ઓડિશામાં 5મી ક્લાસના બાળકો ઐશ્વર્યા રાય બચ્ચન પર ફિલ્માવાયેલું હિટ સોન્ગ નિંબૂડા-નિંબૂડા ભણી રહ્યા છે. ધોરણ 5 ની અંગ્રેજીની બુકમાં ભૂલથી 1999 ની સુપરહિટ ફિલ્મ હમ દિલ દે ચૂકે સનમ ના ફેમસ ગીત નિંબૂડા નિંબૂડાના શબ્દો છાપી દેવામાં આવ્યા છે. શાળામાં નવા પુસ્તકો પહોંચ્યા પછી એડિટિંગ અને ક્વોલિટી કંટ્રોલ પર ગંભીર સવાલો ઊઠી રહ્યા છે.
સોશિયલ મીડિયા પર વિરોધ
ઓડિશા ટીવીના એક અહેવાલ મુજબ, આ ભૂલ ત્યારે સામે આવી જ્યારે 5મી ક્લાસની બુકની તસવીરો ઓનલાઇન પબ્લિશ કરવામાં આવી. પ્રાઇમરી સ્કૂલના બાળકોના પુસ્તકમાં ગીતના શબ્દો છપાયેલા જોવા મળ્યા. આ મામલો સામે આવ્યા પછી, એકવાર ફરી ઓડિશા શાળાના પુસ્તકમાં ભૂલ પર વિવાદ શરૂ થઈ ગયો છે. સોશિયલ મીડિયા પર પણ બુકમાં આ ભૂલ વિરુદ્ધ આકરો વિરોધ સામે આવી રહ્યો છે.
શિક્ષણ અધિકારીઓ સામે સવાલો
આ ભૂલે શાળાના પુસ્તકો તૈયાર કરવા, તેમની સમીક્ષા કરવા અને તેમને છાપવા દરમિયાન અપનાવવામાં આવતી ક્વોલિટી કંટ્રોલની પદ્ધતિઓ પર ચિંતા પેદા કરી દીધી છે. શિક્ષણ વિદો અને વાલીઓએ સવાલ ઉઠાવ્યો છે કે આટલી મોટી ભૂલ વિદ્યાર્થીઓ સુધી પહોંચતા પહેલાં એડિટિંગના કેટલાય તબક્કાઓમાંથી કેવી રીતે બચી ગઈ.
જવાબદારીની માગણી તેજ
આ વિવાદે એજ્યુકેશનલ મટીરિયલ, ખાસ કરીને નાના બાળકોના પુસ્તકોના પ્રકાશનમાં પ્રૂફરીડિંગ અને જવાબદારીની માંગને ફરી તેજ કરી દીધી છે. અધિકારીઓએ હજુ સુધી છાપકામની આ કથિત ભૂલ પર કોઈ નિવેદન જાહેર કર્યું નથી. જો આની પુષ્ટિ થઈ જશે, તો ભવિષ્યમાં આવી ભૂલોને રોકવા માટે પુસ્તક પ્રકાશનની પ્રક્રિયાની સમીક્ષા કરવામાં આવી શકે છે.
મોટી સંખ્યામાં ભૂલો સામે આવી
આ પહેલો મામલો નથી જ્યારે ઓડિશાના નાના બાળકોના પુસ્તકોમાં ભૂલો પર સવાલો ઉઠાવવામાં આવી રહ્યા હોય. નેશનલ એજ્યુકેશન પોલિસી (NEP) 2020 હેઠળ રાજ્યમાં બહાર પાડવામાં આવી રહેલા નવા પુસ્તકોમાં 1600 થી વધુ ભૂલો જોવા મળી છે. ક્લાસ 1 થી 8 સુધીના વિદ્યાર્થીઓ માટેની 55 નવી SCERT બુક્સમાં 1,678 ભૂલો મળી છે. જેમાં તથ્યોની ભૂલો, વ્યાકરણની ભૂલો, સ્પેલિંગની ભૂલો અને ખોટા સંદર્ભો સામેલ છે. સૌથી વધુ ભૂલો ક્લાસ 8 ના પુસ્તકોમાં મળી છે, જેની સંખ્યા 705 છે.
અધિકારીઓ વિરુદ્ધ કડક કાર્યવાહી
ઓડિશાના મુખ્યમંત્રી મોહન ચરણ માઝીએ ટીચર એજ્યુકેશન એન્ડ સ્ટેટ કાઉન્સિલ ઓફ એજ્યુકેશનલ રિસર્ચ એન્ડ ટ્રેનિંગ (TE&SCERT) ના પૂર્વ ડાયરેક્ટર મનોજ પાઢી અને ત્રણ આસિસ્ટન્ટ ડાયરેક્ટરને સસ્પેન્ડ કરી દીધા છે. એક સત્તાવાર નિવેદન મુજબ, આ કાર્યવાહી ડેવલપમેન્ટ કમિશનર ડીકે સિંહની અધ્યક્ષતાવાળી કમિટીના રિપોર્ટના આધારે કરવામાં આવી છે, જેણે પુસ્તકો તૈયાર કરવામાં આવેલી ખામીઓની તપાસ કરી હતી. બીજા છ આસિસ્ટન્ટ ડાયરેક્ટર વિરુદ્ધ પણ શિસ્તભંગના પગલાં શરૂ કરવામાં આવ્યા છે.
આ પણ વાંચો-માતા હિન્દુ, પિતા ખ્રિસ્તી, જાણો કયા ધર્મને માને છે ઇક્કાની એક્ટ્રેસ દીયા મિર્ઝા?
Follow Us On Google News
Follow Us On WhatsApp
Follow Us On facebook
Leave a Comment