Virat Kohli Records vs England 2nd ODI 2026 : એક જ મેચમાં વિરાટ કોહલીના 4 ઐતિહાસિક રેકોર્ડ! સચિન-દ્રવિડને પાછળ છોડીને રચ્યો નવો ઈતિહાસ

ઇંગ્લેન્ડ સામે સોફિયા ગાર્ડન્સમાં રમાયેલી બીજી વનડેમાં ભારતીય ટીમ ભલે મોટો સ્કોર ન બનાવી શકી, પરંતુ વિરાટ કોહલીએ પોતાની શાનદાર ઇનિંગ્સથી અનેક ઐતિહાસિક રેકોર્ડ પોતાના નામે કરી લીધા છે. રન મશીન વિરાટ કોહલીએ 66 બોલમાં 8 ચોગ્ગાની મદદથી 65 રનની મહત્વપૂર્ણ ઇનિંગ રમી હતી. આ ઇનિંગ સાથે કોહલીએ એકસાથે ચાર મોટા કીર્તિમાન હાંસલ કર્યા છે.

SENA દેશો સામે સૌથી વધુ ફિફ્ટી ફટકારનાર ભારતીય બન્યો
વિરાટ કોહલી હવે SENA દેશો (સાઉથ આફ્રિકા, ઇંગ્લેન્ડ, ન્યૂઝીલેન્ડ અને ઓસ્ટ્રેલિયા) સામે વનડેમાં સૌથી વધુ અડધી સદી ફટકારનાર ભારતીય બેટ્સમેન બની ગયો છે. કોહલીએ SENA દેશો સામે પોતાની 30મી ફિફ્ટી ફટકારી છે. આ સાથે તેણે રાહુલ દ્રવિડ (29 ફિફ્ટી) અને સચિન તેંડુલકર (25 ફિફ્ટી)ને પાછળ છોડી દીધા છે.

કુમાર સંગાકારાનો વર્લ્ડ રેકોર્ડ તોડ્યો
વિદેશી ધરતી પર વિરોધી ટીમ સામે સૌથી વધુ વનડે રન બનાવવાના મામલે પણ વિરાટ કોહલી નંબર-1 બની ગયો છે. આ યાદીમાં કોહલીએ શ્રીલંકાના મહાન બેટ્સમેન કુમાર સંગાકારાને પાછળ છોડી દીધા છે.

Also Read

Rohit Sharma Retirement News : રોહિત શર્માની વનડે કારકિર્દી પર સવાલ! લોર્ડ્સ મેચ બની શકે છે છેલ્લી? 2027 વર્લ્ડ કપના પ્લાનમાંથી બહાર?

• વિરાટ કોહલી: 5,538 રન
• કુમાર સંગાકારા: 5,518 રન
• રિકી પોન્ટિંગ: 5,090 રન
• સચિન તેંડુલકર: 5,065 રન

વિદેશી ધરતી પર પૂરા કર્યા 8,000 વનડે રન
ઇંગ્લેન્ડ સામેની આ ઇનિંગ સાથે વિરાટ કોહલીએ વિદેશી ધરતી પર વનડે ક્રિકેટમાં 8,000 રન પણ પૂરા કર્યા છે. આ સિદ્ધિ મેળવનાર તે ભારતનો ત્રીજો ખેલાડી બન્યો છે. આ પહેલા સચિન તેંડુલકર (11,450 રન) અને સૌરવ ગાંગુલી (8,111 રન) આ મુકામ સુધી પહોંચી ચૂક્યા છે.

Also Read

Biggest news for PF holders : ’35 કરોડ PF ખાતાધારકોના ખાતામાં વ્યાજ જમા થયું’ સરકારે આપી સૌથી મોટી ભેટ

ઇંગ્લેન્ડ સામે 50+ સ્કોરનો નવો રેકોર્ડ
વિરાટ કોહલી ઇંગ્લેન્ડ સામે વનડે ક્રિકેટમાં સૌથી વધુ વખત 50થી વધુ રન બનાવનાર વિશ્વનો પ્રથમ બેટ્સમેન બની ગયો છે. તેની આ સિદ્ધિએ ફરી એકવાર સાબિત કર્યું છે કે શા માટે તેને વિશ્વના શ્રેષ્ઠ બેટ્સમેનોમાં ગણવામાં આવે છે.

બીજી વનડેમાં ભારત 233 રનમાં ઓલઆઉટ
મેચની વાત કરીએ તો ટોસ હારીને પ્રથમ બેટિંગ કરવા ઉતરેલી ભારતીય ટીમ 44 ઓવરમાં 233 રનમાં સમેટાઈ ગઈ હતી. ભારત તરફથી શ્રેયસ અય્યરે સૌથી વધુ 66 રન બનાવ્યા હતા, જ્યારે વિરાટ કોહલીએ 65 રનની ઇનિંગ રમી હતી. ઇંગ્લેન્ડ તરફથી જોફ્રા આર્ચર અને ગસ એટકિન્સને શાનદાર બોલિંગ કરતા 3-3 વિકેટ ઝડપી હતી.