ગુજરાત કે બેંગલુરુ, વરસાદ પડશે તો કોને થશે ફાયદો? જાણો IPL પ્લેઓફના નિયમો | IPL 2026 Playoff Rain Rules: Who Wins If Matches Get Washed Out

IPL 2026 Playoff Rain Rules : આઈપીએલ 2026ની પ્લેઓફ મેચોની શરૂઆત થવા જઈ રહી છે, જેમાં રોયલ ચેલેન્જર્સ બેંગલુરુ (RCB), ગુજરાત ટાઈટન્સ (GT), સનરાઈઝર્સ હૈદરાબાદ (SRH) અને રાજસ્થાન રોયલ્સ (RR) એ ક્વોલિફાય કર્યું છે. પરંતુ ક્રિકેટ રસિકો માટે ચિંતાના સમાચાર એ છે કે મંગળવાર, 26 મેના રોજ ધર્મશાલાના હિમાચલ પ્રદેશ ક્રિકેટ એસોસિએશન સ્ટેડિયમમાં રમાનારા ક્વોલિફાયર-1 (RCB vs GT) મેચ દરમિયાન વરસાદ પડવાની સંભાવના છે. આવી સ્થિતિમાં પ્લેઓફ અને ફાઈનલ મેચો માટે વરસાદના નિયમો શું છે અને કઈ મેચ માટે રિઝર્વ ડે રાખવામાં આવ્યો છે? જાણીએ તેની સંપૂર્ણ વિગતો…

ક્વોલિફાયર-1: RCB vs GT (26 મે, ધર્મશાલા)

Also Read

IPLમાંથી બહાર થયા બાદ ભાવુક થયા 27 કરોડના કેપ્ટન ઋષભ પંત : ઈમોશનલ સ્પીચ વાયરલ | LSG Captain Rishabh Pant Emotional Speech Video Viral After Poor IPL Season And Huge 27cr Price

આ મેચ માટે કોઈ રિઝર્વ ડે રાખવામાં આવ્યો નથી. જો મંગળવારે વરસાદના કારણે મેચ રદ્દ થાય છે, તો નિયમ મુજબ પોઈન્ટ ટેબલમાં ઉપર રહેલી ટીમ વિજેતા બનશે. એટલે કે રોયલ ચેલેન્જર્સ બેંગલુરુ (RCB) સીધી ફાઈનલમાં પહોંચી જશે અને ગુજરાત ટાઈટન્સ (GT)ને ક્વોલિફાયર-2 રમવું પડશે.

Also Read

ગડકરીએ સ્ટવ લોન્ચ કર્યો, કહ્યું, ‘ઈથેનોલ અને પાણીથી પણ ચાલશે, LPGથી પણ સસ્તુ’ | Nitin Gadkari Launches Indigenous Ethanol Based Cooking Stove Technology in Nagpur

એલિમિનેટર મેચ : SRH vs RR (27 મે, મુલ્લાંપુર – ન્યૂ ચંદીગઢ)

આ મેચ માટે પણ કોઈ રિઝર્વ ડે નથી. જો સનરાઈઝર્સ હૈદરાબાદ અને રાજસ્થાન રોયલ્સ વચ્ચેની આ મેચ વરસાદમાં ધોવાઈ જાય, તો પોઈન્ટ ટેબલમાં ત્રીજા સ્થાને રહેલી હૈદરાબાદની ટીમ ક્વોલિફાયર-2માં પહોંચશે અને ચોથા સ્થાને રહેલી રાજસ્થાન રોયલ્સ (RR)ની સફર અહીં જ પૂરી થઈ જશે.

ક્વોલિફાયર-2: (29 મે, મુલ્લાંપુર)

ક્વોલિફાયર-1ની હારેલી ટીમ અને એલિમિનેટરની વિજેતા ટીમ વચ્ચે શુક્રવાર, 29 મેના રોજ આ મેચ રમાશે. આ મહત્વની મેચ માટે પણ કોઈ રિઝર્વ ડે રાખવામાં આવ્યો નથી. જો આ મેચ વરસાદના કારણે રદ્દ થાય, તો ક્વોલિફાયર-1 રમીને આવેલી ટીમને ફાયદો થશે અને તે ફાઈનલમાં પહોંચશે.

આ પણ વાંચો : IPL-2026 પ્લેઓફનું ચિત્ર સાફ : રાજસ્થાન ચોથી ટીમ બની, મુંબઈ હારતા વધુ બે ટીમો બહાર

IPL 2026 ફાઈનલ : (31 મે, અમદાવાદ)

અમદાવાદના નરેન્દ્ર મોદી ક્રિકેટ સ્ટેડિયમમાં 31 મેના રોજ રમાનારા ફાઈનલ મુકાબલા માટે સ્પષ્ટપણે રિઝર્વ ડે રાખવામાં આવ્યો છે. જો 31 મેના રોજ વરસાદના કારણે ફાઈનલ મેચ પૂરી ન થઈ શકે, તો બાકીની રમત આગલા દિવસે એટલે કે 1 જૂનના રોજ રિઝર્વ ડે પર રમાડવામાં આવશે.

આમ IPL પ્લેઓફમાં વરસાદ પડશે તો સૌથી વધુ રાજસ્થાનને નુકસાન થઈ શકે છે. એટલે કે ટીમ સીધી બહાર ફેકાઈ શકે છે, જ્યારે ગુજરાત માટે રાહતની વાત એ છે કે, જો ક્વોલિફાયર-1માં વરસાદ પડશે તો તે સીધી ક્વોલિફાયર-2માં આવી જશે. અને જો ક્વોલિફાયર-2માં પણ વરસાદ પડે તો ગુજરાત સીધી ફાઈનલમાં આવી જશે.

આ પણ વાંચો : IPLના ઈતિહાસમાં રોહિત શર્માના નામે નોંધાયો શરમજનક રેકોર્ડ, મેક્સવેલના રેકોર્ડની બરાબરી કરી