Bhoot Bangla box office collection 100 crore : અક્ષય કુમારની હોરર-કોમેડી ફિલ્મ ‘ભૂત બંગલા’ બોક્સ ઓફિસ પર ધૂમ મચાવી રહી છે. શુક્રવારે ફિલ્મની રિલીઝના બીજા અઠવાડિયાની શરૂઆત થતાની સાથે જ તેણે 100 કરોડના ક્લબમાં એન્ટ્રી કરી લીધી છે. અક્ષય કુમાર માટે આ સદી ખાસ છે કારણ કે તેની કોઈપણ ફ્રેન્ચાઈઝી (જેમ કે હાઉસફુલ કે ભૂલ ભુલૈયા) સિવાયની આ પહેલી સોલો ફિલ્મ છે જેણે આટલી ઝડપથી 100 કરોડની કમાણી કરી છે.
બોક્સ ઓફિસ કલેક્શનની રફ્તાર
‘ભૂત બંગલા’એ રિલીઝના પહેલા દિવસથી જ મજબૂત પકડ જાળવી રાખી હતી. ફિલ્મે તેના પ્રથમ સપ્તાહમાં (7 દિવસમાં) કુલ ₹96 કરોડનું ચોખ્ખું કલેક્શન કર્યું હતું. આઠમા દિવસે એટલે કે બીજા શુક્રવારે ફિલ્મના કલેક્શનમાં વધુ ઉછાળો જોવા મળ્યો હતો. ટ્રેડ રિપોર્ટ્સ અનુસાર, આઠમા દિવસે ફિલ્મે અંદાજે ₹6 થી ₹7 કરોડની કમાણી કરી છે. આ સાથે જ ફિલ્મનું કુલ નેટ કલેક્શન ₹102 કરોડને પાર કરી ગયું છે.
સલમાન ખાનનો વર્ષો જૂનો રેકોર્ડ ધરાશાયી
આ ફિલ્મની સફળતા સાથે અક્ષય કુમારે એક નવો કીર્તિમાન સ્થાપિત કર્યો છે. અત્યાર સુધી બોલિવૂડમાં 100 કરોડની સૌથી વધુ ફિલ્મો આપવાની રેસમાં અક્ષય કુમાર અને સલમાન ખાન બંને 18-18 ફિલ્મો સાથે બરાબરી પર હતા. (નોંધનીય છે કે ‘OMG 2’ માં અક્ષયનો વિસ્તૃત કેમિયો હોવાથી તેને ગણતરીમાં લેવામાં આવતી નહોતી).
પરંતુ ‘ભૂત બંગલા’ હવે અક્ષય કુમારની 19મી એવી ફિલ્મ બની ગઈ છે જેણે 100 કરોડનો આંકડો પાર કર્યો હોય. આ સાથે જ અક્ષયે સલમાન ખાનને પાછળ છોડીને બોલિવૂડના ઈતિહાસમાં સૌથી વધુ 100 કરોડની ફિલ્મો આપનાર અભિનેતાનો તાજ પોતાના નામે કર્યો છે.
Follow Us On Google News
Follow Us On WhatsApp
Follow Us On facebook
Leave a Comment