Meta Suicide Alert Police : Instagram પર યુવકે લખ્યું ‘સુસાઇડ કરવા જઉં છું’, Metaએ પોલીસને આપ્યો અલર્ટ; 7 મિનિટમાં પહોંચીને બચાવ્યો જીવ

જેદપુરના અહમદપુર વિસ્તારનો રહેવાસી 20 વર્ષીય શબીર અલી રવિવારે સાંજે 6.23 વાગ્યે નજીકની કેનાલના કિનારે પહોંચ્યો હતો. ઘરમાં થયેલા વિવાદના કારણે તે ભારે માનસિક તણાવ અને ડિપ્રેશનમાં હતો. આ જ માનસિક સ્થિતિમાં તેણે કેનાલના કિનારે બેસીને એક વીડિયો બનાવ્યો અને ઇન્સ્ટાગ્રામ પર અપલોડ કર્યો, જેમાં તે આત્મહત્યા કરવા જઈ રહ્યો હોવાની વાત કહી રહ્યો હતો.

META અને પોલીસનું સુપરફાસ્ટ નેટવર્ક
સોશિયલ મીડિયા પર આ પ્રકારની સંવેદનશીલ પોસ્ટની સતત મોનિટરિંગ કરતી META કંપનીની આર્ટિફિશિયલ ઇન્ટેલિજન્સ સીસ્ટમમાં આ વીડિયો ડિટેક્ટ થયો હતો. કંપનીએ તરત જ યુપી પોલીસના ડિરેક્ટર જનરલ (DGP) મુખ્યાલય સ્થિત સોશિયલ મીડિયા સેન્ટરને એક ઇમરજન્સી ઈ-મેઈલ એલર્ટ મોકલ્યો.

પોલીસ મહાનિર્દેશકના નિર્દેશ પર હેડક્વાર્ટરના સોશિયલ મીડિયા સેન્ટરે આ એલર્ટને ગંભીરતાથી લીધું અને યુવકના મોબાઈલ નંબરના આધારે તરત જ તેનું રીઅલ-ટાઈમ લોકેશન ટ્રેસ કર્યું. આ લોકેશન તુરંત સ્થાનિક મસૌલી પોલીસ સ્ટેશનને ટ્રાન્સફર કરવામાં આવ્યું હતું.

Also Read

Road Safety : રોડ સેફ્ટીમાં મોટો ફેરફાર! 1 ઓક્ટોબર 2028થી વાહનોમાં V2V બ્રેકિંગ સિસ્ટમ ફરજિયાત, ખતરો જણાતાં આપમેળે લાગશે બ્રેક

7 મિનિટમાં કેનાલ કિનારે પહોંચી પોલીસ
મેસેજ મળતાની સાથે જ મસૌલી પોલીસ સ્ટેશનના સબ-ઇન્સ્પેક્ટર રાશિદ અને હેડ કોન્સ્ટેબલ વીરેન્દ્ર યાદવ દોડતા થયા હતા અને લોકેશનના આધારે માત્ર 7 જ મિનિટમાં કેનાલના કિનારે પહોંચી ગયા હતા.

Also Read

Hardik Pandya : હાર્દિક પંડ્યાને ટીમમાં લેવા માટે IPLની 5 ફ્રેન્ચાઇઝી તૈયાર! કયા ખેલાડીઓને છોડીને થશે મોટો ટ્રેડ, જાણો સંપૂર્ણ ગણિત

સબ-ઇન્સ્પેક્ટરે જણાવ્યું કે, જ્યારે તેઓ પહોંચ્યા ત્યારે યુવક કેનાલના કિનારે બેસીને રડી રહ્યો હતો અને ભારે માનસિક આઘાતમાં હતો. પોલીસે તેને તુરંત જ કેનાલથી દૂર ખસેડ્યો હતો અને તેને શાંત પાડીને તેને સમયસર કાઉન્સિલિંગ આપ્યું હતું.