અમદાવાદથી ભુજ આવી રહેલી નમો ભારત ટ્રેનમાં અચાનક લાઇટિંગ પાવરની ગંભીર ખામી સર્જાઈ હતી. પાવર સપ્લાયમાં સમસ્યા થતાં ટ્રેન કુકમા સ્ટેશન નજીક થંભી ગઈ હતી. એસી બંધ થઈ જતા મુસાફરોને ગૂંગળામણનો સામનો કરવો પડ્યો અને હવા માટે ટ્રેનના દરવાજા ખોલવાની ફરજ પડી હતી.
વૈકલ્પિક એન્જિનથી ટ્રેન રવાના
ટ્રેન લાંબા સમય સુધી અટવાઈ રહેતા બાળકો, મહિલાઓ સહિતના મુસાફરોને ભારે મુશ્કેલી પડી હતી. મોડી રાત્રે સુરક્ષા અને સુવિધાને લઈને પણ ચિંતા વ્યક્ત કરવામાં આવી હતી. ત્યારબાદ રેલવે તંત્રે વૈકલ્પિક એન્જિનની વ્યવસ્થા કરી અને ટ્રેનને ફરીથી ભુજ તરફ રવાના કરી હતી.
નિર્ધારિત સમય કરતાં 3 કલાક મોડી
ટેકનિકલ ખામીને કારણે નમો ભારત ટ્રેન અંદાજે ત્રણ કલાક મોડી પહોંચી હતી. જેના કારણે મુસાફરોના આગળના તમામ આયોજનો પ્રભાવિત થયા હતા. ઘટનાના પગલે રેલવે તંત્રે ટ્રેનની તપાસ હાથ ધરી છે, જેથી ભવિષ્યમાં આવી ટેકનિકલ સમસ્યાઓનું પુનરાવર્તન ન થાય.
Follow Us On Google News
Follow Us On WhatsApp
Follow Us On facebook
Leave a Comment