મહારાષ્ટ્રથી બાળકો સાથે વડોદરાના ખુલ્લા મકાનોમાં ચોરી કરતી મહિલા ગેંગ પકડાઈ | Gang of women from Maharashtra caught in theft case of houses in Vadodara

Vadodara Police : વડોદરા શહેરમાં વહેલી સવારે બનતા ચોરીના બનાવોનો ભેદ ઉકેલવામાં પોલીસને સફળતા મળી છે. જેમાં મહારાષ્ટ્રથી આવતી મહિલા ગેંગની બે મુખ્ય સાગરિતને પોલીસે ઝડપી પાડતાં ચોકાવનારી વિગતો બહાર આવી છે.

વડોદરાના ગીચ વિસ્તારોમાં લોકોની અવરજવર હોવા છતાં ખુલ્લા મકાનોમાં ઘૂસી જઈ મોબાઈલ, લેપટોપ, દાગીના અને રોકડ જેવી ચીજ વસ્તુઓ ઉઠાવી ઝડપભેર ફરાર થઈ જતી ગેંગ વિશે પોલીસને માહિતી મળતાં ગોલ્ડન બ્રિજ નીચેથી અકિલા જયદીપક પવાર અને અને અને લીલી છોટુ દીપક પવાર (બંને રહે પાલઘર,મહારાષ્ટ્ર) ને ઝડપી પાડી હતી.

Also Read

મોબાઈલ લઈને પતિ જતો રહ્યો, પ્રેમ સંબંધ પકડાઈ જવાની બીકે પત્નીએ આપઘાત કર્યો | Husband left with mobile phone wife commits suicide fearing to be caught in love affair

બંને મહિલા પાસે પાંચ મોબાઇલ, ચાંદીના નવ સિક્કા તેમજ રોકડા રૂ.3000 મળી આવતા પોલીસે પૂછપરછ કરી હતી. જે દરમિયાન બંને મહિલા પતિ અને બાળકો સાથે વડોદરાના હાઇવે વિસ્તારમાં રોકાઈને દિવસ દરમિયાન અલગ અલગ ટીમમાં વહેંચાઈ ખુલ્લા મકાનોમાં ચોરી કરતી હોવાની વિગતો બહાર આવી હતી.

Also Read

CCTV: અમદાવાદમાં મોબાઈલમાં વ્યસ્ત કર્મચારીની બેગમાંથી નોટોના બંડલ સેરવી ગઠિયો ફરાર! ચોંકાવનારો વીડિયો | ahmedabad cctv captures cash theft manek chowk

આ પૈકી લીલી અને તેની ટોળકીએ માંજલપુરના ધારાસભ્યના મકાન પાસે રહેતા તેમના ભત્રીજાના ઘરેથી સવારના સમયે 5.80 લાખની મતા ચોરી હોવાની વિગતો ખુલી હતી. જ્યારે અકિલા અને તેની ટોળકી દ્વારા રાવપુરા પટણી મોહલ્લામાં એક મકાનમાંથી મોબાઇલ તેમજ દાગીનાની તેમજ ડભોઇ રોડના નંદ વિહાર ફ્લેટમાંથી મોબાઈલ તેમજ રોકડની ચોરી કરી હોવાની વિગતો બહાર આવી હતી. 

ચોરી દરમિયાન કોઈ શંકા ન કરે તેમજ પકડાઈ જાય તો બાળકોની દયાને કારણે લોકો છોડી દે તેવા પાસેથી મહિલાઓ પોતાની સાથે નાના બાળકોને પણ રાખતી હતી.