MCX બજાર ખુલતાની સાથે સવારે 9:15 વાગ્યે ઓગસ્ટ ડિલિવરીવાળું સોનું 0.30 ટકા ઘટીને 10 ગ્રામ દીઠ ₹1,43,275 પર આવી ગયું હતું. બીજી તરફ, સપ્ટેમ્બર ડિલિવરીની ચાંદી 0.76 ટકા તૂટીને પ્રતિ કિલોગ્રામ ₹2,21,749 પર ટ્રેડ થઈ રહી હતી. બજાર ખુલતાની સાથે જ વેચવાલી વધતા બંને કિંમતી ધાતુઓમાં દબાણ જોવા મળ્યું.
ઓલ ટાઈમ હાઈથી મોટો ગાબડો
MCXના ડેટા મુજબ, 29 જાન્યુઆરીએ સોનું ₹1,93,096ની ઓલ ટાઈમ હાઈ સપાટીએ પહોંચ્યું હતું. હાલના ભાવ સાથે સરખામણી કરીએ તો સોનું તેની ટોચથી અંદાજે ₹50,000 સસ્તું થઈ ચૂક્યું છે. ચાંદીની વાત કરીએ તો તે તેના રેકોર્ડ હાઈ ₹4,20,048થી હવે લગભગ ₹2 લાખ જેટલી નીચે આવી ગઈ છે, જે બજારમાં આવેલા મોટા કરેકશનની સાબિતી આપે છે.
આંતરરાષ્ટ્રીય બજારમાં પણ દબાણ
વૈશ્વિક બજારમાં પણ સોનાના ભાવમાં સતત ત્રીજા દિવસે ઘટાડો નોંધાયો છે. આંતરરાષ્ટ્રીય માર્કેટમાં સોનું આશરે 4,080 ડૉલર પ્રતિ ઔંસની આસપાસ આવી ગયું છે, જ્યારે સિંગાપોર માર્કેટમાં સ્પોટ ગોલ્ડ 4,078.66 ડૉલર પ્રતિ ઔંસ પર જોવા મળ્યું હતું. બીજી તરફ, ચાંદીમાં નજીવી મજબૂતી રહી અને તે 58.45 ડૉલર પ્રતિ ઔંસની સપાટી પર ટ્રેડ થઈ હતી.
શા માટે ઘટ્યા સોના-ચાંદીના ભાવ?
સામાન્ય રીતે વૈશ્વિક અનિશ્ચિતતા અને મોંઘવારીના સમયમાં સોનાને સુરક્ષિત રોકાણ માનવામાં આવે છે, પરંતુ જ્યારે વ્યાજદરો વધવાની આશંકા ઊભી થાય ત્યારે સોનાના ભાવ પર દબાણ આવે છે. કારણ કે સોનું અન્ય રોકાણની જેમ વ્યાજ કે રિટર્ન આપતું નથી.
હાલ અમેરિકા-ઈરાન તણાવ, મોંઘવારી અને વ્યાજદરોને લઈને વધતી અનિશ્ચિતતાના કારણે રોકાણકારોનું વલણ બદલાતા સોના-ચાંદીમાં આ મોટો કડાકો જોવા મળી રહ્યો છે.
Follow Us On Google News
Follow Us On WhatsApp
Follow Us On facebook
Leave a Comment