હું બોલું તો પ્રોબ્લેમ, ચૂપ રહું તો પણ : રજનીકાન્ત ટ્રોલર્સ પર વીફર્યા | If I speak it’s a problem even if I remain silent: Rajinikanth lashes out at trolls

– પોતાની ફિલ્મ ધર્મન લોન્ચ કરતાં બળાપો કાઢ્યો

– કોઇ એકના પગલાંને દરેક આવકારશે તેવી અપેક્ષા રાખવી અવાસ્તવિક ગણાય: રજની    

Also Read

એકબીજાના ટીકાકાર મુકેશખન્ના અને સમય રૈનાએ એક એડમાં સાથે | Mukesh Khanna and Samay Raina who were critics of each other appeared together in an ad

ચેન્નાઈ : ૭૫ વર્ષની ઉંમરે પોતાની ૧૭૩મી ફિલ્મને લોન્ચ કરતાં સુપરસ્ટાર રજનીકાન્તે ચેન્નાઇમાં એક કાર્યક્રમમાં તેમના ટ્રોલર્સને આડા હાથે લેતાં જણાવ્યું હતું કે હવે જ્યારે કોઇ મને પ્રવચન આપવા માટે આમંત્રણ આપે ત્યારે મને ખચકાટ થાય છે કેમ કે જ્યારે પણ મને બોલવા જણાવાય ત્યારે મારા શબ્દો કાં તો મારા માટે અથવા તેમના માટે પ્રોબ્લેમ બની જાય છે. જો હું ચૂપ રહું તો તેઓ હું બોલતો કેમ નથી? મેં મારા મોંમાં લાડુ ભર્યાં છે કહી મારી મજાક ઉડાવે છે. 

Also Read

તમારી દવા તો જોખમી નથી ને! એન્ટિબાયોટિક્સ, ડાયાબિટિસ અને સ્કિન કેરની 16 દવા પર સરકારનો પ્રતિબંધ | Govt Bans 16 Fixed Dose Combination Medicines Including Painkillers Antibiotics Diabetes Drugs

જો હું કશું કહું તો તેઓ એમ કહે છે હવે તે શા માટે બોલે છે? તો બીજા વળી એમ કહે છે, તેણે બોલવું જ નહોતું જોઇતું. 

પોતાની એક દાયકાની જાહેર જીવનની યાત્રા પર નજર નાંખતાં સુપરસ્ટારે જણાવ્યું હતું કે હું સમજતો થયો છું કે લોકોનો મત ઘણીવાર તેમની જે તે વ્યક્તિ ભણીની લાગણીને આધારે ઘડાયેલો હોય છે. 

અમે જે કાંઇ કરીશું તે બધું લોકો ગમાડશે એમ વિચારવું મૂર્ખાઇ છે. કોઇના તમામ પગલાંને દરેક જણ આવકારશે તેવી અપેક્ષા રાખવી અવાસ્તવિક છે અને લોકોએ સાવધ રહેતાં શીખવું જ જોઇએ. 

જેના ત્રણ નિર્દેશકો બદલાઇ ચૂક્યા છે તે નવી ફિલ્મ ધર્મનનું રજનીકાન્તે ગુરૂવારથી શૂટિંગ શરૂ કર્યું હતું.

જેમાં રજની જીવલેણ ડોકટર તરીકે દેખાય છે તે ધર્મન ફિલ્મનું પોસ્ટર બુધવારે જારી કરાયું હતું.