‘T20માં પહેલી બેવડી સદી ફટકારીશ…’ ભારતના વિસ્ફોટક બેટ્સમેનની જાહેરાતથી બોલરોમાં ફફડાટ | Indian Batsman Vaibhav Suryavanshi Aims For First T20 Double Century Breaks Chris Gayle IPL Record

Vaibhav Suryavanshi : ભારતના વિસ્ફોટક બેટ્સમેન વૈભવ સૂર્યવંશીએ જાહેરાત કરી છે કે, ‘હું T20 ક્રિકેટમાં ઇતિહાસની પહેલી બેવડી સદી (Double Century) ફટકારીશ.’ આ જાહેરાતથી વિરોધી ટીમના બોલરોમાં ફફડાટ ફેલાઈ ગયો છે. T20 ક્રિકેટના ઇતિહાસમાં આજ સુધી દુનિયાનો કોઈ પણ બેટ્સમેન બેવડી સદી ફટકારી શક્યો નથી. T20 ક્રિકેટના ઇતિહાસમાં સૌથી મોટી વ્યક્તિગત ઇનિંગ રમવાનો વર્લ્ડ રેકોર્ડ વેસ્ટ ઈન્ડિઝના પૂર્વ બેટ્સમેન ક્રિસ ગેલના નામે નોંધાયેલો છે. ક્રિસ ગેલે 23 એપ્રિલ 2013ના રોજ પુણે વોરિયર્સ ઇન્ડિયા (PWI) સામેની આઈપીએલ (IPL) મેચમાં 175 રનની વર્લ્ડ રેકોર્ડ ઇનિંગ રમી હતી. ત્યારબાદ અત્યાર સુધીમાં 13 વર્ષ વીતી ગયા છે, પરંતુ કોઈ પણ આઈપીએલમાં ક્રિસ ગેલના આ વર્લ્ડ રેકોર્ડને સ્પર્શી શક્યું નથી. પરંતુ ભારતનો એક એવો યુવા બેટ્સમેન છે, જે માત્ર ક્રિસ ગેલનો આ રેકોર્ડ તોડવાની જ નહીં પરંતુ T-20 ક્રિકેટમાં પહેલી બેવડી સદી ફટકારવાની ક્ષમતા પણ ધરાવે છે.

ભારતના આ યુવા બેટ્સમેને કરી જાહેરાત

Also Read

IPLના ઈતિહાસમાં સુનિલ નરેનના નામે ગજબનો રેકોર્ડ, વિસ્ફોટક બેટરો પણ તેની સામે ફેલ | Cricket History : Sunil Narine Unique IPL Record Batting Positions 1 To 11

ભારતના માત્ર 15 વર્ષના વિસ્ફોટક બેટ્સમેન વૈભવ સૂર્યવંશીએ જાહેરાત કરી છે કે, ‘હું T20 ક્રિકેટમાં પહેલી બેવડી સદી ફટકારીશ.’ ‘ધ સ્વિચ’ (The Switch) ના તાજેતરના એપિસોડમાં ઇંગ્લેન્ડના પૂર્વ ક્રિકેટર કેવિન પીટરસન સાથે વાતચીત કરતા વૈભવ સૂર્યવંશીએ કહ્યું હતું કે, ‘હું ઇતિહાસ રચવાની તૈયારી કરી રહ્યો છું.’

Also Read

આણંદ જિ.પં માં હાઈ વોલ્ટેજ ડ્રામા: BJP ઉમેદવારનું ફોર્મ રદ થયું છતાં બન્યાં પ્રમુખ! હાઈકોર્ટના આદેશે કોંગ્રેસના સપનાં રોળ્યા | Anand District Panchayat Twist: President Election in BJP Congress

વૈભવે પીટરસનના યુટ્યુબ શો પર આપ્યુ નિવેદન

વૈભવ સૂર્યવંશીએ કહ્યું કે, ‘હું T20 ક્રિકેટમાં 200 રન બનાવવા માંગુ છું.’ જ્યારે કેવિન પીટરસને તેને યાદ અપાવ્યું કે ‘ક્રિસ ગેલ 175 રન બનાવી ચૂક્યો છે.’ ત્યારે આ યુવા ખેલાડીએ પોતાના લક્ષ્ય પર વધુ ભાર મૂકતા કહ્યું, ‘હા, હું ક્રિસ ગેલનો રેકોર્ડ તોડીને T20 ક્રિકેટમાં પહેલી બેવડી સદી બનાવવા માંગુ છું. જો હું કોઈ પણ મેચમાં પૂરેપૂરી 20 ઓવર રમી જઈશ, તો હું ચોક્કસપણે આ રેકોર્ડ તોડી નાખીશ.’

