લોર્ડ્સ અને ગદ્દાફી સ્ટેડિયમ સામે ICCની મોટી કાર્યવાહી, મેચ રેફરીના રિપોર્ટે સૌને ચોંકાવ્યા | icc rates lords and gaddafi stadium pitches unsatisfactory gave demerit point

ICC Slams Lords and Gaddafi: ICCએ વિશ્વના બે ઐતિહાસિક ક્રિકેટ મેદાનો સામે આકરી કાર્યવાહી કરતા ક્રિકેટ જગતમાં ખળભળાટ મચી ગયો છે. ક્રિકેટના મક્કા ગણાતા લંડનના લોર્ડ્સ સ્ટેડિયમ અને પાકિસ્તાનના લાહોર સ્થિત ગદ્દાફી સ્ટેડિયમની પિચોને ICCએ સત્તાવાર રીતે “અસંતોષજનક” જાહેર કરી છે. આ ખામીયુક્ત પિચો તૈયાર કરવા બદલ ICCની પિચ અને આઉટફિલ્ડ મોનિટરિંગ પ્રક્રિયા અંતર્ગત બંને પ્રતિષ્ઠિત મેદાનોને એક-એક ડિમેરિટ પોઇન્ટ પણ ફટકારવામાં આવ્યો છે.

મેચ રેફરીના અહેવાલે વધારી મુશ્કેલી

Also Read

બાંગ્લાદેશ ક્રિકેટ ટીમે રચ્યો ઇતિહાસ, 21 વર્ષ બાદ ઓસ્ટ્રેલિયાને વન-ડેમાં હરાવવામાં સફળ | Bangladesh Create History Defeat Australia In ODI After 21 Years As Mosaddek Hussain Shines

લોર્ડ્સમાં ઇંગ્લેન્ડ અને ન્યૂઝીલેન્ડ વચ્ચે રમાયેલી પ્રથમ ટેસ્ટ મેચ તથા ગદ્દાફી સ્ટેડિયમમાં પાકિસ્તાન અને ઓસ્ટ્રેલિયા વચ્ચે રમાયેલી ત્રીજી વન-ડે મેચની પિચોનું બારીકાઈથી મૂલ્યાંકન કરવામાં આવ્યું હતું. મેચ રેફરી એન્ડી પાયક્રોફ્ટ અને ગ્રેમ લા બ્રૂયે મેચ અધિકારીઓ તેમજ બંને ટીમોના કેપ્ટનો પાસેથી મળેલા ફીડબેકના આધારે પોતાનો નકારાત્મક અહેવાલ સુપરત કર્યો હતો. આ રિપોર્ટ બાદ ICCએ તારણ કાઢ્યું હતું કે, બંને પિચો બેટ અને બોલ વચ્ચેની સંતુલિત તેમજ ન્યાયી સ્પર્ધા માટે તદ્દન અયોગ્ય હતી.

Also Read

મમતા બેનરજીને મોટો આંચકો, 20 સાંસદો NDAના સમર્થનમાં હોવાનો દાવો, પણ નામ હજુ સુધી ગુપ્ત | TMC Crisis 2026: 20 MPs Write to Lok Sabha Speaker to Support NDA Will Mamata’s Govt Survive

બે જ દિવસમાં પડી ગઈ 33 વિકેટો!

લોર્ડ્સ ટેસ્ટમાં પિચના ખરાબ વર્તનને કારણે મેચના પ્રારંભિક બે દિવસમાં જ આશ્ચર્યજનક રીતે કુલ 33 વિકેટો પડી ગઈ હતી, જેમાં મોટાભાગના બેટ્સમેનો બોલ્ડ અથવા એલબીડબ્લ્યુ આઉટ થયા હતા. મેચ રેફરી એન્ડી પાયક્રોફ્ટે જણાવ્યું હતું કે, “સમગ્ર ટેસ્ટ દરમિયાન પિચ પર અસાધારણ સીમ મૂવમેન્ટ જોવા મળ્યું હતું. આ ઉપરાંત બોલનો બાઉન્સ સતત અસમાન રહ્યો હતો અને ઘણી વખત બોલ અણધાર્યો નીચો રહ્યો હતો. આ પ્રકારની પિચ રમતની ગરિમા અને સંતુલનને બગાડે છે.”

વન-ડે મેચ માટે અયોગ્ય પિચ

બીજી તરફ લાહોરના ગદ્દાફી સ્ટેડિયમમાં રમાયેલી વન-ડે મેચની પિચ પણ આંતરરાષ્ટ્રીય ધોરણો પર ખરી ઉતરી ન હતી. સામાન્ય રીતે વન-ડે ક્રિકેટમાં રનનો રોમાંચ જોવા મળતો હોય છે, પરંતુ અહીં પિચ અત્યંત ધીમી અને નીચી રહી હતી. રેફરી ગ્રેમ લા બ્રૂયે અહેવાલમાં નોંધ્યું હતું કે મેચની શરૂઆતથી જ સ્પિનરોને અતિશય મદદ મળી રહી હતી, જેના કારણે બેટ્સમેનો માટે રન બનાવવું અત્યંત મુશ્કેલ બન્યું હતું. સીમિત ઓવરોના ફોર્મેટ માટે આવી પિચ કોઈ પણ ભોગે યોગ્ય ગણી શકાય નહીં.

આ પણ વાંચો: 18 વર્ષમાં પહેલીવાર ઇન્જરીના કારણે આખેઆખી વનડે સીરિઝ ગુમાવશે વિરાટ કોહલી: યશસ્વી જયસ્વાલ લેશે જગ્યા

ભવિષ્યમાં પ્રતિબંધનું જોખમ

ICCના કડક નિયમો અનુસાર, આ ડિમેરિટ પોઇન્ટ આગામી 5 વર્ષના રોલિંગ પીરિયડ માટે સક્રિય રહેશે. જો આ સમયગાળા દરમિયાન કોઈ પણ સ્ટેડિયમ ખાતામાં 5 કે તેથી વધુ ડિમેરિટ પોઇન્ટ્સ જમા થાય છે, તો તે મેદાન પર 12 મહિના માટે કોઈ પણ આંતરરાષ્ટ્રીય મેચ આયોજિત કરવા પર પ્રતિબંધ લગાવી દેવામાં આવે છે. આ કડક આદેશ બાદ હવે બંને દેશોના ક્રિકેટ બોર્ડે પિચ ક્યુરેટર્સ બાબતે ગંભીરતા દાખવવી પડશે.