ફીફા વર્લ્ડ કપ 2026: અલ્જીરિયાને 3-0થી કચડી આર્જેન્ટિનાએ તોડ્યો 44 વર્ષ જૂનો સિલસિલો | lionel messi creates history fifa world cup 2026 200 international matches

Messi Makes History: આર્જેન્ટિનાના સુપરસ્ટાર ફૂટબોલર લિયોનેલ મેસ્સીએ ફીફા વર્લ્ડ કપ 2026માં પગ મૂકતાની સાથે જ એક નવો ઇતિહાસ રચી દીધો છે. ગ્રુપ Jના પોતાના પ્રથમ મુકાબલામાં આર્જેન્ટિનાએ અલ્જીરિયાને 3-0થી કારમો પરાજય આપીને પોતાના ખિતાબ બચાવવાના અભિયાનની શાનદાર શરૂઆત કરી છે. આ ધમાકેદાર જીતના એકમાત્ર મહાનાયક કેપ્ટન લિયોનેલ મેસ્સી રહ્યા હતા, જેમણે પોતાની 200મી આંતરરાષ્ટ્રીય મેચ અને રેકોર્ડ 6ઠ્ઠા વર્લ્ડ કપમાં અદ્ભુત હેટ્રિક ફટકારીને વર્લ્ડ રેકોર્ડ્સની ઝડી લગાવી દીધી છે.

કેનસસ સિટીના એરોહેડ સ્ટેડિયમ ખાતે 69,045 દર્શકોની હાજરીમાં રમાયેલા આ મેચમાં 38 વર્ષીય સુપરસ્ટારે એવું જાદુઈ પ્રદર્શન કર્યું, જેને ફૂટબોલ પ્રેમીઓ લાંબા સમય સુધી યાદ રાખશે.

Also Read

બ્રાઝિલના ફેન્સને મોટો ઝટકો: નેયમાર ઈજાને કારણે ફીફા વર્લ્ડ કપના સમગ્ર ગ્રૂપ સ્ટેજમાંથી થઈ શકે છે બહાર | Brazil neymar junior injury update fifa world cup 2026 group stage miss

શરૂઆતમાં અલ્જીરિયાની કડક ટક્કર અને VARનો ડ્રામા

Also Read

‘કોકરોચ’ બાદ ચીફ જસ્ટિસની વધુ એક ટિપ્પણીથી વિવાદ, સુનાવણીમાં કહ્યું- ‘તમે પરજીવી છો…’ | you guys are parasites says cji surya kant while dismissing plea after cockroach controversy

મેચની શરૂઆત વિશ્વ ચેમ્પિયન આર્જેન્ટિના માટે સરળ રહી નહોતી. મેચની 5મી મિનિટે જ મેસ્સીએ બોલને ગોલપોસ્ટમાં પહોંચાડી દીધો હતો, પરંતુ બિલ્ડ-અપ દરમિયાન ઑફસાઇડ હોવાને કારણે રેફરીએ ગોલ રદ કર્યો હતો. તેના થોડા જ સમય બાદ અલ્જીરિયાના ફાર્સ ચાબીએ પણ ગોલ કરીને ઉજવણી શરૂ કરી દીધી હતી, પરંતુ અહીં પણ VAR (વીડિયો આસિસ્ટન્ટ રેફરી)એ તેને ઑફસાઇડ જાહેર કરતા ગોલ અમાન્ય રહ્યો હતો. શરૂઆતની 15 મિનિટ સુધી અલ્જીરિયાએ વિશ્વ ચેમ્પિયન ટીમને ખુલ્લો પડકાર આપ્યો હતો અને બોલ પર સારું નિયંત્રણ જાળવી રાખ્યું હતું, પરંતુ ત્યારબાદ મેસ્સીનો અસલી ક્લાસ જોવા મળ્યો હતો.

બરાબર 20 વર્ષ બાદ, એ જ તારીખે ફરી મેસ્સીનો કમાલ

મેચની 17મી મિનિટે રોડ્રિગો ડી પોલે એક શાનદાર થ્રૂ-બોલ પાસ આપ્યો. મેસ્સીએ ડિફેન્ડરોના ભારે દબાણ વચ્ચે પણ બોલ પર અદભૂત નિયંત્રણ મેળવીને તેને ટોપ કોર્નરમાં ધકેલી દીધો, જેનો અલ્જીરિયાના ગોલકીપર લુકા જિદાન પાસે કોઈ જવાબ નહોતો.

