અમદાવાદ: દાણીલીમડાના સ્ક્રેપ વેપારી સાથે ઓડિશાના બે શખ્સોએ આચરી રૂપિયા 43.62 લાખની ઠગાઈ | ahmedabad danilimda scrap trader cheated of 43 lakhs by odisha thugs police complaint

Ahmedabad Danilimda fraud case: અમદાવાદ શહેરના દાણીલીમડામાં આવેલી કબાડી માર્કેટમાં ઓટોમોબાઈલ સ્ક્રેપનો વ્યવસાય કરતા વેપારી સાથે ઓડિશાના બે શખ્સોએ માલ-સામાન ન આપીને રૂપિયા 43.62 લાખની છેતરપિંડી આચરી છે.જેની ફરિયાદ નોંધાવવામાં આવતા પોલીસ તપાસ શરૂ કરવામાં આવી છે.

આરોપીઓએ સરકારી ટેન્ડરના બહાને સ્ક્રેપનો માલ આપવાની વાત કરી હતી. શરૂઆતમાં રૂપિયા 12 લાખ મેળવીને સમયસર સ્ક્રેપનો માલ પહોંચાડી વેપારીનો વિશ્વાસ કેળવ્યો હતો અને ત્યારબાદ લાખો રૂપિયા પડાવી લીધા હતા. રૂપિયા મેળવ્યા પછી આરોપીઓએ ફોન ઉપાડવાનું બંધ કરી દીધું હતું. વેપારી જ્યારે ઓડિશા ખાતે પોતાની ઉઘરાણી માટે ગયા, ત્યારે તેમને ધક્કા મારીને કાઢી મૂકવામાં આવ્યા હતા અને માલ સામાન કે રૂપિયા આપવાની સ્પષ્ટ ના પાડી દીધી હતી. આ બનાવ અંગે દાણીલીમડા પોલીસે બે શખ્સો સામે છેતરપિંડીનો ગુનો નોંધી વધુ તપાસ હાથ ધરી છે.

Also Read

ગુજરાતમાં ડ્રગ્સના કેસમાં બેદરકારી દાખવનાર PI-PSI સીધા સસ્પેન્ડ થશે, લોકલ પોલીસ સ્ટેશનોની જવાબદારી નક્કી | gujarat dgp gs malik strict action on drugs local police accountable ndps cases

ગ્યાસપુર ખાતે રહેતા અને દાણીલીમડાની કબાડી માર્કેટમાં વેપાર કરતા આધેડે દાણીલીમડા પોલીસ સ્ટેશનમાં ઓડિશાના પુરી ખાતે કંપની ધરાવતા બે લોકો સામે ફરિયાદ નોંધાવી છે. ફરિયાદ અનુસાર, 4 વર્ષ પહેલાં તેમના એક સંબંધી મારફતે આરોપીઓ સાથે પરિચય થયો હતો. આરોપીઓએ પોતે સરકારી ટેન્ડર ભરીને સ્ક્રેપના માલસામાનનું મોટા પાયે કામકાજ કરતા હોવાની વાત કરી હતી.

Also Read

નર્મદામાં ફરી ‘દૂધ સંજીવની’ યોજનાના પેકેટોનો બગાડ, વારંવાર તંત્રની ઘોર બેદરકારી સામે તપાસની ઉઠી માંગ | narmada dediapada dudh sanjeevani milk packets found abandoned on road

આથી, શરૂઆતમાં તા. 10 માર્ચ 2023ના રોજ સ્ક્રેપનો માલ ખરીદવા માટે રૂપિયા 12 લાખ આપ્યા હતા. તે સમયે સમયસર માલ સામાન મળી જતાં વેપારીને આરોપીઓ પર વિશ્વાસ બેસી ગયો હતો. ત્યારબાદ, એક વર્ષ પછી વેપારીએ રૂપિયા 2.26 કરોડનું પેમેન્ટ કર્યું હતું. જેની સામે આરોપીઓએ રૂપિયા 1.82 કરોડનો જ માલ સામાન આપ્યો હતો, જ્યારે બાકીના રૂપિયા 43.62 લાખનો માલ સામાન આપ્યો ન હતો અને ફોન ઉપાડવાનું પણ બંધ કરી દીધું હતું. જેથી વેપારી છેતરાયા હોવાનું અહેસાસ થતાં તેમણે પોલીસ ફરિયાદ નોંધાવી છે.