આઠ વર્ષ બાદ ફરી આજવાની સપાટી 205 ફૂટની નજીક પહોંચી : વડોદરા કોર્પોરેશનની ચિંતા વધી | Vadodara On Alert: Ajwa Lake Level Nears 205 Feet For First Time In Eight Years VMC Worried

Vadodara Ajwa Lake : વડોદરા શહેરના મુખ્ય જળસ્ત્રોત એવા આજવા સરોવરની સપાટી આઠ વર્ષ બાદ ફરી એકવાર 205 ફૂટની નજીક પહોંચી જતાં પાણી પુરવઠાને લઈને ચિંતા વધી છે. 

હાલમાં આજવા સરોવરની સપાટી ઘટીને 205.68 ફૂટ નોંધાઈ છે. અગાઉ વર્ષ 2018 દરમિયાન પણ સરોવરની સપાટી 205 ફૂટની આસપાસ પહોંચી હતી. આજવા સરોવર શહેરના પૂર્વ વિસ્તાર માટે આશીર્વાદરૂપ માનવામાં આવે છે. સામાન્ય રીતે સરોવરની સપાટી 209 ફૂટથી ઉપર હોય ત્યારે ગ્રેવિટી દ્વારા પાણી શહેર સુધી પહોંચે છે. પરંતુ હાલ સપાટી 209 ફૂટથી નીચે ઉતરી જતાં પોન્ટુન પંપની મદદથી પાણી ઉલેચીને વડોદરા શહેર સુધી પહોંચાડવાની ફરજ પડી રહી છે.

Also Read

વડોદરા સ્ટેશન યાર્ડ રીમોડેલિંગના કામને લઈ અમદાવાદથી જતી-આવતી ચાર ઈન્ટરસિટી, 8 મેમુ ટ્રેનને અસર | Vadodara Yard Remodeling: 4 Intercity and 8 MEMU Trains Affected From June 21

 સરોવરની સપાટી સતત ઘટી રહી હોવાથી મ્યુનિસિપલ કોર્પોરેશનના પાણી વ્યવસ્થાપન અને લાંબા ગાળાના આયોજન સામે પણ સવાલો ઊભા થયા છે. ચોમાસાની સત્તાવાર શરૂઆત હજુ થઈ નથી અને હાલમાં માત્ર છૂટોછવાયો વરસાદ વરસી રહ્યો છે. 

Also Read

અલકાપુરીના શ્રીમ શાલીની મોલમાં ગેરકાયદે બાંધકામો સામે તંત્રની કાર્યવાહી | VMC Demolition Drive: Action Against Illegal Construction At Shreem Shalini Mall In Alkapuri

જો આગામી દિવસોમાં પૂરતો વરસાદ નહીં પડે અને જળસંગ્રહમાં વધારો નહીં થાય તો વડોદરા કોર્પોરેશનને સરદાર સરોવર નિગમ લિમિટેડની નર્મદા કેનાલમાંથી પાણી મેળવવાનો વિકલ્પ અપનાવવો પડી શકે છે. બીજી તરફ હાલ શહેરના અનેક વિસ્તારોમાં અઘોષિત પાણી કાપની સ્થિતિ જોવા મળી રહી છે, જ્યારે પૂર્વ વિસ્તારમાં પાણીના દબાણની સમસ્યાએ નાગરિકોની મુશ્કેલીઓ વધારી છે.

 તંત્ર વરસાદની રાહ જોઈ રહ્યું છે અને આજવા સરોવરમાં પૂરતી પાણી આવક થાય તેવી આશા વ્યક્ત કરી રહ્યું છે. જોકે વરસાદ ખેંચાય તો શહેરના પાણી પુરવઠા પર વધુ ગંભીર અસર પડવાની ભીતિ વ્યક્ત કરવામાં આવી રહી છે.