અમરેલી: મધ્યમ વર્ગ પર બોજ! પેટ્રોલ-ડીઝલમાં ભાવ વધારાથી લોકો ત્રાહિમામ, જાણો શું કરી માંગ | Amreli News public facing difficulties due to continuously increasing prices of petrol and diesel

Petrol And Diesel Prices Increasing: અમરેલી જિલ્લામાં સતત વધી રહેલા પેટ્રોલ અને ડીઝલના ભાવના કારણે સામાન્ય જનતા, ખેડૂતો અને વેપારીઓની મુશ્કેલીઓમાં ભારે વધારો થયો છે. રોજગાર અને નોકરી અર્થે મોટરસાયકલ કે અન્ય વાહનો દ્વારા રોજિંદુ અપડાઉન કરતાં નોકરિયાત વર્ગ અને ધંધાર્થીઓ આ કમરતોડ ભાવવધારાથી અત્યંત પરેશાન થઈ ગયા છે. મોંઘવારીના આ માર વચ્ચે લોકો આર્થિક સંકટનો સામનો કરી રહ્યા છે, જેને પગલે સ્થાનિક લોકોમાં સરકાર પ્રત્યે ભારે નારાજગી જોવા મળી રહી છે અને ભાવવધારો સત્વરે પાછો ખેંચવામાં આવે તેવી ઉગ્ર માંગ ઉઠી છે.

સતત ભાવ વધારાએ લોકોનું બજેટ ખોરવી નાખ્યું

Also Read

યુદ્ધ ઇફેક્ટ : પ્રધાનમંત્રીના સૂચન ઓન લાઇન ક્લાસીસ ચલાવવા વિચારણા, વેકેશન લંબાવવા માગ | War effect: Prime Minister’s suggestion to online classes demand to extend vacation

અમરેલી જિલ્લામાં ઇંધણના ભાવમાં થઈ રહેલા સતત વધારાએ લોકોનું બજેટ ખોરવી નાખ્યું છે. દરરોજ પોતાના મોટરસાયકલ કે સાધનો લઈને ધંધા-રોજગાર કે નોકરી પર જતાં મધ્યમવર્ગીય લોકો માટે હવે વાહન ચલાવવું પણ એક મોટો આર્થિક બોજ બની ગયું છે. ખાસ કરીને ગ્રામ્ય વિસ્તારોમાંથી શહેરોમાં અપડાઉન કરતાં નોકરિયાતો અને ખેડૂતો આ સ્થિતિથી સૌથી વધુ પ્રભાવિત થયા છે. એક તરફ ખેતીના ખર્ચ વધી રહ્યા છે, તો બીજી તરફ ધંધા-રોજગારમાં આવક મર્યાદિત બની છે, તેવામાં પેટ્રોલ-ડીઝલના આસમાને આંબતા ભાવે પડતા પર પાટુ જેવી સ્થિતિ સર્જી છે. આ મોંઘવારીથી ત્રસ્ત બનેલા વાહનચાલકો અને જનતામાં ભારે રોષ જોવા મળી રહ્યો છે, અને લોકો એક જ સૂરમાં સરકાર પાસે માંગ કરી રહ્યા છે કે સામાન્ય માણસના હિતમાં આ ભાવ વધારા પર લગામ કસવામાં આવે.

Also Read

Explainer: 8મા પગાર પંચના 5 ફિટમેન્ટ ફેક્ટર અને 400% પગાર વધારો, જાણો સરકારી કર્મચારીઓનું નસીબ કેવી રીતે બદલાશે | 8th Pay Commission 5 Fitment Factor Formula Proposed with Up to 400 percent Salary Hike

પેટ્રોલ પંપ પર આવેલા લોકોએ શું કહ્યું?

પેટ્રોલ ભરાવવા આવેલા એક ગ્રાહકે કહ્યું કે,-‘અહીં મોટી સમસ્યા ઊભી થઈ છે. પેટ્રોલ ડીઝલમાં સતત ભાવ વધારાને કારણે ઓછા પગારની નોકરી છે એટલે ખર્ચો વધી ગયો છે. સરકારને ગ્રાહકે અપીલ કરી કે સતત વધતાં ભાવ પર કંટ્રોલ રાખવામાં આવે.’ તો બીજા એક ગ્રાહકે કહ્યું કે,-‘ધંધા રોજગાર માટે મારે રોજ લાઠી આવવું પડે છે. તો રોજે રોજ પેટ્રોલના ભાવ સતત વધી રહ્યા છે તો તેથી સરકારને રજૂઆત છે કે વહેલી તકે ભાવ કંટ્રોલમાં લાવવામાં આવે. રોજ મુશ્કેલીઓ વધતી જાય છે. ધંધા રોજગાર માટે વાહનમાં જવું ફરજિયાત થઈ ગયું છે તેથી સરકાર ઇંધણમાં ભાવ વધારાની તકલીફનો ઉપાય લાવે.’