આ ગોલ અનેક રીતે ખાસ હતો. બરાબર 20 વર્ષ પહેલાં, 16 જૂન 2006ના રોજ મેસ્સીએ સર્બિયા અને મોન્ટેનેગ્રો સામે પોતાનો પ્રથમ વર્લ્ડ કપ ગોલ કર્યો હતો અને હવે 16 જૂન 2026ના રોજ જ તેમણે ફરી એક ઐતિહાસિક અધ્યાય લખી દીધો. આ સાથે જ મેસ્સી પુરુષ ફૂટબોલમાં 5 અલગ-અલગ વર્લ્ડ કપમાં ગોલ કરનાર વિશ્વના માત્ર બીજા ખેલાડી બન્યા છે. તેમના પહેલાં આ સિદ્ધિ માત્ર પોર્ટુગલના ક્રિસ્ટિયાનો રોનાલ્ડોના નામે હતી.

આ રીતે પૂર્ણ થઈ વિશ્વકપની પ્રથમ હેટ્રિક

પ્રથમ ગોલ બાદ આર્જેન્ટિનાએ મેચ પર પોતાની પકડ મજબૂત કરી લીધી હતી. અલ્જીરિયાએ હાર ન માની અને ગોલ કરવા માટે 7 પ્રયાસો કર્યા, પરંતુ તેમનો એક પણ શોટ ટાર્ગેટ પર જઈ શક્યો નહીં.

• બીજો ગોલ (60મી મિનિટ): એલેકસિસ મેક એલિસ્ટરના એક જોરદાર શોટને અલ્જીરિયાના ગોલકીપર સંપૂર્ણપણે રોકી શક્યા નહીં અને બોલ તેમના હાથમાંથી છટકી ગયો. નજીક જ ઉભેલા મેસ્સીએ રિબાઉન્ડ પર કોઈ ભૂલ કર્યા વગર ગોલ કરીને સ્કોર 2-0 કર્યો.

• ત્રીજો ગોલ (76મી મિનિટ): નિકોલાસ ગોન્ઝાલેઝે ઊંચા વિસ્તારમાં વિપક્ષી ડિફેન્સ પાસેથી બોલ ઝૂંટવીને મેસ્સીને પાસ આપ્યો. આર્જેન્ટિનાના કેપ્ટને પોતાના ફેવરિટ ડાબા પગથી જોરદાર શોટ ફટકારીને બોલને જાળમાં પહોંચાડ્યો અને પોતાની વર્લ્ડ કપ કારકિર્દીની પ્રથમ ઐતિહાસિક હેટ્રિક પૂર્ણ કરી.

આ મુકાબલામાં બનેલા મહારેકોર્ડ્સની ઝડી:

• 6 વર્લ્ડ કપ રમનાર પ્રથમ ખેલાડી: મેસ્સી દુનિયાના એવા પ્રથમ ફૂટબોલર બન્યા છે જે 6 અલગ-અલગ વર્લ્ડ કપ એડિશનમાં રમ્યા હોય. વર્ષ 2006થી અત્યાર સુધી તે દરેક વર્લ્ડ કપમાં ઓછામાં ઓછી એક મેચ ચોક્કસ રમ્યા છે.

• 200 આંતરરાષ્ટ્રીય મેચ: મેસ્સી દક્ષિણ અમેરિકાના પ્રથમ અને વિશ્વના માત્ર ત્રીજા એવા પુરુષ ખેલાડી બન્યા છે જેમણે 200 આંતરરાષ્ટ્રીય મેચ રમવાનો વિરાટ આંકડો પાર કર્યો હોય. (વર્ષ 2005માં આર્જેન્ટિના માટે ડેબ્યૂ કરનારા મેસીના નામે હવે 117 ગોલ છે).

• મિરોસ્લાવ ક્લોઝેની બરાબરી: આ હેટ્રિક સાથે મેસ્સીના વર્લ્ડ કપમાં કુલ 16 ગોલ થઈ ગયા છે. તેમણે જર્મનીના દિગ્ગજ સ્ટ્રાઇકર મિરોસ્લાવ ક્લોઝેના સર્વકાલીન સર્વાધિક વર્લ્ડ કપ ગોલના રેકોર્ડની બરાબરી કરી લીધી છે.

