયર: ગીતાબહેન મકવાણા

•ડેપ્યુટી મેયર: આદિત્ય પટેલ

•સ્ટેન્ડિંગ કમિટી ચેરમેન: વર્ષાબહેન વ્યાસ

•દંડક: વિજય ચૌહાણ

ભાવનગર મનપાના નવા પદાધિકારીઓ જાહેર

•મેયર: ઉષાબહેન તલરેજા

•ડેપ્યુટી મેયર: અશોક બારૈયા

•સ્ટેન્ડિંગ કમિટીના ચેરમેન: કિશન મહેતા

•શાસક પક્ષના નેતા: લાલભા મનુભા વાળા

•દંડક: દીપા માંગુકિયા

સુરેન્દ્રનગર મહાનગરપાલિકાના પદાધિકારીઓ જાહેર

•મેયર: રાકેશ રાઠોડ

•ડેપ્યુટી મેયર: સ્મિતાબહેન રાવલ

•સ્ટેન્ડિંગ કમિટીના ચેરમેન: નીખિલ ચાંપાનેરી

•દંડક: સ્વાતિબહેન માંડલિયા

•શાસક પક્ષના નેતા: પિન્ટુબહેન અસાણિયા

આણંદ-કરમસદ મહાનગરપાલિકાના નવા પદાધિકારીઓના નામ જાહેર 

•મેયર: દિપીકાબહેન પટેલ

•ડેપ્યુટી મેયર: કમલેશ ડાભી 

•સ્ટેન્ડિંગ કમિટીના ચેરમેન: મયુર સુથાર