અમદાવાદ: AMCના ડમ્પરે ગરમીથી બચવા રાહદારીઓ માટે બનાવાયેલો શેડ તોડ્યો, વાહનને નુકસાન, જાનહાની ટળી | AMC Dumper Crashes into Traffic Police Cooling Shed at Nirant Chokdi Ahmedabad

AMC Dumper Crashes into Traffic Police Cooling Shed: અમદાવાદ શહેરના નિરાંત ચોકડી વિસ્તારમાં આજે(28 મે) બપોરના સમયે એક અકસ્માત સર્જાયો હતો. આ ઘટનામાં AMC(અમદાવાદ મ્યુનિસિપલ કોર્પોરેશન)ના ડમ્પરના કારણે ટ્રાફિક પોલીસ દ્વારા બનાવવામાં આવેલો શેડ અચાનક ધરાશાયી થઈ ગયો હતો. આ શેડ ખાસ કરીને ઉનાળાની ગરમીમાં ટ્રાફિક પોલીસ કર્મચારીઓ અને રાહદારીઓને રાહત મળે તે હેતુથી બનાવવામાં આવ્યો હતો. અકસ્માતની આ ઘટનમાં કોઈ મોટી જાનહાનિ થઈ નહોતી. 

નિરાંત ચોકડી પાસે AMCના ડમ્પરથી ટ્રાફિક પોલીસનો શેડ ધરાશાયી

Also Read

અમરેલી જિલ્લા માટે કાળમુખો ગુરુવાર! અલગ-અલગ 3 ઘટનામાં 3 લોકોએ ગુમાવ્યો જીવ! | Amreli News 3 people die in 3 separate incidents of accidents and drowning

પ્રાપ્ત માહિતી અનુસાર, AMCનું ડમ્પર પસાર થતી વખતે શેડના સ્ટ્રક્ચર સાથે અથડાતા આખો શેડ નીચે તૂટી પડ્યો હતો. ઘટનાના સમયે આસપાસ લોકો અને વાહનોની અવરજવર ચાલી રહી હતી, જેના કારણે એક વાહનને નુકસાન પહોંચ્યું હોવાનું જાણવા મળ્યું છે.

Also Read

ગુજરાત ટાઇટન્સની ટીમે વૈભવની દુખતી નસ પકડી લીધી? આઉટ કરવા માટે બનાવ્યો સ્પેશિયલ પ્લાન | ipl 2026 qualifier 2 assistant coach parthiv patel warns gt will target vaibhav sooryavanshi

સદનસીબે, ઘટનામાં કોઈ મોટી જાનહાની કે ગંભીર ઈજા નોંધાઈ નથી. સ્થાનિક લોકોના જણાવ્યા મુજબ, જો આ ઘટના થોડા સમય પહેલાં અથવા ટ્રાફિક વધુ હોય ત્યારે બની હોત તો મોટી દુર્ઘટના સર્જાઈ શકતી હતી.

આ પણ વાંચો: સુભાષ બ્રિજના સમારકામને લઈને ટ્રાફિક વ્યવસ્થામાં ફેરફાર: રિવરફ્રન્ટનો નિર્ધારિત રૂટ બંધ, જાણો વૈકલ્પિક રૂટ

ઘટના બાદ ટ્રાફિક પોલીસ અને સ્થાનિક તંત્ર તાત્કાલિક સ્થળ પર પહોંચી ગયું હતું અને માર્ગ પરથી અવરોધ દૂર કરવાની કામગીરી હાથ ધરાઈ હતી. આ બનાવ બાદ શેડની સુરક્ષા અને વાહનોની અવરજવર અંગે અનેક પ્રશ્નો ઊભા થયા છે. સ્થાનિક નાગરિકોએ તંત્ર પાસે આવી ઘટનાઓ ફરી ન બને તે માટે યોગ્ય સુરક્ષા વ્યવસ્થા અને દેખરેખ વધારવાની માગ કરી છે

.