બાંગ્લાદેશી ક્રિકેટરને પોલીસે લાકડી-પાઈપોથી નિર્દયતાપૂર્વક માર્યો, ક્રિકેટ જગતમાં ખળભળાટ | Bangladesh Cricketer Nayeem Hasan Beaten by Police

Bangladesh Cricketer Nayeem Hasan : બાંગ્લાદેશના આંતરરાષ્ટ્રીય ક્રિકેટર નઈમ હસન (Nayeem Hasan) સાથે પોલીસ દ્વારા બર્બરતાપૂર્વક મારપીટ કરવાનો એક ચોંકાવનારો કિસ્સો સામે આવ્યો છે. આ હાઈપ્રોફાઈલ ઘટનાને પગલે બાંગ્લાદેશ ક્રિકેટ જગતમાં ભારે ખળભળાટ મચી ગયો છે. બાંગ્લાદેશ ક્રિકેટ બોર્ડ (BCB) એ આ સમગ્ર ઘટનાને સંપૂર્ણપણે અસ્વીકાર્ય ગણાવીને સરકાર પાસે ન્યાયી તપાસની માંગ કરી છે. બોર્ડના નવા અધ્યક્ષ અને પૂર્વ દિગ્ગજ ક્રિકેટર તમીમ ઇકબાલે સોશિયલ મીડિયા પર આ ઘટનાની આકરી નિંદા કરીને સ્પિનર નઈમ હસનને તમામ સંભવિત મદદની ખાતરી આપી છે.

Also Read

ગિલ-રાહુલની દમદાર બેટિંગથી ભારતનો અફઘાનિસ્તાન સામે વિજય, ગુરબાઝની મહેનત એડે છતાં નોંધાવ્યો મોટો રેકોર્ડ | India Beats Afghanistan By 7 Wickets In 1st ODI As Gill Hits 84 Gurbaz Smashes Record 48 Ball 100

BCB લાલઘૂમ 

Also Read

વિવિધ જિલ્લાઓમાંથી 37,500 ઉમેદવારો વડોદરા આવશે, આજે લોકરક્ષક પરીક્ષા માટે એક્સ્ટ્રા 100 બસો દોડાવાશે | 37 500 candidates from various districts will come to Vadodara for Lokrakshak exam today

BCB અધ્યક્ષ તમીમ ઇકબાલે જણાવ્યું હતું કે “ગઈરાત્રે નઈમ હસન સાથે જે કંઈ પણ થયું તે કોઈ પણ સંજોગોમાં ચલાવી શકાય નહીં. ઘટનાની જાણ થતાં જ મેં ગઈરાત્રે જ નઈમ સાથે ફોન પર વાત કરી હતી અને તેને સુરક્ષા તેમજ કાનૂની મદદનો ભરોસો આપ્યો છે. આ મુદ્દે મેં બોર્ડના અન્ય ઉચ્ચ અધિકારીઓ સાથે પણ ચર્ચા કરી છે અને ટૂંક સમયમાં જ કડક કાર્યવાહી કરવામાં આવશે.”

શું છે સમગ્ર મામલો અને કેવી રીતે બની ઘટના?

મળતી વિગતો અનુસાર, આ ઘટના શુક્રવારે રાત્રે ચટ્ટગ્રામ (Chattogram) ખાતે બની હતી. ઓફ-સ્પિનર નઈમ હસન ઢાકા પ્રીમિયર ડિવિઝન ક્રિકેટ લીગમાં ભાગ લઈને ઢાકા એરપોર્ટથી કાર દ્વારા પોતાના ઘરે ચટ્ટગ્રામ પરત ફરી રહ્યા હતા. રાત્રિના અંધારામાં કેટલાક પોલીસકર્મીઓએ તેમની કારને અધવચ્ચે રોકી લીધી હતી અને કોઈપણ કારણ વગર તેમની સાથે મારપીટ શરૂ કરી દીધી હતી.

“મેં ઓળખ આપી છતાં પ્લાસ્ટિકની પાઇપ અને દંડાથી પીટ્યો” – નઈમ હસન

મીડિયા રિપોર્ટ્સ અને નઈમ હસનના જણાવ્યા અનુસાર, તેમણે પોલીસકર્મીઓને વારંવાર વિનંતી કરી હતી અને પોતે આંતરરાષ્ટ્રીય ક્રિકેટર હોવાની ઓળખ પણ આપી હતી, તેમ છતાં પોલીસે માર મારવાનું ચાલુ રાખ્યું હતું. નઈમે આરોપ લગાવ્યો છે કે, “પોલીસકર્મીઓ મને લાકડીઓ અને પ્લાસ્ટિકની પાઇપ વડે બેરહેમપણે મારતા રહ્યા. ત્યારબાદ તેઓ મને સત્તાવાર પોલીસ જીપના બદલે એક ખાનગી સીએનજી (CNG) રીક્ષામાં બેસાડીને પોલીસ સ્ટેશને લઈ ગયા હતા. જ્યારે મેં પોલીસ સ્ટેશનમાં મારી વાત રજૂ કરવાનો પ્રયાસ કર્યો, ત્યારે તેમણે મને આંખો નીચે રાખવા ધમકાવ્યો હતો.”

તપાસની માંગ કરાઈ 

નઈમે સવાલ ઉઠાવ્યો છે કે જો તે ખરેખર ઓન-ડ્યુટી પોલીસ અધિકારીઓ હતા તો મને સરકારી વાહનના બદલે રીક્ષામાં કેમ લઈ ગયા? તેમણે આ મામલે તટસ્થ અને ઉચ્ચ સ્તરીય તપાસની માંગ કરી છે. બાંગ્લાદેશ ક્રિકેટ બોર્ડે સત્તાવાર નિવેદન જારી કરીને કહ્યું છે કે એક આંતરરાષ્ટ્રીય સ્તરના ખેલાડી સાથે પોલીસનું આવું વર્તન બિલકુલ સહન કરવામાં આવશે નહીં અને દોષિત પોલીસકર્મીઓ વિરુદ્ધ તુરંત જ કડક પગલાં લેવાવા જોઈએ.