World Cup 2026 : રોનાલ્ડોનું વર્લ્ડ કપ સપનું ફરી અધૂરું, સ્પેન સામે પોર્ટુગલના પરાજય બાદ ભાવુક દૃશ્યો

ફિફા વર્લ્ડ કપ 2026માં પોર્ટુગલ અને સ્પેન વચ્ચે રમાયેલી હાઇ-વોલ્ટેજ મેચ બાદ ક્રિસ્ટિયાનો રોનાલ્ડોની વર્લ્ડ કપ સફરનો ભાવુક અંત આવ્યો હતો. પોર્ટુગલને સ્પેન સામે 1-0થી હાર મળતાં રોનાલ્ડોનું વર્લ્ડ કપ જીતવાનું સપનું ફરી એકવાર અધૂરું રહી ગયું. મેચ પૂર્ણ થયા બાદ મેદાન પર ઉભેલા રોનાલ્ડોની આંખોમાં આંસુ જોવા મળ્યા હતા, જ્યારે સ્ટેડિયમમાં હાજર તેના ચાહકો પણ ભાવુક બની ગયા હતા.

મેદાન પર જ ભાવુક થયો રોનાલ્ડો
મેચ પૂરી થતાં સ્કોરબોર્ડ પર પોર્ટુગલ 0 અને સ્પેન 1 દેખાઈ રહ્યું હતું. સ્પેનના ખેલાડીઓ જીતની ઉજવણીમાં મગ્ન હતા, જ્યારે રોનાલ્ડો મેદાન પર શાંત ઉભો રહી પોતાની છેલ્લી વર્લ્ડ કપ ક્ષણોને નિહાળી રહ્યો હતો. થોડા જ પળોમાં તેની આંખોમાંથી આંસુઓ વહેવા લાગ્યા. સ્ટોપેજ ટાઈમમાં મિકેલ મેરિનોએ કરેલા ગોલે સ્પેનને ક્વાર્ટર ફાઇનલમાં પહોંચાડ્યું અને રોનાલ્ડોની વર્લ્ડ કપ સફર પર પૂર્ણવિરામ મૂકી દીધું.

ફેન્સ પણ ભાવુક, રોનાલ્ડોએ કર્યો અંત સુધી સંઘર્ષ
રોનાલ્ડોને મેદાન પરથી બહાર જતો જોઈ સ્ટેડિયમમાં હાજર તેના ચાહકો પણ ભાવુક બની ગયા હતા. 41 વર્ષની ઉંમરે રોનાલ્ડોમાં પહેલાની જેવી ઝડપ ભલે ન રહી હોય, પરંતુ તેનો લડાયક જુસ્સો યથાવત રહ્યો હતો. પોર્ટુગલના કોચ રોબર્ટો માર્ટિનેઝે તેના પર વિશ્વાસ મૂક્યો હતો અને રોનાલ્ડોએ પણ આખી મેચ દરમિયાન સ્પેનના ડિફેન્ડર્સ સામે સતત સંઘર્ષ કરીને એ ભરોસાને સાચવવાનો પ્રયાસ કર્યો હતો.

Also Read

બ્રાઝિલ વર્લ્ડ કપ 2026માંથી બહાર થતાં જ નેમારે લીધો સંન્યાસ

સ્ટોપેજ ટાઈમમાં તૂટી ગયું પોર્ટુગલનું સપનું
મેચની શરૂઆતથી જ સ્પેન વધુ આક્રમક અને ગોઠવાયેલ દેખાતું હતું. રોડ્રી, પેડ્રી અને દાની ઓલ્મો સતત પોર્ટુગલના ડિફેન્સમાં જગ્યા બનાવી રહ્યા હતા, પરંતુ ગોલકીપર ડિઓગો કોસ્ટા અને ડિફેન્ડર્સ રૂબેન ડાયસ-રેનાટો વેઇગાએ ટીમને લાંબા સમય સુધી બચાવી રાખી.

Also Read

Digital Arrest Scam : ‘ડિજિટલ અરેસ્ટ’ સ્કેમનો દેશ પર મોટો ઘા, 3 વર્ષમાં ભારતીયો પાસેથી ₹4,000 કરોડથી વધુની ઠગાઈ

નૂનો મેન્ડિસે લેમિન યામલને પણ અસરકારક રીતે રોક્યો હતો, પરંતુ તેની ઇન્જરી બાદ પોર્ટુગલનું સંતુલન બગડ્યું. આ જ ક્ષણનો ફાયદો ઉઠાવી સ્પેને સ્ટોપેજ ટાઈમમાં મિકેલ મેરિનોના ગોલથી મેચ જીતી લીધી અને રોનાલ્ડોનું વર્લ્ડ કપ સપનું અધૂરું રહી ગયું.