લોકોને વડોદરા સુધી લાંબુ થવું નહી પડે પ્રોપર્ટી કાર્ડ, નકશા તેમજ માપણી માટે હવે તાલુકા મથકે ઓફિસો શરૃ | new ilr offices start at taluka centre

વડોદરા, તા.17 વડોદરા જિલ્લામાં પ્રોપર્ટી કાર્ડ તેમજ માપણી અને નકશા સહિતના જમીનને લગતા કામો માટે તાલુકા કક્ષાએથી વડોદરામાં લોકોને આવવાનું થતું હતું પરંતુ હવે દરેક તાલુકા કક્ષાએ પણ જમીન દફ્તર નિરીક્ષક કચેરીનો પ્રારંભ થતા વડોદરા સુધી લાંબુ થવું નહી પડે અને તાલુકા મથક ખાતેથી જ પ્રશ્નોનું નિરાકરણ આવી જશે.

સૂત્રોએ જણાવ્યું હતું કે અગાઉ જમીન દફ્તર ખાતાની વડોદરા શહેર ખાતે જિલ્લા નિરીક્ષક જમીન દફ્તર વડોદરા સિટિ સર્વેની પાંચ કચેરીઓ ખાતે લોકોને આવવાનું થતું હતું જ્યારે જિલ્લા કક્ષાની કચેરીઓના કામ માટે પણ કોઠી કચેરી સ્થિત ડીએલઆરની કચેરીએ આવવું પડતું હતું. ગ્રામ્ય કક્ષાએથી લોકોને છેક વડોદરા સુધી લાંબુ થવું પડતું હતું. ભૂમિ સિમાંકન, માપણી, પ્રોપર્ટી કાર્ડ, નકશા, બિનખેતી અભિપ્રાય, સ્વામિત્વ યોજના સહિતના કામો માટે વડોદરા વારંવાર ધક્કા ખાવાના થતા હતાં.

Also Read

લોટના દૂધ મંડળીના મંત્રીએ ૬.૫૦ લાખ બારોબાર વાપરી નાંખ્યા | embezzled from milk mandali lotna

દરમિયાન હવે જિલ્લા નિરીક્ષક જમીન દફ્તર કચેરીઓનું વિકેન્દ્રીકરણ કરવામાં આવ્યું છે અને તાલુકા કક્ષાની જમીન દફ્તર નિરીક્ષક તરીકેનો સુધારો નામાભિધાનમાં કરાયો છે. રાજ્ય સરકારના આ પરિપત્ર બાદ તા.૧૨ જૂનથી વડોદરા જિલ્લામાં પણ તેનું અમલીકરણ શરૃ કરી દેવામાં આવ્યું છે. હવે શહેરમાં પાંચ સિટિ સર્વે કચેરીઓ ઉપરાંત તાલુકા કક્ષાએ પણ તાલુકા જમીન દફ્તર નિરીક્ષક કચેરીનો પ્રારંભ કરી દેવામાં આવ્યો છે. 

Also Read

શિક્ષકોને વસતી ગણતરીની સાથે હવે પૂરક પરીક્ષાની ઉત્તરવહીઓ તપાસવાના ઓર્ડર | teachers now ordered to answer sheet checking with population counting

હવે જિલ્લાના પાદરા, કરજણ, ડભોઇ, શિનોર, વાઘોડિયા, સાવલી અને ડેસર તાલુકાના અરજદારોને પોતાના તાલુકા મથકોમાં જ જમીનના રેકર્ડ સંબંધિત માહિતી મળી રહેશે. જિલ્લાના તાલુકા મથકોએ અધિકારીની પણ નિમણૂંક કરી દેવામાં આવી છે જો કે હજી સ્ટાફની ફાળવણી બાકી રહી છે.