‘Kala Hiran’ Movie Controversy: બોલિવૂડના ‘દબંગ’ એટલે કે સલમાન ખાનનો 1998નો કાળિયાર શિકાર કેસ એકવાર ફરી ચર્ચામાં છે, પરંતુ આ વખતે કારણ કોઈ કાયદાકીય કાર્યવાહી નથી પરંતુ એક અપકમિંગ ફિલ્મ છે. ફિલ્મ ‘કાલા હિરન’ને લઈને વિવાદ હવે તેની ચરમસીમાએ પહોંચી ગયો છે. આ ફિલ્મના પ્રોડ્યુસર અમિત જાનીએ સલમાન ખાનની લીગલ ટીમ દ્વારા મોકલવામાં આવેલી નોટિસનો જે જવાબ આપ્યો છે, તેણે ચારેય તરફ સનસનાટી મચાવી દીધી છે. અમિત જાનીએ ન માત્ર સાર્વજનિક રૂપે આ લીગલ નોટિસને ફાડીને ફેંકી દીધી, પરંતુ સોશિયલ મીડિયા પર વીડિયો જાહેર કરીને એવો સનસનાટીભર્યો દાવો પણ કર્યો છે કે આ પ્રોજેક્ટની જાહેરાત પછીથી જ તેમને સતત જાનથી મારી નાખવાની ધમકીઓ મળી રહી છે.
વીડિયો શેર કરીને શું શું કહ્યું?
પ્રોડ્યુસર અમિત જાનીએ સોશિયલ મીડિયા પ્લેટફોર્મ પર એક વીડિયો શેર કરીને આ સમગ્ર મામલે પોતાની ભડાસ કાઢી છે. વીડિયોમાં તેમણે આરોપ લગાવ્યો કે ફિલ્મની જાહેરાત થયા પછીથી જ તેમને એવા લોકો ફોન અને મેસેજ કરી રહ્યા છે, જેઓ પોતાને સલમાન ખાનના સપોર્ટર ગણાવી રહ્યા છે. એટલું જ નહીં, જાનીએ બીજો એક ચોંકાવનારો દાવો કરતા કહ્યું કે તેમને કુખ્યાત ડી-કંપની સાથે જોડાયેલો એક મેસેજ પણ મળ્યો છે. જો કે, તેમણે પોતે આ વાતનો સ્વીકાર કર્યો કે તેઓ આ મેસેજની સત્યતા કે તેની પાછળના લોકોની પુષ્ટિ કરી શકતા નથી.
સુરક્ષાને લઈને ચિંતા વ્યક્ત કરી
જાનીએ વીડિયો દ્વારા પોતાની સુરક્ષાને લઈને ચિંતા વ્યક્ત કરી અને સવાલ ઉઠાવ્યો કે આવી સ્થિતિમાં તેમણે પહેલા લીગલ નોટિસનો જવાબ આપવો જોઈએ કે પછી આ જીવલેણ ધમકીઓનો સામનો કરવો જોઈએ? તેમણે જણાવ્યું કે છેલ્લા 36 કલાકની અંદર તેમને ઘણી ધમકીભર્યા મેસેજ મળી ચૂક્યા છે. આ મેસેજમાં તેમને સ્પષ્ટપણે ચેતવણી આપવામાં આવી છે કે તેઓ મુંબઈમાં પગ ન મૂકે. આ પ્રકારની ધમકીઓ પછી ફિલ્મ ઇન્ડસ્ટ્રી અને મેકર્સ વચ્ચે સુરક્ષાને લઈને ચર્ચાઓ તેજ થઈ ગઈ છે.
સલમાન ખાનની ટીમે આપેલી લીગલ નોટિસને ફાડી નાખી
વીડિયોમાં અમિત જાનીનો ગુસ્સો સ્પષ્ટપણે જોઈ શકાય છે. કેમેરાની સામે લીગલ નોટિસની કોપીને ફાડતા પ્રોડ્યુસરે કડક વલણમાં કહ્યું કે આ ફાટેલા કાગળના ટુકડા જ સલમાન ખાનની લીગલ ટીમને તેમનો અંતિમ જવાબ છે. તેમણે બે ટૂંક શબ્દોમાં કહ્યું કે તેઓ આ પ્રકારની ધમકીઓ અને દબાણ સામે ઝૂકવાના નથી. તેઓ ન તો આ હરકતોથી ડરશે અને ન તો પોતાના આ પ્રોજેક્ટથી પાછળ હટશે, તેઓ પોતાની વાત પર પૂરી રીતે કાયમ છે.
કેવી રીતે શરૂ થયો સમગ્ર વિવાદ?
આ સમગ્ર વિવાદનું મૂળ એ લીગલ નોટિસ છે જે કથિત રીતે સલમાન ખાનની લીગલ ટીમ તરફથી ‘કાલા હિરન’ના મેકર્સને મોકલવામાં આવી હતી. આ નોટિસમાં મેકર્સ સામે કડક વાંધો ઉઠાવતા માંગ કરવામાં આવી હતી કે તેઓ ફિલ્મ સાથે જોડાયેલું કોઈ પણ કન્ટેન્ટ, પોસ્ટર કે ટીઝર ન તો રિલીઝ કરે અને ન તો ક્યાંય પબ્લિશ કરે. આ સાથે જ એક્ટરની ટીમે મેકર્સ પાસે લેખિત માફીની પણ માંગ કરી હતી. હકીકતમાં, આ ફિલ્મ સલમાન ખાનના જીવનના સૌથી વિવાદિત કથિત કાળિયાર શિકાર કેસ સાથે જોડાયેલી હોવાનું કહેવાય છે, આ જ કારણ છે કે તેની જાહેરાત પછીથી જ તેના પર સતત ચર્ચા અને વિવાદનો સિલસિલો ચાલુ છે.
આ પણ વાંચો: જામનગરમાં આજે પડછાયો થયો ગાયબ! અદ્ભુત ખગોળીય ઘટનાની જમીન પર જોવા મળી અસર
અમિત જાની દ્વારા લીગલ નોટિસને જાહેરમાં ફાડવા અને ડી-કંપનીનું નામ લઈને ધમકીઓ મળવાના દાવાઓ પછી વાતાવરણ ઘણું ગરમાઈ ગયું છે. જો કે, પ્રોડ્યુસરનીતીખી પ્રતિક્રિયા પછી અત્યાર સુધી સલમાન ખાન કે તેમની લીગલ ટીમ તરફથી કોઈ સત્તાવાર નિવેદન કે નવો જવાબ સામે આવ્યો નથી. હવે જોવાનું એ રહેશે કે આ કાનૂની અને શાબ્દિક જંગ આગળ શું વળાંક લે છે.
Follow Us On Google News
Follow Us On WhatsApp
Follow Us On facebook
Leave a Comment