FIFA World Cup 2026માં રાઉન્ડ 16માં આ 13 ટીમ ફાઈનલ, ત્રીજા સ્થાન માટે 6 ટીમ વચ્ચે ટક્કર | Gujarat News

ફિફા વર્લ્ડ કપ 2026નો ઉત્સાહ હવે ચાહકોમાં વધી રહ્યો છે.રાઉન્ડ ઓફ 32 મેચ ચાલી રહી છે.3 જુલાઈ સુધીમાં રાઉન્ડ ઓફ 16 માટે 13 ટીમ નક્કી થઈ ગઈ છે.હવે આર્જેન્ટિના સહિત ત્રણ ટીમોનો નિર્ણય ટૂંક સમયમાં લેવામાં આવશે.3 જુલાઈએ રમાયેલી રાઉન્ડ ઓફ 32 મેચોમાં,સ્પેન અને પોર્ટુગલે આગામી રાઉન્ડમાં પોતાનું સ્થાન સુરક્ષિત કર્યું,જ્યારે સ્વિટ્ઝર્લેન્ડે અલ્જેરિયા સામે 2-0થી જીત મેળવીને આગામી રાઉન્ડમાં પોતાનું સ્થાન સુરક્ષિત કર્યું. તેમની આગામી મેચ કોલંબિયા અને ઘાના વચ્ચેની મેચના પરિણામ દ્વારા નક્કી થશે.

13 ટીમ રાઉન્ડ ઓફ 16 માટે ક્વોલિફાય થઈ

રાઉન્ડ ઓફ 32 જીતીને રાઉન્ડ ઓફ 16 માં પોતાનું સ્થાન સુરક્ષિત કરનાર 13 ટીમોમાં કેનેડા, મોરોક્કો, પેરાગ્વે, ફ્રાન્સ, યુએસએ,બેલ્જિયમ,પોર્ટુગલ, સ્પેન,બ્રાઝિલ, નોર્વે,મેક્સિકો, ઇંગ્લેન્ડ અને સ્વિટ્ઝર્લૅન્ડનો સમાવેશ થાય છે. રાઉન્ડ ઓફ 16 માં, કેનેડા મોરોક્કોનો સામનો કરશે, જ્યારે ફ્રાન્સ પેરાગ્વેનો સામનો કરશે. યજમાન યુએસએ પણ રાઉન્ડ ઓફ 16માં બેલ્જિયમનો સામનો કરશે. પોર્ટુગલનો મુકાબલો 2010ના વર્લ્ડ કપ વિજેતા સ્પેન સામે થશે, જે ખૂબ જ અપેક્ષિત મેચ છે. મેક્સિકોનો મુકાબલો ઈંગ્લેન્ડ સામે થશે, જ્યારે સ્વિટ્ઝર્લેન્ડનો રાઉન્ડ ઓફ 16નો પ્રતિસ્પર્ધી હજુ સુધી નક્કી થયો નથી.

Also Read

IND vs ENG Team India reaches Manchester 15-year-old Vaibhav Suryavanshis simplicity while carrying luggage wins hearts | Gujarat News

હવે બધાની નજર આર્જેન્ટિના અને ઓસ્ટ્રેલિયાની મેચ પર

વર્લ્ડ કપ રાઉન્ડ ઓફ 16 માટે ત્રણ ટીમો હજુ સુધી ફાઇનલ થઈ નથી. ઓસ્ટ્રેલિયા અને ઇજિપ્ત વચ્ચેનો મુકાબલો 3 જુલાઈના રોજ ભારતીય સમય મુજબ રાત્રે 11:30 વાગ્યે રમાશે. ત્યારબાદ 4 જુલાઈના રોજ સવારે 3:30 વાગ્યે આર્જેન્ટિના અને કાબો વર્ડે વચ્ચે મુકાબલો થશે. આ બે મેચના વિજેતાઓ રાઉન્ડ ઓફ 16માં આગળ વધશે. રાઉન્ડ 32નો અંતિમ મુકાબલો 4 જુલાઈના રોજ ભારતીય સમય મુજબ સવારે 7 વાગ્યે કોલંબિયા અને ઘાના વચ્ચે રમાશે. વિજેતાનો મુકાબલો રાઉન્ડ 16માં સ્વિટ્ઝર્લેન્ડ સામે થશે.

Also Read

Gandhinagar Shock: PM Awas Resident Gets Rs 4.97 Lakh Electricity Bill | Gujarat News

આ પણ વાંચો – FIFA World Cup 2026 : સ્વિટ્ઝરલેન્ડે અલ્જીરિયાને 2-0થી હરાવ્યું, પ્રી-ક્વાર્ટર ફાઇનલમાં કરી એન્ટ્રી