• સૌથી મોટી ઉંમરે હેટ્રિક: મેસ્સી વર્લ્ડ કપના ઇતિહાસમાં હેટ્રિક નોંધાવનારા સૌથી વધુ ઉંમરના (38 વર્ષ) ખેલાડી બની ગયા છે. આ બાબતમાં તેમણે ક્રિસ્ટિયાનો રોનાલ્ડોનો રેકોર્ડ પાછળ છોડી દીધો છે.

• પેલેનો રેકોર્ડ તૂટ્યો: વર્લ્ડ કપમાં હવે મેસ્સીના નામે 16 ગોલ અને 8 આસિસ્ટ સાથે કુલ 24 ગોલ કન્ટ્રીબ્યુશન (યોગદાન) થઈ ગયું છે. તેમણે બ્રાઝિલના મહાન ખેલાડી પેલેના 21 ગોલ યોગદાનના રેકોર્ડને તોડી નાખ્યો છે.

• બોક્સની બહારથી કમાલ: વર્લ્ડ કપમાં પેનલ્ટી બોક્સની બહારથી મેસ્સીના ગોલની સંખ્યા 5 થઈ ગઈ છે, જે છેલ્લા 6 દાયકામાં સંયુક્ત રીતે સૌથી વધુ છે.

• 911મું ગોલ યોગદાન: ક્લબ અને દેશને મિલાવીને મેસ્સીની શાનદાર કારકિર્દીનું આ 911મું ગોલ યોગદાન રહ્યું છે.

વિશ્વમાં સૌથી વધુ મેચ રમનારા ખેલાડીઓ:

ક્રમ ખેલાડીનું નામ          દેશ                કુલ આંતરરાષ્ટ્રીય મેચ        કુલ ગોલ

1 ક્રિસ્ટિયાનો રોનાલ્ડો પોર્ટુગલ         228                                 143

2 બદર અલ-મુતાવા કુવૈત                 202                                  *

3 લિયોનેલ મેસી         આર્જેન્ટિના         200                                 117

કુવૈતના બદર અલ-મુતાવાએ 4 સપ્ટેમ્બર 2003થી 14 જૂન 2022 દરમિયાન પોતાના દેશ માટે 202 મેચ રમી હતી, જ્યારે રોનાલ્ડો હજુ પણ સક્રિય છે.

આ પણ વાંચો: ક્રિકેટ ઇતિહાસનો સૌથી મોટો મહારોમાંચ: નેપાળ-નેધરલેન્ડ્સ મેચમાં સર્જાયો વર્લ્ડ રેકોર્ડ, એક-બે નહીં પણ 3-3 સુપર ઓવર રમાઈ!

આર્જેન્ટિનાએ પણ તોડ્યો 44 વર્ષ જૂનો નબળો સિલસિલો

આ જીત માત્ર મેસ્સીના રેકોર્ડ પૂરતી મર્યાદિત નહોતી, પરંતુ આર્જેન્ટિનાની ટીમ માટે પણ ઐતિહાસિક રહી. ત્રણ વખતની વિશ્વ ચેમ્પિયન આર્જેન્ટિનાએ તેના ઇતિહાસમાં પ્રથમ વખત ડિફેન્ડિંગ ચેમ્પિયન તરીકે (વિશ્વ વિજેતા બન્યા પછીના આગામી વર્લ્ડ કપની) પોતાની શરૂઆતની મેચ જીતી છે. આ પહેલાં વર્ષ 1982 અને 1990માં ચેમ્પિયન તરીકે ઉતર્યા બાદ આર્જેન્ટિનાને પોતાની પ્રથમ ઓપનિંગ મેચમાં હારનો સામનો કરવો પડ્યો હતો.

ગ્રુપ Jમાં આ શાનદાર જીત સાથે આર્જેન્ટિનાએ વિજયી આગાઝ કર્યો છે. હવે તેની નજર આગામી મુકાબલાઓમાં ઓસ્ટ્રિયા અને જોર્ડન સામે જીત મેળવીને નોકઆઉટ તબક્કા તરફ આગળ વધવા પર રહેશે. પરંતુ હાલ તો આખી દુનિયા માત્ર એક જ નામની ચર્ચા કરી રહી છે – લિયોનેલ મેસ્સી, જેમણે સાબિત કરી દીધું કે મહાન ખેલાડીઓ ઉંમરથી નહીં પણ પોતાના જાદુથી ઓળખાય છે.