બોલરોમાં ફેલાવી દીધી દહેશત

ડાબોડી વિસ્ફોટક બેટ્સમેન વૈભવ સૂર્યવંશીમાં T20 ક્રિકેટમાં બેવડી સદી ફટકારવાની ક્ષમતા છે. બેટિંગની સાથે તે લેફ્ટ આર્મ સ્પિન બોલિંગ પણ કરે છે. વૈભવ ક્રિઝ પર આવતાની સાથે જ દુનિયાના મોટામાં મોટા બોલરોની લાઈન-લેન્થ બગાડી નાખે છે. વૈભવે 25 એપ્રિલ 2026ના રોજ સનરાઇઝર્સ હૈદરાબાદ (SRH) સામેની IPL મેચમાં માત્ર 36 બોલમાં સદી ફટકારી દીધી હતી. આ પહેલા આ જ ડાબોડી બેટ્સમેને 28 એપ્રિલ 2025ના રોજ ગુજરાત ટાઇટન્સ (GT) સામે માત્ર 35 બોલમાં સદી ફટકારી હતી. વૈભવ સૂર્યવંશીએ 21 IPL મેચોમાં 39.96ની એવરેજ અને 223.87ના આક્રમક સ્ટ્રાઈક રેટથી 835 રન બનાવ્યા છે, જેમાં 2 સદી અને 4 અર્ધસદી સામેલ છે. IPLમાં વૈભવનો હાઈએસ્ટ સ્કોર 103 રન રહ્યો છે, અને તેણે આઈપીએલમાં 77 સિક્સર પણ ફટકારી છે.

બિહારના સમસ્તીપુર જિલ્લાના તાજપુર ગામમાં જન્મ

વૈભવ સૂર્યવંશીએ 25 યૂથ ODI (Youth ODI) મેચોમાં 56.48ની એવરેજ અને 5.72ના સ્ટ્રાઈક રેટથી 1412 રન બનાવ્યા છે, જેમાં 4 સદી અને 7  અર્ધસદી સામેલ છે. યૂથ વનડેમાં વૈભવનો હાઈએસ્ટ સ્કોર 175 રન રહ્યો છે, અને આ ફોર્મેટમાં તેણે 110 સિક્સર ફટકારી છે. માત્ર 15 વર્ષની ઉંમરે વૈભવ સૂર્યવંશી ટીમ ઈન્ડિયામાં ડેબ્યૂ કરવાનો પ્રબળ દાવેદાર બની ગયો છે. વૈભવ સૂર્યવંશીનો જન્મ 27 માર્ચ 2011ના રોજ ભારતની ઐતિહાસિક વર્લ્ડ કપ જીતના થોડા દિવસો પહેલા જ બિહારના સમસ્તીપુર જિલ્લાના તાજપુર ગામમાં થયો હતો. તે ડોમેસ્ટિક ક્રિકેટમાં બિહાર તરફથી રમે છે.

વૈભવે વર્ષ 2024માં માત્ર 12 વર્ષની નાની ઉંમરે રણજી ટ્રોફીમાં બિહાર માટે ફર્સ્ટ ક્લાસ ડેબ્યૂ કરીને બધાને ચોંકાવી દીધા હતા. વૈભવના પિતા સંજીવ સૂર્યવંશી પણ એક ક્રિકેટર રહી ચૂક્યા છે. વૈભવ મહાન બેટ્સમેન બ્રાયન લારાને પોતાના આદર્શ માને છે અને તે સમય-સમય પર ભારતના પૂર્વ ઓપનર વસીમ જાફર પાસેથી પોતાના રમત અંગેની સલાહ લેતો રહે છે.