ગુજરાત ટાઇટન્સની ટીમે વૈભવની દુખતી નસ પકડી લીધી? આઉટ કરવા માટે બનાવ્યો સ્પેશિયલ પ્લાન | ipl 2026 qualifier 2 assistant coach parthiv patel warns gt will target vaibhav sooryavanshi

IPL 2026 Qualifier 2: ગુજરાત ટાઇટન્સના આસિસ્ટન્ટ કોચ પાર્થિવ પટેલે રાજસ્થાન રોયલ્સના આક્રમક ઓપનિંગ બેટ્સમેન વૈભવ સૂર્યવંશીના શાનદાર ફોર્મના વખાણ કર્યા છે. IPL 2026નો બીજો ક્વોલિફાયર મુકાબલો 29 મે શુક્રવારના રોજ ગુજરાત ટાઇટન્સ અને રાજસ્થાન રોયલ્સ વચ્ચે રમાશે. બંને ટીમો શાનદાર ફોર્મમાં છે અને ફેન્સને પૈસા વસૂલ મેચ જોવા મળી શકે છે. આ આગામી મુકાબલામાં એકવાર ફરી વૈભવ સૂર્યવંશીની બેટિંગ પર બધાની નજર રહેશે, જે આ સીઝનમાં સૌથી વધુ રન બનાવનાર બેટ્સમેન છે. આગામી મેચ પહેલા ગુજરાતના આસિસ્ટન્ટ કોચ પાર્થિવ પટેલે જણાવ્યું કે ગુજરાતની ટીમ વૈભવનો સામનો કરવા માટે કેટલીક વ્યૂહનીતિ બનાવી રહી છે.

…પ્લાન જ મેચનું પરિણામ નક્કી કરશે

Also Read

IPL 2026: સચિન તેંડુલકરના વખાણ પર 15 વર્ષના વૈભવ સૂર્યવંશીની પ્રતિક્રિયા, કહ્યું- “મને તો ખબર જ નહોતી, આ ગર્વની વાત છે” | Sachin Tendulkar praised Vaibhav Sooryavanshi and knows how he reacts

પાર્થિવ પટેલે કહ્યું છે કે, ગુજરાત ટાઇટન્સની ટીમે યુવા બેટ્સમેનના વીડિયો જોયા છે અને અન્ય ટીમની જેમ તેઓ પણ તેને મેચમાં ઝડપથી આઉટ કરવાનો પ્રયાસ કરશે. જો કે પાર્થિવ પટેલે પોતાની સચોટ વ્યૂહનીતિઓને ગુપ્ત રાખી હતી. તેમણે કહ્યું કે મેદાન પર આ પ્લાન કેટલા સારી રીતે લાગુ કરવામાં આવે છે, તે જ મેચનું પરિણામ નક્કી કરશે.

Also Read

Explainer: ‘ફળોના રાજા’ને ઝટકો, 20 વર્ષ બાદ ભારતીય કેરી પર જાપાનનો ફરી પ્રતિબંધ, નિકાસકારો સંકટમાં | Japan Imposes Total Ban On Indian Mango Imports After 20 Years Over Quarantine Issues

‘એક અસાધારણ પ્રતિભા’

પાર્થિવ પટેલે મેચની પૂર્વ સંધ્યાએ કહ્યું, ‘વૈભવ જે રીતે બેટિંગ કરી રહ્યો છે, તેનાથી હું ખૂબ પ્રભાવિત છું. આશા છે કે અમે મેચની શરૂઆતમાં જ તેને આઉટ કરવાનો પ્રયાસ કરીશું. જે રીતે બાકીની તમામ ટીમો વ્યૂહનીતિ બનાવી રહી છે, અમે પણ વીડિયો જોયા છે. આશા છે કે અમે અમારી યોજનાને મેદાન પર લાગુ કરવામાં સફળ રહીશું. પરંતુ તે પ્લાન શું છે, તે તો અમે મેદાન પર ઉતરીને જ જણાવી શકીશું. તે એક અસાધારણ પ્રતિભા રહ્યો છે અને જે અંદાજમાં રમી રહ્યો છે તે શાનદાર છે. પરંતુ વિરોધી ટીમ તરીકે અમે કાલે આશા રાખીએ છીએ કે તેનું બેટ ન ચાલે.’

‘અમારે એ બાબતે વિચારવાની જરૂર નથી કે..’

રોયલ્સ પાસે સૂર્યવંશી અને જોફ્રા આર્ચરના રૂપમાં ‘એક્સ ફેક્ટર’ છે જ્યારે ટાઇટન્સની ટીમ નિરંતરતા પર નિર્ભર કરે છે. પાર્થિવે કહ્યું, ‘જ્યાં સુધી અમને પરિણામ મળી રહ્યા છે ત્યાં સુધી અમારે એ બાબતે વિચારવાની જરૂર નથી કે અમારે એક્સ ફેક્ટર જોઈએ છે કે સાતત્ય. વાત બસ બધી વસ્તુઓને યોગ્ય જગ્યાએ લાવવાની અને પરિણામ મેળવવાની છે.’ ટાઇટન્સે 2022માં પોતાની ડેબ્યૂ સીઝનમાં જ IPL જીત્યું હતું અને ફ્રેન્ચાઇઝીના ઇતિહાસમાં માત્ર એક જ વાર પ્લેઓફમાં જગ્યા બનાવી શકી નથી.

આ પણ વાંચો: IPL 2026: સચિન તેંડુલકરના વખાણ પર 15 વર્ષના વૈભવ સૂર્યવંશીની પ્રતિક્રિયા, કહ્યું- “મને તો ખબર જ નહોતી, આ ગર્વની વાત છે”

તેમણે કહ્યું, ‘ગુજરાત ટાઇટન્સની શરૂઆતથી અત્યાર સુધી પાંચમાંથી ચાર વર્ષ અમે ક્વોલિફાય કર્યું છે. પરિણામ બધાની સામે છે. દરેકની રમવાની પોતાની અલગ રીત હોય છે. અમારે રમવાની પોતાની અલગ શૈલી છે. ટૂર્નામેન્ટના ફર્સ્ટ હાફમાં પણ અમે બહુ સારું ન હતા કરી રહ્યા. અમે બસ ઠીક-ઠાક રમી રહ્યા હતા. પરંતુ તેમ છતાં અમે અમારી પ્રક્રિયા પર ટકેલા રહ્યા. અમને અમારી ક્ષમતા પર ભરોસો છે. અમે જાણીએ છીએ કે અમે શું કરી શકીએ છીએ. અને આ જ તે વસ્તુ છે જેને અમે કાલે (શુક્રવારે) પણ કરવાનો પ્રયાસ કરીશું.’