ગુજરાતમાં ચોમાસાની જામી રહેલી સિઝન વચ્ચે દક્ષિણ ગુજરાત અને સૌરાષ્ટ્રના દરિયાકાંઠાના વિસ્તારોમાં મેઘરાજા મન મૂકીને વરસી રહ્યા છે. હવામાન વિભાગના તાજા આંકડાઓ મુજબ,સંઘપ્રદેશ દમણમાં આભ ફાટ્યું હોય તેમ 24 કલાકમાં સૌથી વધુ 132.8 મીમી વરસાદ નોંધાયો છે, જેના કારણે નીચાણવાળા વિસ્તારોમાં પાણી ભરાઈ ગયા છે. હવામાન વિભાગના જણાવ્યા અનુસાર, રાજ્યમાં એકસાથે પાંચ જેટલી વરસાદી સિસ્ટમ સક્રિય થવાને કારણે આગામી દિવસોમાં સમગ્ર રાજ્યમાં સાર્વત્રિક વરસાદની શક્યતા છે.
તંત્રને એલર્ટ રહેવા સૂચના અપાઈ
હવામાન વિભાગના ડાયરેક્ટર એ.કે.દાસના જણાવ્યા પ્રમાણે, આજે સુરત, ભરૂચ, નવસારી, વલસાડ, દાદરા નગર હવેલી, વડોદરા, તાપી, ડાંગ, આણંદ, પંચમહાલ અને છોટાઉદેપુર જિલ્લાઓમાં ભારે વરસાદની ચેતવણી આપવામાં આવી છે. આ ઉપરાંત સૌરાષ્ટ્રના પોરબંદર, જૂનાગઢ અને ભાવનગરમાં પણ વરસાદી માહોલ જામશે. ખાસ કરીને ગીર સોમનાથમાં અત્યંત ભારે વરસાદની આગાહી કરવામાં આવી છે.જેને પગલે તંત્રને એલર્ટ રહેવા સૂચના અપાઈ છે.
Follow Us On Google News
Follow Us On WhatsApp
Follow Us On facebook
Leave a Comment